Kɔgya 1:3 - Katɔti Ɔku Kedee

³ Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Kɔgya 1:3 ပူးပေါင်းရင်းမြစ်များ

Ala Kalɔ Buse 39:23

Na bédie lɛla biala atu na bányonu ana ƒui bákya Yoseƒ enu kemmo, ɔsika Unwoti Katɔti ɔsiaku Yoseƒ ɔni na lɛla biala na ɔɔbla ni, lɛɛtɛ kaduɛ.

Ala Kalɔ Buse 39:3

Ka nwuna ɔtɔlati ɔ́nu ɔ́ti kalɛ na Unwoti Katɔti uliku Yoseƒ ku kalɛ na nwuna ablala aatɛ-nwu ɔsu ni,

Baga 2 18:7

Anwuɔsu na Unwoti úlieku-nwu. Na lɛla biala na ɔ́bla ni, lɛ́tɛ líte-nwu. Na limeyi lɛdi ni, ɔ́ta unye Asiriaƒuɔ ɔga lɛlɔ na úni ka ɔkya-nwu kalɔ.

Ala Alɛdi 1 22:11

“Mina ubi Salomo, muuvele nnii Unwoti, ƒula Katɔti, ɔsiaku-ɔ na ɔdi nwuna linyese lɛlɔ na ubunku-ɔ na atu kakpakɔ kammɔ ete-nwu.

Ala Alɛdi 1 22:13

Si ádi ɔda bubo bɔni na Unwoti úte Mose lɛlɔ ni, ala adubɔtɛ ete-ɔ. Nye kpakplaa na akya kayi na taya na enu áƒɛ-ɔ uwi ɔdi iye ayia lɛla lɛdi lɛnɔ.

Ala Alɛdi 2 32:23

Bekyuli béti etela béboku Unwoti na Yerusalem na béboku Hesekia ala ani na áƒɔ kuye geen. Na ka ɔ́si limeyi lɛmmɔ lɛlɔ ni, kadi bamba bekyuli baabu Hesekia geen.

Hiob 14:9

uwi ɔni na ɔnantu ɔ́nya úbo kebi úwi-nwu lɛlɔ ni, ɔɔta kɔgba kɔwɔdi.

Hiob 22:28

Adubɔnu ulu nwaa asia na ƒula ngba kemmo. Na lɛla biala na ásu-nwu anii ɔbla ni, Katɔti ɔdubɔbla-ni lɛni kani.

Kɔgya 128:2

Ɔsika ɔdubɔdi nwuna enu kemmo kabla na ɔdubɔbla-nwu lɛlɔyɔ sɔsɔ ka keyi kadubɔyɔku-nwu ɔsu.

Kɔgya 129:8

kalɛ na bele-nwu adaku, banii, “Katɔti kusɛ kusɛ ɔsiaku-ɔ.”

Kɔgya 92:14

Na ina ábi lɛlɔ muedi adubo butaanwu, ɔsika ebo ntu na eedie evete wɔwɔɔwɔ.

Kɔgya 92:15

Ɔmɛni ɔɔtina ka Katɔti ndi mina katamikukɔ lɛtakpɛ lɛni nse siin na ulábla likpidi lɛdi.

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Yesaia 44:4

Na badubɔlɛ lili aani livo ku ketudɔ egyii ani mɔɔlɛ́ lili gyɛnglɛɛ.

Yesaia 58:11

Unwoti ɔdubɔtɔnku-mii na ute-mii ala ani ƒui námanku-mii na kalɔ kakwiidi kammɔ kemmo na ute-mii ɔlɔkplu. Na bɛdubɔbla aani kevoma kemo kani edula mɔɔkɛ́ ntu uwi biala iye ketu kani ntu naaakwii uwi ɔdi.

Yeremia 17:8

Na badubɔbla aani egyii ani nákwɛ enye kutudɔ na ana ligyiitu líduo lísie kalɔ ƒui na lɛɛkɛ́ ntu na evete asia-ku lili bili bili uwi biala. Egyii ani nákwɛ enye ketudɔ ina ɔnantu ulána muedi baaadaku-ni.

