Kɔgya 108:6 - Katɔti Ɔku Kedee

⁶ Unwoti, awɔ ɔlati ti ƒula kɔdianu na ekpo ete-bu ku ƒula ɔyikun kalɛ na ƒula bekyuli bani na aayɔ́ mmɔ bakɛ bɔƒɔ.

Kɔgya 108:6 ပူးပေါင်းရင်းမြစ်များ

Samuel 2 12:25

Na ɔkɛ ɔmmɔ ɔsu Unwoti ɔ́tala nwuna Kenye Udiene Natan ɔnii utásia-nwu lɛnyi ɔnii Yedidia na nwuna kalɔ ndi Unwoti ɔɔyɔ́-nwu.

Baga 1 18:24

Ɔmmɔ kama na bɛkpali bina Katɔti, na ami lɛnɔ lɛkpali Unwoti. Na ati ɔni nátuna ku ogya bɔda ni, anwu ndi Katɔti geen.” Amu na bekyuli bammɔ ƒui básu banini, “Lɛla lɛni na ásu mɛni lɛdia geen.”

Baga 1 18:26

Anwuɔsu bédie akɔ ɔni béti béte-ma na básala ekyweni, na béti lɛna lɛni békulo mmɔ básia-nwu lɛlɔ. Ɔmmɔ kama ka báwɔlɔ ni, bákpali Baal básiku ɔtanta laa bétédu ɔƒiiwi. Na kenye bediene bammɔ baasu banii, “Baal, nu-bu bɔkpali nii!” Na baava takpali-nwu. Nsu lɛla biala lítalɛ. Na bétenu kenye budie bɔdi lɛnɔ. Na baƒiɔ bakpane bammɔ baatɔ́ taamana bana lɛkpabi lɛni bátu bálɛ mmɔ.

Baga 1 18:29

Ɔƒɛ ɔmmɔ úulii, nsu bátada bɔkpali bɔmmɔ bátaya útédu ka useyi akpala uwi údu. Nsu lɛla biala lítalɛ. Na lɛla biala lɛnɔ lítakpete-ma.

Kɔgya 54:1

Katɔti, ƒɔ-mi ngba ɔkɛnku ƒula ɔyikun lɛlɔ na atina ka lɛla lɛdi lɛɛɛda-mi.

Kɔgya 57:6

Mina bekisine bákywɛ-mi kɔkpagyuɛ na bédie libu béwi-mi kalɛ na lɛnu liduo na mina ngba bɔkya ɔgbankpi kemmo, nsu ama alati bánu béduo-ni kemmo.

Israelƒuɔ Bɔlɛ 15:6

“Unwoti, ƒula kɔdianu kɔnu kɔɔtina lɛgadi ɔyikun. Unwoti, ƒula kɔdianu kɔnu nákɔ ukisine ɔmmɔ ɔ́bwɛ kpɛtɛ kpɛtɛ.

Yesaia 65:24

Ndubute-ma lɛla lɛni baawia asa na bakpali-mi muedi nsu si baakpali lɛnɔ ni, ndubunu lɛla lɛni na beevele-mi.

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Lɛkpa Ulu 33:12

Na Benyamin kaba ɔ́su-ma ɔnini, “Unwoti Katɔti udie nwuna bɔyɔ ɔtina-mii. Na ulie bina abi lɛlɔ na ɔgyumana-mii.”

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.