1 Ukyuli biala ɔni mɔɔyia Unwoti Katɔti ni, lɛlɔ lɛdubɔyɔ-nwu ka ɔɔsia ulu geen ɔmmɔ lɛlɔ ɔsu.
Mɔɔdi Unwoti ɔda bubo lɛlɔ. Na ńtedeyi ńtalɛ nwuna ulu lɛlɔ na lɛ́ƒiɔ-nwu.
O Katɔti, ndubumwi-ɔ lɛnyi kedee ku mina kayi ƒui.
Kalɛ na bebi lɛlɔ lɛɛbla bana bawɔne kɔnyana ni, lɛni na Unwoti lɛnɔ bekyuli bani mɔɔyia-nwu lɛlɔ lɛɛbla-nwu kɔnyana.
Nsu bekyuli bani mɔɔyia Unwoti ni, ama na ɔɔyɔ́ úsela uwi ƒui. Na nwuna lɛƒɔndia ku ala bɔbla ulu lɛlɔ siin use ute bana bawɔ bawɔ
Bɛya na bumwi Unwoti. Lɛlɔ lɛdubɔyɔ ukyuli ɔni mɔɔyia Unwoti na ɔɔdi nwuna ɔda bubo etemila ƒui lɛlɔ.
Na bani ƒui na beeti ɔbu teete Unwoti ni, Unwoti ɔdubute-ma kusɛ kusɛ ama bani mbo kenyekɔ ku bani neeebo kenyekɔ na bekyuli akɔ ƒui.
Lɛlɔ lɛdubɔyɔ bekyuli bani na likpidi bɔbla buuubo-ma keliela kemmo. Mmomu beelie ngba na Unwoti ɔda bubo kenye.
Na balábla likpidi lɛdi, mmomu baasia Unwoti kama uwi biala.
Uwi ɔni na ala étulo-mi ni, líwulo lɛ́kpali Unwoti Katɔti na únu úte-mi.
Nnye mɔɔnu abi lɛlɔ teemene. Wɛ na bɔƒɔ bɔdubɔsi bubo-mi?
Lɛlɔ lɛ́yɔ-mi ka básu-mi banii, “Ya na buteesie Unwoti kaduli.”
Unwoti Katɔti, awɔ na lɛ́kɔliku anumi katɔ mɔɔnu ulu teete na ƒula lɛgaboku lɛlɔ na katɔ mmɔ.
Unwoti, si ɔɔɔdi awɔ nnye éte-bu ni, nka dɛ na ɔdubo buse? Israelƒuɔ, bɛsu bɛnini,
Bekyuli bani néti bana anu básia Unwoti lɛlɔ ni, bese aani Sion Kɔbi kɔni naadubo bɔta kesii kani na kɔlɛ kudii. Ɔsika mmɔ kani na kɔdubɔlɛ uwi biala kemmo.
Uwi ɔni na Unwoti ɔ́sɔku nwuna bekyuli úboku Yerusalem ni, ɔ́bla-bu aani kɔna na buugyé.
Si Unwoti Katɔti kɔnu kɔɔɔkya ɔtɔ ɔni na batune benye baatú kemmo ni, kekeeke na beebó abi. Na si Unwoti Katɔti útagyumana ɔma ɔni na bagyumanane benye baanu ni, kekeeke na belie benye baagyumana.
Na bani mɔɔyia Katɔti na benye baanu ulu teete nwuna bɔyɔ bɔni naaasa kudii ni, bana lɛlɔ mɔɔda Katɔti kubiti.
“Na si bunu na amii Israel bekyuli bínu-mi litemi na bɛbla bɛsiaku-ni lɛlɔ ni, nka ɔdia.
Nwuna kɔnyana bɔnu kuse kute kaba ƒui bekyuli bani mɔɔbu-nwu.
Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.
Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.
Unwoti ɔdubutemi-mii kusɛ kusɛ na bina lɛma ku bina mmo.
Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.