Kɔgya 108:7 - Katɔti Ɔku Kedee

⁷ Katɔti úse kenye ɔsiku nwuna kakpakɔ Katɔma kede kemmo ɔnini, “Lɛlɔ lɛɛyɔ́-mi ka lile Sekem ɔma ku Sukot Ɔkwalɛ ɔmmɔ lite mina bekyuli.

Kɔgya 108:7 ပူးပေါင်းရင်းမြစ်များ

Ala Kalɔ Buse 33:17

Na Yakob anwu ka bégyingyaku lɛlɔ ni, ɔ́tɔlɔ úsie kesii kani baalɔ Sukot na ɔ́tu nvo bɔni kemmo na anwu ku nwuna badi badubɔkya. Na ɔ́bla ayu úte nwuna bebuo lɛnɔ. Na ayu ani na ɔ́tu mmɔ ɔsu na baalɔ mmɔ ku ɔmwi ɔmɛni banii Sukot.

Kɔgya 60:7

Ami mbo Gilead ku Manase. Nda Eƒraim aani mina kagabwa. Na nda Yuda aani mina ɔgagyii.

Amos 4:2

Ami Unwoti nkɛnku mina lɛnyi lɛni nse kedee lɛlɔ líse kenye ka uwi ɔdi ɔdubo ɔni na badubo-mii ɔbuli enwu bɔkya aani ɔdaa na bani-mii batɔlɔku na ɔdi ulébu.

Yosua 17:7

Na Manase ɔmii ɔ́si Aser úsie Makmetat ɔni ntɛ Sekem ɔƒɛ katukɔ kakɛ. Na ɔ́tɛ úsie kada kakɛ na ɔkɛ En-Tapuaƒuɔ kalɔ kemmo.

Yosua 20:7

Ɔmɛni ɔsu ni, lɛma lɛni bédie na Yordan Ketu ɔƒɛ kanukɔ ndi Kedes na Naƒtali abi lɛlɔ na Galilea ku Sekem na Eƒram Kɔbi lɛlɔ ku Kiriat-Arba ɔni básɔ baalɔ bani Hebron na ɔkya Yuda abi lɛlɔ.

Yosua 24:1

Amu na Yosua ɔ́lɔ Israel kaba bekyuli bammɔ ƒui ɔ́sala na Sekem. Na ɔ́lɔ kaba kammɔ benengu ku batɔnkune ku litemi batɛne ƒui bani nkya Israel na bébo na bébenye Katɔti anumi.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.