Kɔgya 10:5 - Katɔti Ɔku Kedee

⁵ Ukyuli ukpidi ablala biala aalɛ́-nwu kɔsia uwi ƒui, nsu ɔɔɔgyi ulu ɔni lɛlɔ na Unwoti ɔɔsia taatɛku bekyuli litemi. Na ɔɔmá nwuna bekisine muedi.

Kɔgya 10:5 ပူးပေါင်းရင်းမြစ်များ

Ala Kalɔ Buse 6:12

Amu ka Katɔti ɔ́nu kalɛ na kayawi kammɔ kébie

Samuel 2 5:6

Asa na Dawid ɔdubusie Yerusalem ni, na nka Yebusiƒuɔ nkya mmɔ. Amu na anwu ku nwuna bekpone bésie banii bétékpoku-ma. Nsu Yebusiƒuɔ básu Dawid banini, “Alakana mɛni buduo, ɔsika banumbwɛne ku bani naaakana busie kaduɛ muedi badubɔkana na babɔku-mii batɔlɔku.” Na lɛni na béti kasusu banii Dawid ulakana mɛni buduo.

Baga 1 20:13

Uwi ɔmɛni kani kemmo ni, kenye udiene ɔdi úbo Israelƒuɔ Ɔga Ahab kudɔ úbakɔ lɛsa ɔ́su ɔnini, “Lɛni na Unwoti ɔɔsu ɔnii, ‘Bɛɛnu bekpone lisu bonwu bamɛni? Ndubo-ma buti bɔkya bina enu kemmo ɔmwi kadi, na mmɔ na bɛdubo bɔnu bɔti ka Unwoti na ndi.’ ”

Hiob 24:23

Katɔti ɔkana na unye ɔnu-ma, na ɔbla-ma aani lɛla biala lɛ́ɛtɛ lɛ́wɔlɔ, nsu ɔɔɔdi ɔni na basu banii ulánu-ma ɔsu.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 73:3

Ɔsika anumi égyie-mi na bekyuli bani mɔɔtalaku lɛlɔ katɔ ku bani na bebo kalala lɛlɔ ka ala aatɛku-ma ɔsu.

Agba 1:19

Bekyuli bani ƒui na anumi eegyie-ma na lɛkɛ likpidi lɛlɔ ni, lɛni na bana kawɔlɔkɔ kaabla.

Agba 15:24

Ɔnundane kasiakɔ kási mɛni késela ngba ƒui kemmo na katɔ, ɔsika kaƒiɔtɔ kelénwini-ma keliekɔ uwi ƒui.

Agba 2:13

Bekyuli bamɛni udu baada ulu geen ɔmmɔ taava na beeti ulu ukpidi ɔni néti-ma úselaku kasuudikɔ.

Agba 2:15

Bana ala bɔbla ƒui buse gontii na bana ablala adi likyulikpi sɔɔn.

Agba 24:1

Bekyuli bekpidi lɛlɔ litegyie-ɔ anumi. Na tawia anii aakya-ma kasala kemmo lɛnɔ.

Yesaia 10:1

Bɔbuɛ beete bekyuli, ama bani muunyimi ɔda bubo bukpidi kalɛ na bataanya bekyuli taakya.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Yesaia 28:15

Bɛɛkun lɛmɛnɛ taasu bɛnini, “Abu ku kukpi bínyimi ka kɔsɔ kuládu-bu, na bɔsɔ buleduo kaƒiɔtɔ kemmo iye si lɛbibo ku kawɔlɔkɔ lɛbibo kpakplaa lɛmmɔ lídu ni, ɔdubɔvia-bu lili, ɔsika búti ɔkɔ bɔ́nyi búnwini katamikukɔ na búti katuala bɔ́bla kabɛkɔ.”

Yesaia 42:25

Úti kɔnyi ɔ́kya-ma, anwuɔsu na ɔ́ni-ma kɔtu na kekpo kénwini ogya na ɔɔda na bana kɔlɔ lɛlɔ. Nsu ɔmɛni ƒui útabla-ma lɛla lɛdi na benu-nwu litemi. Na baaadaku-ni ina dɛ na ogya ɔmmɔ ɔ́ka ɔ́mana-ma na uuƒí-ma muedi.

Yesaia 5:12

Biiti lɛnu lɛni mɔɔdia bunu ku ntɛ bɔbuni teesienku bina emeyi kadikɔ ku lɛbentaa ku ese ku atoloyii ku kɔkpɛɛ lidu lidu. Nsu bina kasusu kadi biala kelesie Unwoti ku nwuna ablala lɛlɔ.

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Hosea 9:9

Bibo kalala na ɔkɔ ala bɔbla bɔ́ƒɔ-mii lɛlɔ kemmo ƒui aani Gibea ɔma bekyuli. Nsu Unwoti anu asia bina ekpidi ƒui lɛlɔ na ɔdubo-mii kɔtu bɔni.

Romaƒuɔ 3:16

Bana ngba búbie na beebó abi geen.

Litemi Batɛne 9:27

Na bana ƒui bésie bana adingyii mmo na bétéde egyiibi na béti bábla ntɛ na báni bádi limeyi. Na bésie bana lɛkpabi lɛni bátu balɛ kudɔ. Na uwi ɔni na bakya baadi na banii teekpi ni, beewida Abimelek.

Litemi Batɛne 9:38

Mmɔ na Sebul ɔ́su Gaal ɔnini, “Wɛ na ƒula lɛmɛnɛ lɛni akya aakun lɛkya? Ɔɔɔdi awɔ néye anini, ‘Bi ɔsu na ɔlɛka bɔkya Abimelek ɔmɛni kalɔ?’ Na ɔɔɔdi awɔ nkya muutemi enyekpi teewi bekyuli bamɛni? Ta na eteesie etékpoku-ma!”