Kɔgya 103:3 - Katɔti Ɔku Kedee

³ Anwu muuti mina alaekpidi ƒui taakyiɛ-mi. Na ɔɔbwi-mi lɛlɛ lɛni ƒui na muuƒi.

Kɔgya 103:3 ပူးပေါင်းရင်းမြစ်များ

Samuel 2 12:13

Mmɔ na Dawid ɔ́su Natan ɔnini, “Lɛ́bla likpidi lɛ́ƒiɔ Unwoti.” Na Natan lɛnɔ údie kenye ɔnini, “Unwoti úti ƒula likpidi ɔ́kyiɛ-ɔ ɔni na ɔɔɔdubo bɔya na ekpi na ɔmmɔ ɔsu.

Kɔgya 130:4

Nsu ni, awɔ muuti alaekpidi taakyiɛ-bu, anwuɔsu na ɔlɛka bɔyia-a na bɔbu-ɔ.

Kɔgya 130:8

Na anwu ɔlati ɔdubɔƒɔ Israel ɔlɛku bana ekpidi ani ƒui na baabla kemmo.

Kɔgya 147:3

Bani na bana enu áƒɛ ni, ɔ́ya na bákɛ lɛnunsia lɛwɔdi. Na ɔ́mana-ma alɛbi ƒui na ása.

Kɔgya 30:2

Ka líwulo lɛ́kpali-ɔ ni, énu-mi bɔkpali na ébebunku-mi na ábwi-mi.

Kɔgya 41:8

Baasu banini, “Ɔlɛ ɔni nébo-nwu ɔ́va kalɔ ni, ɔ́ɔnyi-nwu útédu kesii kani na ɔsɔ ulata lɛnɔ.”

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Israelƒuɔ Bɔlɛ 34:7

Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Yesaia 33:24

Unwoti ɔdubuti bina ekpidi ɔkyiɛ-mii, na ɔdi ulasu ɔnii uuƒi.

Yesaia 38:17

Geen ni, ami mina bɔdia ɔsu na lɛbibo lɛmɛni líbo-mi lɛlɔ. Nsu na ƒula lɛƒɔndia ɔsu ni, ánu-mi lɛlɔ, na áda-mi édie kaƒiɔtɔ kani mɔɔyila ukyuli udu kemmo. Na énwini kama ákya mina alaekpidi.

Yesaia 43:25

“Nsu na ukyuli ɔni na ndi ɔsu ni, mɔɔƒɔ bina ekpidi teedie-mii lɛlɔ uwi biala. Anwuɔsu ndubo bina ekpidi ani ƒui na bɛ́bla bɛ́ƒiɔ-mi bɔyiƒala.

Yesaia 53:5

Nsu ɔkɛnku bula ekpidi ɔsu na bébo-nwu ulikplu kemmo bákya-nwu ɔlɛ lɛlɔ na báƒɛ-nwu lɛlɔ ekpo ƒui kpɛtɛ kpɛtɛ. Na lɛbibo lɛmɛni kemmo na ɔ́sia na ɔ́ƒɔ ngba úte abu na bɔ́kɛ bɔnwuna.

Yeremia 17:14

Awɔ Unwoti kani na muumwi. Anwuɔsu bwi-mi na edie-mi! Na ndubɔkɛ ɔlɔkplu na lɛkɛ bɔƒɔ.

Bumomo Bɔka 12:13

Amu na Mose úwulo ɔ́kpali Unwoti ɔnini, “O Unwoti Katɔti, buvele nda-a, bwi Miriam ɔlɛ ɔni nda-nwu.”

Marko 2:5

Ka Yesu ɔ́nu kalɛ na báƒɔ bádi kpakplaa ka ɔdubɔkana ɔlɛne ɔmɛni bɔbwi ɔsu ni, Yesu ɔ́su ɔlɛne ɔmɛni ɔnii, “Ubi, líti ƒula ekpidi lɛ́kyiɛ-ɔ.”

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.