Kɔgya 112:9 - Katɔti Ɔku Kedee

⁹ Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 112:9 ပူးပေါင်းရင်းမြစ်များ

Kɔgya 111:3

Nwuna lɛla biala na ɔɔbla liikeye na uudie nwuna lɛgadi keyi. Na nwuna ala bɔbla buse siin úsela uwi ƒui.

Kɔgya 112:3

Na badubumo ku akɛla lidu lidu na bana kaduli. Na kalɛ baabla ala siin ɔsu badubulie kpi uwi biala.

Kɔgya 75:10

Na ɔdububile balalane ɔyikun ƒui. Na bekyuli bani na bese siin ni, bana ɔyikun ɔdubɔkɔ katɔ uwi ƒui.

Kɔgya 92:10

Awɔ náya na mbo ɔyikun aani akɔ ɔgyani. Na áƒuna-mi na ndi awɔ ɔdi.

Kɔgya 92:11

Na ami ɔlati lɛ́nu na línu kalɛ na ádi mina bekisine balalane lɛlɔ.

Agba 14:24

Lɛlakɛ lɛdi kagabwa kete banundane. Na badɔlɔdi kogyoklo ƒui ni, adɔlɔla ebi na aanwu.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Agba 21:26

Ama belemo kudii. Mmomu kalɛ na bakɛ bebu ni, nwuna kasusu kani na beeti. Nsu bani mɔɔyia Unwoti ni, ama beete ala ku kaƒɔ ƒaa.

Etemila 11:6

Nye kabla lɛlɔ kpakplaa na akya edula lɛdigye ku useyi uwi ka aaagyi ani geen ndubo bɔdia iye si ana ƒui madia.

Etemila 3:6

Uwi ɔni na baawia lɛla lɛdi ɔkya, na uwi ɔni beedie-ni atu lɛnɔ ɔkya. Na uwi ɔni na baada lɛla teese lɛlɔ ɔkya, na uwi ɔni na beevakun-ni lɛnɔ ɔkya.

Yesaia 32:8

Na bekyuli babuni ama baawia ulu ɔni lɛlɔ na basia beteebunku bekyuli. Na ɔmmɔ ɔsu na badubɔkɛ kusɛsɛ na benye kpakplaa uwi ƒui.

Yesaia 58:10

Bile bina adila bite bani na kɔka kɔɔda na bɛƒɔ bani neeebo kuduokɔ na bakɛ kuduokɔ na bina kudɔ na bɛnu-ma lɛlɔ. Na ɔmmɔ ɔdubɔya na bina ablala ekeye na kesii kani na kese suu. Na si amii lɛnɔ bíduo ɔgbankpi ɔdi kemmo na use aani kalɛ na beeduo lɛdisa kemmo ni, na unwini aani ɔƒiiwi kadi nwaa ute-mii.

Yesaia 58:7

Na bile bina adila bite ukyuli biala na kɔka kɔɔda. Na bɛya na bawabane ku bani neeebo kuduokɔ bakɛ kuduokɔ bina kudɔ na bakɛ kɔtɛnkɔ. Na bani mɔɔyaki adala lɛnɔ na bite-ma adala na babɛ kɔyɔ. Na bilénwini kama bilakya bina lɛlɔ bekyuli.

Mateo 6:4

Na ƒula Katɔti ɔni mɔɔnu ala abuni ani na bekyuli bátanu uwi ɔni na aabla-nya ni, ɔdubɔƒɔ-ɔ kayu.

Marko 14:7

Bawabane bakya-mii akɔ uwi biala. Na uwi biala na amii bɛɛyɔ́ ni, bɛkana na bibunku-ma. Na ami ni, ɔɔɔdi uwi biala na ndubɔkya-mii kudɔ.

Luka 11:41

Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Luka 12:33

Biti bina lɛlɔ ala biye na bile egulabi ammɔ bite bawabane. Na bɛwia egulabi kɔvumi kɔni na bɛgyi ka kulatɔ bise katɔ bite lɛlɔ. Mmɔ na bina akɛla adubuse kpoo na alaƒana kudii. Ɔsika uyune ɔdi ulakana mmɔ buduo, na kubweyi kɔni muubile ala lɛnɔ kulakana-nya bubile.

Luka 16:9

Mmɔ na Yesu úsie anumi na ɔ́su-ma ɔnini, “Biti bina kayawi lɛlakɛ bibunku bekyuli. Na si lɛkɛ lɛmmɔ lɛ́sa ni, na Katɔti waƒɔ-mii wakya nwuna ɔma kemmo.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Yohane 13:29

Na ka Yuda ɔmɛni nda bana kavumi ɔsu ni, batɛyane bammɔ badi bákali ka bɔsu na Yesu ɔ́ɔsu-nwu ɔnii utéye ala ani na badubuti badi limeyi uboku iye utéte bawabane ala adi.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Batalane Kabla 4:35

Na béti egulabi amɛni bátákya batalane bammɔ lɛkɔkɔ na béle-nya béte bana akɔ ɔdi biala kalɛ na ɔɔwia.

Romaƒuɔ 12:13

Bile bina lɛlɔ ala bite Katɔti bekyuli bani neeebo lɛla lɛdi. Na bɛgyingya enu na bɛƒɔ baƒɔ.

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Lɛkpa Ulu 15:11

Na bawabane badubɔkya bina akɔ uwi ndi uwi na kalɔ kani lɛlɔ na bísela bitélie mmɔ. Anwuɔsu muubo-mii ɔda nnii, biteebunku bawabane bammɔ ku bekyuli bani ƒui mɔɔyáki lɛla lɛdi.

Lɛkpa Ulu 15:14

Mmomu te-nwu lɛla lɛdi siku ala ani ƒui na Katɔti ɔ́ya na ákɛ ɔkɛnku kusɛ kusɛ ɔni na úte-ɔ ɔsu ku kaƒɔ ƒaa. Bite-ma baƒonu ku bese ku edula ani bɛ́ƒɛ ku ntɛ bɔni bídie bíse kalɛ na ɔ́manku.

Lɛkpa Ulu 24:13

Mmomu useyi uwi ni, ti ɔwabane ɔmmɔ kɔdi boku-nwu na ubi lɛlɔ ɔtɛ. Na ɔmɛni ɔdubɔda-nwu kubiti na kaƒɔ kadubɔyɔ bina Unwoti Katɔti.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Budie Taatina 22:11

Ukyuli ɔni na likpidi na ɔɔyɔ́ ka utaabla ni, usie anumi utaabla likpidi. Na ukyuli ɔni mɔɔyɔ́ ka utaabla ala ani muusé lɛlɔ ni, usie anumi utaabla ala ani muusé lɛlɔ. Na ukyuli ɔni mɔɔbla ala siin ni, usie anumi utaabla ala ulu lɛlɔ. Na ukyuli ɔni nse kedee ni, usie anumi na ɔda lɛlɔ kedee.”

Samuel 1 2:1

Amu na Hana ɔ́kpali Unwoti na ɔ́su-nwu ɔnini, “Kayi kaayɔ́-mi geen na Unwoti lɛlɔ. Ɔsika Katɔti ɔ́ya na mina lili lɛ́kɔ lɛ́lɛ katɔ ƒui aani ebuo lise. Na mɔɔkun lɛmɛnɛ na mina bekisine ɔsu. Ɔsika ebiti geen aada-mi ka údie-mi mina bekisine enu kemmo.

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.