Kɔgya 10:3 - Katɔti Ɔku Kedee

³ Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Kɔgya 10:3 ပူးပေါင်းရင်းမြစ်များ

Baga 1 20:25

Na asɔ edie bekpone bani udu nésie kekpo kudeedi ku bapɔnkɔ bani na ebo mmɔ, na awia bana udu kani kalɛ na bɔkana bukpoku Israelƒuɔ kalɔ ƒiaa lɛlɔ. Na si ákana na ábla lɛni ni, bɔdubɔyu ɔkplu butulo-ma.” Amu na ɔga ɔmmɔ únu kalɔ na ɔ́bla lɛni pɛpɛɛpɛ úte-ma.

Hiob 31:24

“Ńteti mina anu biala ńtasia lɛkɛ udu ɔdi lɛlɔ aani mina kama kekpokɔ.

Kɔgya 35:21

Na baadú-mi kɔtɔ teebo kɔnu kenye taasu banini, “Abu alati bɔ́nu lɛla lɛni na ɔ́bla.”

Kɔgya 49:18

Ina dɛ na akɛla aakɔ́ ukyuli katɔ na ala aatɛku-nwu na beemwi-nwu ni,

Kɔgya 49:6

Kayawi lɛkɛ lɛlɔ na bana anu asia na baakun lɛmɛnɛ na ala pii ani na bebo ɔsu.

Kɔgya 5:6

Na ɔkɔ banyine ƒui ni, adubo-ma udu bɔyila. Na bani muuwi ubugya kalɔ ku bani muudie bekyuli teete ni, ekisi-ma.

Kɔgya 52:1

Bakantankpine benengudi, bilie bɛɛkun lɛmɛnɛ na likpidi lɛlɔ. Nsu Katɔti ɔda nwuna bekyuli ɔkɛnku nwuna bɔyɔ bɔni naaavumana kudii lɛlɔ.

Kɔgya 94:4

Enyekpi kani na baatɛmi uwi ndi uwi na baakun lɛmɛnɛ na bana likyulikpi ala ani na baabla lɛlɔ.

Israelƒuɔ Bɔlɛ 15:9

“Ukisine ɔmmɔ ɔ́kun lɛmɛnɛ ɔnini, ‘Ndubɔbi bɔsiaku-ma na ntáka-ma lɛkya. Na liƒie-ma ala lɛƒɔ na lile-nya na lɛdi-nya kalɛ biala na mɔɔyɔ́. Ndubɔkpa mina kewii liti lɛyila-ma udu.’

Agba 28:4

Bekyuli bani muuní ɔda bubo ni, ama muumwi bekyuli bekpidi. Nsu bekyuli bani mɔɔdi ɔda bubo lɛlɔ balátunaku-ma.

Etemila 7:15

Na mina ngba bɔni neeebo-mi kalɔ mɛni kemmo ni, lɛ́nu kalɛ na ukyuli ɔni nsiaku Katɔti kama siin ɔɔkana na uukpi taayii udu. Na lɛ́nu kalɛ na ukyuli ukpidi lɛnɔ ɔɔkana na uulie ngba taabi lɛlɔ geen na nwuna likyulikpi ala bɔbla kemmo.

Yesaia 37:23

Ɔma na akya eedumi taama? Na ɔma na aakwanyi taakya ku lɛdi momoomo? Na ɔma na aanu ɔnusɛ ku bɔpii? Ɔɔɔdi Israel Katɔti Kedee ɔmmɔ!

Yesaia 57:17

Bina ɔdivo náya na líti kɔnyi lɛ́kya-mii na lɛ́ni-mii kɔtu na lɛ́bɛla-mii mina lɛlɔ na bɛsɔ bilanu-mi. Nsu ɔmɛni ƒui ni, bɛmu bibo atu ɔkplu na binye bina alaekpidi bɔbla lɛlɔ ku ɔƒɛni.

Yeremia 22:17

Nsu awɔ ƒula kasusu kani ndi kalɛ na abla na anya bekyuli akya iye akɛ-ma lɛlɔ kɔsia kɔdi iye adu bekyuli bani na bátabla-a lɛla lɛdi.

Lewiƒuɔ Ɔda Bubo 26:30

Na bina kɔkpakɔ kɔni nkya abi ƒui eli ndubɔyila-ku udu na ligyingya bina oloƒui akpabi ammɔ na lɛsala bina bekpine liwi ala ekuku ani neeebo ngba mmɔ lɛlɔ na lini-mii ƒui kede kede.

