Kɔgya 1:6 - Katɔti Ɔku Kedee

⁶ Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Kɔgya 1:6 ပူးပေါင်းရင်းမြစ်များ

Hiob 23:10

Nsu ɔgyi lɛla biala na mɔɔbla, na si banii ɔ́kɔku-mi ɔ́nu ni, ndubo buse sɛɛn aani sika ugyiedi ɔni ndia utulo ƒui.

Kɔgya 112:10

Na balalane badubɔnu ɔmɛni na ɔƒɛ ɔda-ma. Badubɔdu anyi bada na babla lɛla biala. Nsu kɔnu kulétuku-ma lɛla lɛni baawia kudii.

Kɔgya 142:3

Si uwi ɔni na enu áƒɛ-mi na lɛ́yila lɛnunsia ni, awɔ agyi ulu ɔni lɛlɔ na eti-mi asiaku. Bekisine bábɛ bákywɛ-mi kakpagyuɛ na mina kɔvinkɔ.

Kɔgya 142:4

Si lɛ́nu lɛ́mana ni, mɔɔnu ka ukyuli ɔdi uuubo na ute-mi kebunku kadi. Ɔmmɔ ɔsu ńtakɛ katamikukɔ kadi. Na ukyuli ɔdi lɛnɔ ɔɔɔdaku mina ngba lɛda.

Kɔgya 146:9

Ɔɔnu baƒɔ lɛlɔ, na uudie bekpinebi ku bekpinele. Nsu balalane ama ni, Unwoti Katɔti uubile bana ablala ku kɔkwɛ ƒui.

Kɔgya 9:6

Bekisine bammɔ béduo ɔgbankpi ɔni kemmo na basɔ balakana bɔlɛ kudii. Na ábwɛ-ma kuliekɔ ƒui. Na ukyuli ɔdi ɔsɔ ulakali ɔnii bákya mmɔ dii muedi.

Agba 14:12

Ukyuli biala ɔɔnu kasiakɔ kadi na nwuna ngba kemmo ka nka kadia, nsu nwuna kawɔlɔkɔ ni, kekpine kani na ɔɔdá taalɛ.

Agba 15:9

Bekyuli bekpidi kɔsiakɔ ƒui kulayɔ Unwoti kaƒɔ. Nsu bekyuli bani mɔɔwia kpakplaa ka belie ngba bɔbuni ni, Unwoti ɔɔyɔ́-ma.

Nahum 1:7

Unwoti ɔdia, na ɔɔgyumana bekyuli bani néti bana anu básia-nwu lɛlɔ, na uudie-ma na lɛbibo uwi.

Mateo 7:13

“Bɛsia kayakun kani nse blii suɛ mmɔ biduo. Ɔsika si bɛ́sia kayakun kani nábɛbɛ na akɛ ulu ɔni nse buɛɛ lɛlɔ ni, adubuduo lɛgyavonku kemmo. Na nwuna lɛlɔ na bekyuli pii bakɛ.

Yohane 10:14

“Ami ndi baƒonu ɔdane ɔbuni. Na aani kalɛ na Ati ɔgyi-mi na ami lɛnɔ ngyi-nwu ni, lɛni kani na ngyi mina baƒonu, na ama lɛnɔ bagyi-mi. Na lɛ́tuna ka likpi na bana lili.

Yohane 10:27

Mina baƒonu beenú-mi lɛla lɛni mɔɔsu-ma. Na ngyi-ma. Na ama lɛnɔ basiaku-mi.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Petro 2 2:12

Nsu bekyuli bamɛni udu ni, baabla ala aani kalɛ na bebuo bani nnye nte ka beƒie-ma badu bese. Lɛlɔ kemmo kani na beenú ala kɔku taati. Bekyuli bamɛni baata teenye taatɛmi enyekpi na lɛla biala lɛni na bétenu kalɔ lɛlɔ. Na Katɔti ɔdubɔyila-ma udu aani kalɛ baadú beƒiebuo teevaakun.

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.