4 Unwoti mɔɔdi kadi ƒui bekyuli lɛlɔ. Na nwuna bukeye bɔ́kɔ bɔ́via kayaa ƒui.
“Nsu ni, bulie na Katɔti ɔdubulie kayawi kamɛni kemmo geen geen? Ɔ́si katɔ útédu katɔ kakaaka ƒui muedi kalakana-a bɔda. Amu bátaka kakpakɔ kani na lɛ́tu líte-ɔ na kétedu lɛla lɛdi mɛni kemmo?
Bina ƒui bɛya na bemwi Blɔti, ɔsika anwu lɛti kani nse kede kede ƒui. Na nwuna bukeye bɔ́ƒɔ kayawi ƒui, na bɔ́kɔ búbo bɔ́vi kalɔ ƒui.
O Unwoti ɔni ndi bula Katɔti, kayawi bekyuli ƒui baanu ƒula lɛgadi bukeye na kesii biala. Na aayá na ƒula bukeye buugyingya teetédu katɔ kakaaka ƒui.
Unwoti Katɔti, awɔ mɔɔdi kayawi ƒui lɛlɔ na ƒula lɛnyi lɛ́kɔ katɔ litulo baƒiɔ ƒui.
Unwoti, awɔ ntulo ƒui na Sion na ƒula lɛnyi lɛ́kɔ katɔ na kadi bekyuli ƒui akɔ.
Geen ni, bekyuli bayawine baaadi lɛla lɛdi na Unwoti anumi. Mmomu buse bese aani kalɛ na ntu buudú teebo lɛkpibui kemmo kani iye aani ɔtumu na unu lɛnila lɛlɔ. Na ɔɔnu ntuntɛkɔlɔ ƒui aani ɔtumu na nwuna lɛkɔkɔ.
Kayawi kadi bekyuli ƒui baaadi Unwoti lɛla lɛdi na ulánu-ma taakya lɛla lɛdi kemmo munu munu.
Anwu ɔni nédie kayawi ni, uli nwuna lɛgaboku lɛlɔ na ɔɔdi kayawi bekyuli ƒui lɛlɔ ɔ́ka ɔ́mana ɔ́si kayaa katɔ katɔ ƒui. Údie kayaa kammɔ na kebi bekyuli lɛlɔ na bakya-nwu kemmo aani kɔdi kevo bonwu, na ɔɔnu-ma teemene aani bakpɔtilikpɔ.
Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?