Esekiel 17:8

Nsu nka kesii kani na unye mmɔ kadi kalɔ kabuni kani na kebo lɛmwi ku ntu pii na ɔkana na udie evete kaduɛ na ɔnwu ebi bonwu bonwu.

Esekiel 19:10

“ ‘Ƒ'ini ɔdi kɔdingyii kabuli kani na kenye ketu kɔtu. Na ka kɔɔƒɔ́ ntu pii na mmɔ ɔsu ni, kúdie kɔgba ku ligyiitu pii.

Esekiel 31:5

Nsu kugyii kunengudi kɔmɛni aku kɔ́lɛ lili kangyaa ƒui kutulo akladi na kuna kɔgba kúbo na kúne lɛnɔ.

Esekiel 47:12

Adingyii pii adubɔkwɛ ketu kamɛni kɔtu na ataanwu ebi kɔbuli biala. Na evete ammɔ aaadubo bɔkwii bɔnu kudii, ɔsika adubo ntu butaakɛ uwi biala taasiku ketu kani mɔɔgbá taasi kakpakɔ kudɔ mmɔ na bekyuli badubuti evete ammɔ babwi bekyuli.”

Bumomo Bɔka 24:6

“Kese aani kalɛ na bégyingya kɔwɛ béwi. Na use aani kemo kani bátuma na ketudɔ. Na use aani Unwoti nálɛ egyii ebendi adi. Na use aani sida egyii nlɛ ketudɔ.

Mateo 13:6

Anwuɔsu uwi ɔni na ɔƒɛ ɔ́lɛ ni, ana ƒui áyɛyɛ na ékpi, ɔsika ana lidu lítanyi kalɔ.

Mateo 21:19

Na ka ɔ́nu kɔdingyii kɔdi na ulu kudɔ mmɔ ni, údeyi úsie mmɔ. Nsu útanu lɛla lɛdi útetulo kuna evete. Anwuɔsu ɔ́su kugyii kɔmmɔ ɔnini, “Asɔ alanwu ebi adi kudii lɛnɔ.” Kɔnakunwi ni, kɔdingyii kɔmmɔ kúse kalɔ kɔɔyɛyɛ.

Mateo 21:34

Uwi ɔni na egyiibi ammɔ édu bude ni, kemo ɔlati ɔmɛni ɔ́tala nwuna kabla bablane ɔnii batáƒɔ nwuna kadikɔ beboku-nwu.

Mateo 21:41

Bédie kenye banini, “Ɔdubɔdu bekyuli bekpidi bammɔ ulikplu kemmo na uti kemo kammɔ ute lɛlɔ banune babambadi bani ndubuti edula beboku-nwu si údu edula ɔƒɛwi.”

Yohane 15:6

Ukyuli biala ɔni neeeliku-mi ni, use aani kugyii kagba kani békulo bávaakun na kákwii. Na kɔgba kɔmmɔ udu ni, bɔsala na baasála-ku taakya ogya na kɔkywi.

Lɛkpa Ulu 28:8

Unwoti ɔdubute-mii kusɛ kusɛ na bina kabla kani bɛɛbla kemmo. Na ɔdubɔya na bina linwu liyi ku bina edula ani na bɛdubɔƒɛ. Na ɔdubute-mii kusɛ kusɛ na kalɔ kani na úti uute-mii mmɔ lɛlɔ.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Budie Taatina 22:2

Na ketu kammɔ kaagbá taavi ɔma ɔmmɔ ɔblɔnu ntɛ. Na kana lɛvi inyɔ bɔmmɔ lɛlɔ ni, kugyii kɔni muute ngba kunye ku kuna ebi lidu leevu-inyɔ bɔmmɔ, na kɔɔnwu ebi ammɔ kɔbuli biala. Na kugyii kɔmmɔ evete adi kuvo kɔni na beti babwi kalɔ ƒui bekyuli.