Kɔgya 128:2 - Katɔti Ɔku Kedee

² Ɔsika ɔdubɔdi nwuna enu kemmo kabla na ɔdubɔbla-nwu lɛlɔyɔ sɔsɔ ka keyi kadubɔyɔku-nwu ɔsu.

Kɔgya 128:2 ပူးပေါင်းရင်းမြစ်များ

Ala Kalɔ Buse 3:19

Na adubuni ewulu na ƒula lɛtɛntɛ asa na akɛ ƒula lɛdila weti wetédu uwi ɔni na adubɔsɔ enwini esie kalɔ kemmo. Ɔsika aka na líti lɛ́vɔ-ɔ. Lɛti na adi na lɛti kani na adubɔsɔ enwini.”

Kɔgya 1:3

Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Kɔgya 109:11

Na bekyuli bani na ɔda kayu ƒui beƒie lɛla biala na ubo baƒɔ. Na baƒɔ bekpeli kabla biala na ɔ́bla úse baƒɔ.

Etemila 8:12

Bɔɔnu kalɛ na bekyuli bekpidi bani muulie taabla ekpidi liti liti taasia kama beelie ngba na uwi uutu ina ka nka básu banii bekyuli bani mɔɔsiaku Katɔti kama siin na baabu-nwu na ala adubo bɔtɛku.

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Yesaia 62:8

Unwoti úse kenye kpakplaa ɔnini, “Nsɔ lɛɛɛdubo bina edula buti bute bina bekisine na badi. Na kadi bamba bekyuli basɔ baaadubo bina ntɛ bɔwɔdi bɔni lɛnɔ na bíbo abi bídie bɔni kudii.

Yesaia 65:13

“Binu! Ami Unwoti Ɔyikune Ƒui mɔɔsu-mii nwaa ka mina kabla bablane badubo bɔdi, nsu kɔka kɔdubo amii alaekpidi bablane butaada uwi biala. Na badubo bɔni, nsu ntukwɛ ɔdubo-mii butaada uwi ndi uwi. Na lɛlɔ lɛdubo-ma bɔyɔ, nsu kɔƒa kɔdubo-mii bukpo.

Yeremia 22:15

“Egyii kpakplaa buni pii ani na éti átu ƒula kaduli kammɔ kátaya na aƒɔ lɛnyi etulo ƒ'ɔti Yosia. Ɔsika anwu ɔ́bla lɛla biala ulu lɛlɔ siin úte bawabane na ɔɔsu litemi geen lɛmmɔ uwi ndi uwi.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Eƒesoƒuɔ 6:3

Búsie anumi bɔnii, “Kalɛ na keyi kayɔku-ɔ na elie ngba gyɔlɔɔ na kalɔ lɛlɔ mɛni.”

Lɛkpa Ulu 28:11

Unwoti ɔdubɔya na bɛwɔ bebi pii na bɛkɛ ɔmantɛ bakɔ ku edula pii na kalɔ kani na úti uute-mii mɛni lɛlɔ. Na aka na ɔ́su úse ka weti wete bina bati kuuku.

Lɛkpa Ulu 28:39

Na bɛdubɔtuma adingyii mmo na biwi lɛlɔ bɛnu-nya lɛlɔ kaduɛ. Nsu bilákɛ-nya ebi bilala iye bɛkɛ ebi ammɔ adi bɛbla ntɛ. Ɔsika beklubi badubuduo egyiibi ammɔ kemmo.

Lɛkpa Ulu 28:4

Unwoti ɔdubute-mii kusɛ kusɛ na bɛwɔ bebi pii na bɛkɛ edula pii lɛnɔ. Na ɔdubɔya na bɛkɛ ɔmantɛ bakɔ ku baƒonu pii.

Lɛkpa Ulu 28:51

Na bekyuli bammɔ badubo bina edula bɔdi na badu bina bebuo bakun ƒui na kɔka kɔda-mii kaduɛ úti útédu ka bíkpi bɛ́sa ƒui. Na bekyuli bammɔ baaadubo edula iye ntɛ iye nnɔ iye ɔmantɛ bakɔ iye baƒonu badi bɔda buse-mii. Badubɔkyula ala ammɔ ƒui kede kede na bikpi bɛsa.

Lɛkpa Ulu 28:8

Unwoti ɔdubute-mii kusɛ kusɛ na bina kabla kani bɛɛbla kemmo. Na ɔdubɔya na bina linwu liyi ku bina edula ani na bɛdubɔƒɛ. Na ɔdubute-mii kusɛ kusɛ na kalɔ kani na úti uute-mii mmɔ lɛlɔ.