Habakuk 2:9

“Bɔbuɛ ute-mii! Ɔsika amii nénye bekyuli lɛlɔ na bíƒie-ma ala bɛ́ƒɔ bɛ́bla lɛkɛ bíse bina bebi. Na bɛ́su ku bɔsu muedi bɛnini, ‘Ɔda bubo bɔdi buladi-bu lɛlɔ.’

Luka 12:15

Amu na ɔ́su bana ƒui ɔnini, “Bɛsia lɛlɔ anu na binye lɛlɔ kagyumana na ɔdivo udu biala bɔdi lɛlɔ, ɔsika ukyuli ngba geen bɔɔɔkɛnku ala ani nse-nwu lɛlɔ ina dɛ na ɔdi ɔlakɛne.”

Luka 12:19

Na ndubɔsu lɛlɔ nnii kuli kɔdia-mii. Ala buni ani ƒui ása-mi ute akwa pii. Ndubɔnwuna, na lɛdi, na lɛni, na lɛkya lɛlɔ ebiti.’

Romaƒuɔ 1:29

Na likyulikpi ala bɔbla bɔ́ƒɔ-ma lɛlɔ kemmo ƒui. Na anya ndi alaekpidi bɔbla ku ɔdivo ku kalala. Na lɛnungyie na bekyuli bamba ala lɛlɔ ku ukyuli bɔdu ku kekpo ku ɔkɔ bɔnyi ku lɛlɔ bule ati ati bɔ́ƒɔ-ma lɛlɔ kemmo. Na beeti lɛlɔ kasusu kekpidi. Na beekeyi atɛ.

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Eƒesoƒuɔ 5:5

Ɔsika amii alati bɛgyi bise ka ukyuli ɔni mɔɔbla lɛnungyie lɛni ndi lɛƒiɔkpa iye ɔni mɔɔbla lɛsɔnɔdi iye lɛyalɛ ni, uuubo kadikɔ kadi na Kristo ku Katɔti lɛgadi kemmo.

Lɛkpa Ulu 29:19

Na bɛnu kaduɛ na bina akɔ ɔdi ɔni muunú bunyimi bɔmɛni ɔmwi limeyi lɛmɛni ulátɔlɔ lɛlɔ na anwu lɛti ɔsia ulu ɔni na ɔɔyɔ́ lɛlɔ na ɔsu lɛlɔ ɔnini, “Ɔdubɔdia bute-mi na ulu ɔni lɛlɔ na nkɛ mɛni.” Si ɔdi ɔ́bla lɛni ni, ɔdubɔya na bina ƒui bɛkywi bɛsa.

Lɛkpa Ulu 32:19

Ka Unwoti ɔ́nu ɔmɛni ni, úti kɔnyi. Na úni nwuna bebi belekubi ku bananabi.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Yakobo 4:13

Binu, amii bani mɔɔsu bɛnini, “Ɔmwi iye kɔnaadi bɔdubusie ɔma ɔdi butádi kuye, na bɔdubɔkya mmɔ lɛkwa linwi na bɔbla egulabi pii.”

Yakobo 4:16

Nsu ɔƒaani ni, bɛɛtina lɛlɔ na bɛɛkun lɛmɛnɛ lɛnɔ. Na lɛmɛnɛ bɔkun biala bɔɔɔdia.

Yohane 1 2:15

Bitayɔ kayawi ku kana lɛlɔ ala ani náta énye Katɔti lɛlɔ. Ɔsika ukyuli ɔni mɔɔyɔ́ kayawi lɛni ni, ulayɔ Katɔti geen.

Litemi Batɛne 17:2

Na ɔnana ɔmɛni ɔ́su uni ɔnini, “Sika ɔƒualadi ebi apim ku eti anyɔ lɛlɔ kɔtɛ ani násu ka ukyuli ɔdi úyu-ɔ ni, línu ka ɔkɛnku ɔmɛni ɔsu éwida ukyuli ɔmmɔ. Ami néti sika ɔƒualadi ebi ammɔ, na ese-mi kudɔ.” Amu na uni ɔ́su-nwu ɔnini, “Unwoti ute-ɔ kusɛ kusɛ, mina ubi.”

Samuel 1 23:21

Amu na Saul údie kenye ɔnini, “Katɔti úte-mii kusɛ kusɛ na kalɛ na biiti-mi lɛlɔ kasusu ɔsu.