Kɔgya 103:4 - Katɔti Ɔku Kedee

⁴ Anwu muudie-mi ngba na kukpi kemmo, na ɔɔyɔ́-mi, na ɔɔnu-mi kɔnyana uwi ndi uwi.

Kɔgya 103:4 ပူးပေါင်းရင်းမြစ်များ

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Kɔgya 103:12

Na kalɛ na ɔƒɛ katukɔ kágyunku ɔƒɛ kanukɔ ni, lɛni na ɔɔda-bu ekpidi teedie teevaakun na bula lɛlɔ.

Kɔgya 21:3

Awɔ nébete-nwu kusɛ kusɛ pii. Na ébi-nwu sika ugyiedi kagabwa.

Kɔgya 34:22

Unwoti uudie nwuna kabla bablane ngba na ɔgbankpi kemmo. Na bani ƒui muukeli taatamiku-nwu ni, uládu-ma kɔtɔ.

Kɔgya 5:12

Unwoti, bekyuli bani mɔɔsiaku-ɔ kama siin ni, eete-ma kusɛ kusɛ. Gyumana-ma ku ƒula lɛƒɔndia aani kalɛ na kekpo lɛgyumanala lɛɛgyumana ukyuli.

Kɔgya 56:13

Ɔsika awɔ nédie-mi kɔyu ásiku kukpi kemmo. Na ƒula bukeye bɔɔtina-mi kanyankɔ na ƒula anumi na ntagbanta.

Kɔgya 65:11

Lɛkwa lɛɛdianku bekyuli na baaƒɛ edula pii. Na bekyuli baalɛ́ku-nya taasiku lɛƒɛnyi ƒui lɛlɔ.

Kɔgya 71:23

Awɔ nédie-mi, anwuɔsu ndububo kudu ku lɛlɔyɔ na lidie ɔnu ku mina kaƒɔ ƒui limwi-ɔ.

Kɔgya 8:5

Na áya na úbo úbenye kenyekɔ kani náyu kalɔ blii kétulo na awɔ kadi kudɔ. Na áya na uukeye na bekyuli baabu-nwu.

Yesaia 38:17

Geen ni, ami mina bɔdia ɔsu na lɛbibo lɛmɛni líbo-mi lɛlɔ. Nsu na ƒula lɛƒɔndia ɔsu ni, ánu-mi lɛlɔ, na áda-mi édie kaƒiɔtɔ kani mɔɔyila ukyuli udu kemmo. Na énwini kama ákya mina alaekpidi.

Yesaia 54:8

Uwi klukwii ɔdi kani na línwini kama lɛ́kya-mii ku kɔnyi kati kati. Nsu ɔ́si ɔƒɛni úsela uwi ƒui ni, ndubɔnu-mii kɔnyana! Ami ɔni ndi bina ɔgyumanane ku Unwoti muusé-mii kenye kamɛni.

Yakobo 1:12

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.