Kɔgya 127:1 - Katɔti Ɔku Kedee

¹ Si Unwoti Katɔti kɔnu kɔɔɔkya ɔtɔ ɔni na batune benye baatú kemmo ni, kekeeke na beebó abi. Na si Unwoti Katɔti útagyumana ɔma ɔni na bagyumanane benye baanu ni, kekeeke na belie benye baagyumana.

Kɔgya 127:1 ပူးပေါင်းရင်းမြစ်များ

Baga 1 5:12

Na Unwoti ɔ́di nwuna linyese lɛlɔ ɔkɛnku lɛnunda lɛni na úte Salomo ɔsu. Na atu bɔyɔ bɔ́kya Hiram ku Salomo ntɛ kaduɛ na bana inyɔ bényimi unwi bɔbla kenye béte lɛlɔ.

Ala Alɛdi 1 28:10

Awɔ na Unwoti ɔ́ƒuna ka atu kakpakɔ na bekyuli bataakpa-nwu. Nye kpakplaa na abla kabla kani na bákya-a kɔnu.”

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Ala Alɛdi 1 29:19

Na aya na Salomo utaayɔ-ɔ na ɔdi ƒula etemila ku ƒula ala bɔtina ƒui lɛlɔ siin. Na ƒula kakpakɔ kamɛni bɔtu bɔyɔ bɔda-nwu kayi kpakplaa ɔni ɔsu na líti ala amɛni muute-nwu.”

Kɔgya 120:1

Uwi ɔni na ala étulo-mi ni, líwulo lɛ́kpali Unwoti Katɔti na únu úte-mi.

Kɔgya 121:1

Nnye mɔɔnu abi lɛlɔ teemene. Wɛ na bɔƒɔ bɔdubɔsi bubo-mi?

Kɔgya 122:1

Lɛlɔ lɛ́yɔ-mi ka básu-mi banii, “Ya na buteesie Unwoti kaduli.”

Kɔgya 123:1

Unwoti Katɔti, awɔ na lɛ́kɔliku anumi katɔ mɔɔnu ulu teete na ƒula lɛgaboku lɛlɔ na katɔ mmɔ.

Kɔgya 124:1

Unwoti, si ɔɔɔdi awɔ nnye éte-bu ni, nka dɛ na ɔdubo buse? Israelƒuɔ, bɛsu bɛnini,

Kɔgya 125:1

Bekyuli bani néti bana anu básia Unwoti lɛlɔ ni, bese aani Sion Kɔbi kɔni naadubo bɔta kesii kani na kɔlɛ kudii. Ɔsika mmɔ kani na kɔdubɔlɛ uwi biala kemmo.

Kɔgya 126:1

Uwi ɔni na Unwoti ɔ́sɔku nwuna bekyuli úboku Yerusalem ni, ɔ́bla-bu aani kɔna na buugyé.

Kɔgya 72:1

O Katɔti, tina ƒula ɔga kalɛ na ɔtɛ litemi ɔsiaku ƒula ulu siin lɛlɔ kalɛ kani na awɔ aabla.

Kɔgya 78:69

Mmɔ na ɔ́tu nwuna kakpakɔ kede únyene na kákuku aani abi. Na ɔ́tu-ka na kenye kalɔ kpi aani kayawi kamɛni kalɛ. Na kadubunye uwi ƒui.

Agba 16:9

Bɔɔkana na bɔɔbla kasusu ku kɔkwɛ na lɛla lɛdi lɛlɔ, nsu Unwoti mɔɔtina bula kasiakɔ.

Etemila 9:11

Lɛ́nu lɛla bamba lɛnɔ lɛ́ti na kayawi. Ɔɔɔdi bekyuli bani ngyi usi bukeli kaduɛ kani muukeli taadi lɛlɔ. Na ɔɔɔdi bekpone bani ngyi kekpo lɛlɔ ala kani muukpó taadi lɛlɔ. Lɛni kani na ɔɔɔdi banundane kani mɔɔkɛ́ adila abuni taadi. Na ɔɔɔdi bani kasusu kemmo nse nwaa kani muunwíni balakɛne iye bani ngyi bana kabla kadi lɛlɔ ala mɔɔƒɔ́ lɛnyi. Mmomu uwi ku lilidia kuƒi kubunku.

