Kɔgya 113:5 - Katɔti Ɔku Kedee

⁵ Ɔma nse aani bula Unwoti Katɔti ɔni nli nwuna lɛgaboku lɛlɔ na katɔ katɔ ƒui?

Kɔgya 113:5 ပူးပေါင်းရင်းမြစ်များ

Kɔgya 103:19

Unwoti ɔlati nése nwuna lɛgaboku úse katɔ. Na nwuna lɛga kadikɔ mɔɔdi kayawi ƒui lɛlɔ.

Kɔgya 11:4

Nsu Unwoti uli lɛgaboku lɛlɔ na nwuna kakpakɔ kedee kemmo na Katɔ Ɔga Ɔma. Na nwuna anumi aanu ala ani ƒui na bekyuli baabla na kesi kesii.

Kɔgya 35:10

Na ndubɔsu ku mina kayi ƒui nnini, “Ukyuli ɔdi uuuse aani Unwoti kalɛ.” Ɔsika anwu muudie bekyuli bani nse kpɛtɛ kpɛtɛ taalɛku bayikune bani ntulo-ma enu kemmo. Na uudie bawabane taalɛku bayikune bani ntulo-ma na baanya-ma taakya enu kemmo.

Kɔgya 89:6

Ɔsika kayaa ɔyikune ɔdi uuubo na beti bakɔku-ɔ. Na ɔyikune ɔdi lɛnɔ uuubo mmɔ na use aani ƒula kalɛ.

Kɔgya 89:7

Adi Katɔti ɔni na kayaa bayikune kede bammɔ ƒui baayia uwi ɔni na bɛ́sa. Ɔsika ébomo na ebo ɔyikun étulo bani náka bámana-a.

Kɔgya 89:8

Awɔ ndi Unwoti Katɔti Ɔyikune Ƒui, na ɔdi uuubo ɔyikun na ɔɔsia nwuna litemi kama ƒula kalɛ.

Kɔgya 89:9

Awɔ muuboku ɛpu bonwu ku nwuna lɛlɔ bɔnwanɛ ƒui kalɔ. Na aayala nwuna avlɔvɔ ammɔ buɛɛ.

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Yesaia 16:5

Ɔmmɔ kama ni, badubuse lɛga kadikɔ kadi bese, na kadanku bɔyɔ ute bekyuli ƒui. Na ukyuli ɔni mɔɔdi litemi lɛlɔ ulu lɛlɔ ndubo lɛga lɛmmɔ bɔdi. Na ɔ́si Dawid ɔtɔ kemmo. Na anwu mɔɔtɛ litemi na ulu geen ɔmmɔ lɛlɔ. Na ɔɔbabla taasia anu taabla lɛla biala siin.

Yesaia 40:18

Na si use lɛni ni, ɔma na ukyuli ɔdi ɔdubuti Katɔti bɔkɔku, iye bi udu na ukyuli ɔdubɔnwi uti ɔtina kalɛ na Katɔti use?

Yesaia 40:25

Ɔma na bɛdubuti Unwoti Kedee bɔkɔku? Buse na ukyuli ɔdi use aani nwuna kalɛ?

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yeremia 10:6

Bula Unwoti ɔni nébomo na ebo ɔyikun geen, awɔ lɛti kani ndi Katɔti.

Lɛkpa Ulu 33:26

“Israelƒuɔ! Ɔti ɔdi uuutulo bula Katɔti. Na anwu muuti liƒlukutu taabla aani nwuna ɔpɔnkɔ kɛɛkɛ na ɔda ɔɔví na uubo teebebunku-mii.