Kɔgya 11:4 - Katɔti Ɔku Kedee

⁴ Nsu Unwoti uli lɛgaboku lɛlɔ na nwuna kakpakɔ kedee kemmo na Katɔ Ɔga Ɔma. Na nwuna anumi aanu ala ani ƒui na bekyuli baabla na kesi kesii.

Kɔgya 11:4 ပူးပေါင်းရင်းမြစ်များ

Ala Alɛdi 1 17:5

Ńtelie ɔtɔ ɔni na bayawine béti bana enu bátu kudii, mmomu Adi Kevo kani na baalɛ taagyu ɔ́si likpo linwi úsie kesii bamba kemmo na lílie ɔ́si uwi ɔni na lídie mina kadi bekyuli Israelƒuɔ lɛ́lɛku Egyipte kalɔ lɛlɔ úti úbedu ɔmwi.

Ala Alɛdi 2 16:9

Unwoti ɔɔsia ukyuli biala anu uwi biala na uuti nwuna ɔyikun teete bani na béti bana anu básia-nwu lɛlɔ na basiaku-nwu kama siin uwi biala. Nsu kɔdɔlɔ lɛla na awɔ ábla mɛni. Na ɔmmɔ ɔsu keyi buɛɛ kasɔ kaaadubo ƒula lɛgakadikɔ kammɔ bɔkya uwi ɔdi lɛnɔ.”

Hiob 24:23

Katɔti ɔkana na unye ɔnu-ma, na ɔbla-ma aani lɛla biala lɛ́ɛtɛ lɛ́wɔlɔ, nsu ɔɔɔdi ɔni na basu banii ulánu-ma ɔsu.

Kɔgya 103:19

Unwoti ɔlati nése nwuna lɛgaboku úse katɔ. Na nwuna lɛga kadikɔ mɔɔdi kayawi ƒui lɛlɔ.

Kɔgya 113:5

Ɔma nse aani bula Unwoti Katɔti ɔni nli nwuna lɛgaboku lɛlɔ na katɔ katɔ ƒui?

Kɔgya 139:23

O Katɔti, awɔ ɔlati kɔku-mi na ati kalɛ na nse.

Kɔgya 14:2

Katɔti ɔ́sia bayawine ƒui anu ɔ́siku katɔ si ɔdi kasusu kálɛmi na ɔɔyɔ́ ka ɔsiaku-nwu kama.

Kɔgya 18:6

Na mina lɛbibo lɛmɛni kemmo ni, lɛ́kpali mina Unwoti Katɔti na líwulo lɛ́kya-nwu nnii ubunku-mi. Na únu-mi lɛdi ɔ́siku nwuna kakpakɔ na úbunku-mi.

Kɔgya 2:4

Nsu Unwoti ɔni nli nwuna lɛgaboku lɛlɔ na katɔ kaaka ɔ́ma bana kakali.

Kɔgya 33:13

Unwoti ɔɔnu bayawine ƒui taasiku katɔ.

Kɔgya 44:21

awɔ Katɔti adubɔnu ati. Ɔsika agyi abɛla ani nkya bekyuli kayi kemmo.

Kɔgya 66:7

Nwuna ɔyikun unengudi kemmo na ɔɔdi kayawi bekyuli ƒui lɛlɔ úsela uwi ƒui kemmo. Na nwuna anumi aanu kadi ƒui bekyuli ablala na lɛdi lítabɛ-nwu. Kayi katatɔlɔ batuɔkplune na bata benye-nwu lɛlɔ kudii.

Kɔgya 9:11

Bidie lɛnu bimwi Unwoti ɔni nli mɔɔdi lɛga na Sion. Na bibo nwuna ala ani na ɔ́bla kudu na kadi ƒui bekyuli akɔ.

Agba 15:3

Unwoti ɔɔnu kesi kesii, na nwuna lɛnumi lɛsia bekyuli bekpidi ku babuni lɛlɔ.

Yesaia 66:1

Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Yeremia 23:24

Na abɛla iye kabɛkɔ kadi keeebo katɔ ku kalɔ kesii kadi na bina lɛla lɛdi lɛdubɔbɛ-mi.

Mika 1:2

Amii kalɔ lɛlɔ bekyuli ƒui binu! Bise atu kaduɛ na binu, ɔsika Unwoti Katɔti uudie-mii bɔƒiɔ taasiku nwuna keliekɔ kedee na nwuna kakpakɔ mmɔ.

Habakuk 2:20

Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”

Sakaria 2:13

Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.

Mateo 23:21

Na si ɔ́kpali ala ɔ́lɔ Katɔti kakpakɔ úse kenye ni, na linyese lɛmmɔ lɛdanku kakpakɔ kammɔ ku Katɔti ɔni keliekɔ ndi kakpakɔ kammɔ.

Mateo 5:34

Nsu ɔƒɛni ni, ami mɔɔsu-mii nnii bitakpali ala si biisé kenye kadi. Bitakpali ala bitalɔ katɔ, ɔsika mmɔ ndi Katɔti lɛgaboku.

Batalane Kabla 7:49

“ ‘Katɔ ndi mina lɛgaboku, na kalɔ ndi mina lɛgba kanyakɔ. Na bi ɔtɔ udu na bɛdubɔkana-mi bɔtu bute, munuu mɔɔyaki keliekɔ kadi?

Tesalonikaƒuɔ 2 2:4

Na ɔdubɔta unye utile kɔyu ɔyikun biala ulu na ɔtina ka anwu lɛti ndi ayu ƒui utulone. Na ɔdubo bɔta muedi butélie Katɔti kakpakɔ na ɔbla lɛlɔ aani anwu ndi Katɔti ɔmmɔ.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Budie Taatina 4:2

Kɔnakunwi ni, Kɔyu kɔmmɔ kúti-mi kɔ́kɔliku katɔ. Ka mɔɔnu ni, lɛgaboku lɛdi lise na Katɔti ulie liboku lɛmmɔ lɛlɔ.