Kɔgya 11:5 - Katɔti Ɔku Kedee

⁵ Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 11:5 ပူးပေါင်းရင်းမြစ်များ

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Petro 1 4:12

Banwa bayɔne, abi kpakplaa ani na biibó mɛni ni, anya ndubɔya na bɛkana binye kpakplaa. Na utabla-mii kalɛ kadi ka lɛla lɛni nétebo tɔ dii mɔɔlɛ́ku-mii.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Kɔgya 26:2

Unwoti, duo-mi kayi ku kasusu kemmo nu, na akɔku-mi anu kalɛ na nse.

Kɔgya 7:9

Awɔ ndi Unwoti Katɔti ɔni nse siin na agyi bula lili kemmo kakali ku bula kayi kemmo ayɔla ƒui. Nye tile alaekpidi bablane ala bɔbla ulu! Na ada bekyuli bani nsiaku-ɔ kama siin na benye kpakplaa.

Ala Kalɔ Buse 22:1

Akwa adi kama ni, Katɔti ɔ́kɔku Abraham ɔ́nu na ɔ́kpali-nwu ɔnini, “Abraham!” Na Abraham lɛnɔ ɔ́tuna ɔnini, “Ati, aanu-mi.”

Kɔgya 21:8

Ɔga ɔmmɔ ɔdubɔka nwuna bekisine ƒui ɔkya. Na ɔkɛnku nwuna ɔyikun lɛlɔ na uƒie ama bani muukisi-nwu mmɔ ƒui.

Sakaria 11:8

Útedu kɔbuli kunwi asa na lɛ́ya na baƒonu badane ɛtɛ badi bátɔlɔ. Na lɛ́nu ka baƒonu balayɔ-mi litemi, na ńsɔ ńtakɛ kayi ńtete-ma.

Yeremia 12:8

Mina bekyuli báta bénye-mi lɛlɔ na baakwanyiku-mi aani bagyata, anwuɔsu na muukisi-ma.

Kɔgya 139:1

Unwoti, éduo-mi kayi ku lɛlɔ kemmo ánu ƒui na agyi kalɛ na nse.

Kɔgya 17:3

Agyi kalɛ mina kayi kemmo kese sɛɛn. Ɔsika ébo-mi kudɔ usien na ákɔku-mi lɛlɔ kemmo ƒui ánu ka ntabla likpidi. Na lɛ́lɛ ugyii ka lɛɛɛdubo mina kenye bubimi bɔsu lɛla likpidi lɛdi.

Kɔgya 10:3

Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Malakai 3:3

Unwoti ɔdubo Lewi bebi ku bawɔ lɛlɔ bɔƒɔ na babla sɛɛn aani sika ɔƒualadi iye ugyiedi. Na ɔmmɔ kama na beti akpala ani nse sɛɛn beboku Unwoti.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Kɔgya 5:6

Na ɔkɔ banyine ƒui ni, adubo-ma udu bɔyila. Na bani muuwi ubugya kalɔ ku bani muudie bekyuli teete ni, ekisi-ma.

Yeremia 20:12

Unwoti awɔ mɔɔkɔ́ku bekyuli bani mɔɔbla lɛbuni ƒui taanu na agyi ukyuli biala kayi ku kasusu kemmo ƒui. Lɛ́su-ɔ ala ani muukpóku-mi. Anwuɔsu ya na lɛnu kalɛ na adubudie mina bekisine kasi.