Kɔgya 100:4 - Katɔti Ɔku Kedee

⁴ Bɛsia kakpakɔ kayakun na biduo Unwoti kudɔ ku linugya ku bumwi lɛnu.

Kɔgya 100:4 ပူးပေါင်းရင်းမြစ်များ

Ala Alɛdi 1 29:13

“Bɔɔgyá-a enu, bula Katɔti, na buumwi-ɔ.

Ala Alɛdi 1 29:20

Ɔmmɔ kama ni, Dawid ɔ́su bekyuli bammɔ ɔnini, “Ɔƒaani bina uwi údu ka bimwi Unwoti Katɔti ɔni na bula bati kuuku bákpa!” Anwuɔsu ukyuli biala úse kalɔ na bana ƒui beemwi Unwoti na béboku lɛlɔ kalɔ béte Unwoti ku ɔga ɔmmɔ.

Kɔgya 122:2

Na mmɔ na búubo búbedu mɛni, O Yerusalem, bula lɛgba lɛ́kɔ líduo ƒula kayakun kenye.

Kɔgya 122:4

Mɛni na Israel atɔƒi bekyuli bammɔ ƒui bási. Bébo ka beti enugya bete Unwoti aani kalɛ na úbo-ma ɔda.

Kɔgya 65:1

O Katɔti, ɔ́manku ka bekyuli ƒui bemwi-ɔ na Sion. Na babla basia kenye kani na bése béte-ɔ ƒui lɛlɔ na mmɔ.

Kɔgya 66:13

Ndubuti akpala liboku mbakyula lite-ɔ na ƒula kakpakɔ. Na ndubuti ala ani kenye na líse liboku-ɔ.

Kɔgya 95:2

Bɛya na bɔgya-nwu enu na bumwi-nwu ku ebiti lɛnu momoomo.

Kɔgya 96:2

Bidie ɔnu bimwi-nwu na bɛsu bekyuli limeyi ndi limeyi kalɛ na ɔ́ƒɔ-bu ngba.

Kɔgya 96:8

Bimwi Unwoti lɛnyi lɛni muukeye! Na biti etela biboku-nwu na nwuna kakpakɔ.

Kɔgya 99:3

Bɛya na ɔdi biala umwi Unwoti lɛnyi lɛni ntulo na lɛɛda liƒu mmɔ, ɔsika anwu kani nse kedee.

Yesaia 35:10

Na bani na Unwoti ɔ́ƒɔ mmɔ kani ndubɔsia mmɔ na beteedie lɛnu na betéduo Yerusalem. Na lɛlɔyɔ ebiti ndubɔbla bana kagabwa kani na badububi lili. Na badubɔdi limeyi na bakɛ lɛlɔyɔ, ɔsika ala ani muukpóku-ma ku ɔlɛ bunu biala kenye kadubukulo.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.