Lɛnu Ƒui Ɔnu 3:3

Líye bagyumane bani nkɛ mɔɔkɔ́ taayu na ɔma ɔmmɔ kemmo muedi nnini, “Bɛ́nu ukyuli ɔni na mɔɔyɔ́ ku mina kayi ku kɔyu ƒui mmɔ?”

Lɛnu Ƒui Ɔnu 5:7

Mmɔ na usien bagyumanane bani nkɛ mɔɔkɔ́ taayu ɔma unengudi ɔmmɔ kemmo bénu-mi kɔku. Na béƒie-mi na bébo-mi na bákya-mi ɔlɛ lɛlɔ na bédie-mi kɔdi kɔni na mbi-mi lɛlɔ.

Yesaia 27:3

Bɛsu ka ami Unwoti mɔɔnu kemo kammɔ lɛlɔ. Na muuwi-ka ntu uwi ndi uwi na mɔɔgyumana-ka lɛnɔ usien ku ɔƒɛ kalɛ na ukyuli ɔdi ulésie uletébile-ka.

Yesaia 56:10

Amii Israel kadi benengu, amii na nka ɔlɛka binye bitaagyumana mina bekyuli aani bakpewe bani mɔɔgyumana kaduli. Nsu biiinye bilasia lɛla biala anu na bilebo-ma ɔda ɔdi lɛnɔ. Mmomu bulie kani na bilie biisié taasɔ na bɛɛlɛɛ.

Yesaia 62:6

Yerusalem ƒula ɔma awodu lɛlɔ na ndubunyene bagyumanane bani ndubo-mi buteenyimene usien ku ɔƒɛ na belebile kenye

Yeremia 51:12

Na bɛkɔliku bina kati bute aƒlaga katɔ na bitaaƒɛ ɔma unengudi ɔmmɔ awodu. Bimene bagyumane bibu. Na bɛya na bekpone bataanu ɔma unengudi ɔmmɔ lɛlɔ. Na bɛbla kɔbɛkɔ kesii kani na bɛdubunye bitaatu ɔma ɔmmɔ. Ami lɛ́ɛbla kasusu ka ndubo ɔma ɔmmɔ udu bɔyila na lɛla lɛdi lɛsɔ liletile-mi kuƒi.

Yeremia 51:31

Na batu basiaku lɛlɔ atɔ asia na beete kati ka bádi Babilon lɛlɔ na béƒie-nwu báƒɔ!

Korintoƒuɔ 1 15:14

Na si Katɔti útagyila Kristo útalɛku bekpine akɔ bɔdi ni, na lɛsa lɛdi liiibo na bɔɔkɔ́ bute-mii. Na lɛla lɛdi lɛnɔ liiibo na bɛƒɔ bɛdi.

Korintoƒuɔ 1 3:7

Ɔmɛni ɔsu ni, ukyuli ɔni náva ku ukyuli ɔni néwi ntu ni, bana ƒui baaadi lɛla lɛdi. Na mmomu Katɔti ɔdi nda, ɔsika anwu náya na kálɛ lili.

Galatiƒuɔ 4:11

Liƒu lɛɛda-mi na bina lɛlɔ. Na ɔɔbla-mi aani ka kabla kani na lɛ́bla líte-mii ƒui kadi kabla keeke.

Lɛkpa Ulu 8:18

Mmomu binyimo ka bina Unwoti Katɔti néte-mii ɔyikun ɔmmɔ asa na bɛ́bla akɛla ammɔ na úti ɔɔtina ka ɔ́di kenye kani na úse ku bina bati kuuku úse lɛlɔ aani kalɛ na use ɔmwi mɛni.

Yosua 2:2

Amu na Yeriko ɔga ɔmmɔ únu ka Israelƒuɔ badi bébo ɔma ɔmɛni usien bébelie mɛni na bávi bánu bula kalɔ ƒui.