Kɔgya 1:1 - Katɔti Ɔku Kedee

¹ Katɔti ɔdubɔya na lɛlɔ lɛyɔ bekyuli bani naaabla taasiaku bekyuli bekpidi kasusu kani na baakya bekyuli lɛlɔ. Na balásiaku alaekpidi bablane ɔbladu kama. Na baládiku-ma kɔkpana na bataama anwu Katɔti lɛnɔ.

Kɔgya 1:1 ပူးပေါင်းရင်းမြစ်များ

Ala Kalɔ Buse 49:6

Naaawia ka liduo bana kasusu ketikɔ iye bana kasalakɔ. Ɔsika bana kɔnyi kɔ́ya na bádu bekyuli na békulo bana bebuo kɔgbama nti na basɔ balakana lɛla lɛdi bɔbla.

Ala Kalɔ Buse 5:24

Na Henok ɔ́siaku Katɔti kama geen ɔni na Katɔti útiku-nwu ɔ́tɔlɔku na ɔdi ɔ́sɔ útanu-nwu kudii.

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.

Ala Alɛdi 2 22:3

Na anwu nébile ubidi ɔnanabi atu ɔnii ɔbla likpidi ɔƒiɔ Unwoti. Na ɔ́siaku Ɔga Ahab ku nwuna bebi ku bawɔ udu ukpidi kama.

Hiob 10:3

Bɔyɔ na ɔɔyɔ́-ɔ kaƒɔ kalɛ na ala étulo ami ƒula ukyuli ɔni nsiaku-ɔ mɛni, na aatuna ku balalane kɔkwɛ kɔni na baakya ku bana ablala?

Hiob 21:16

Ala ani ƒui na bubo ni, abu alati néti bula ɔyikun kemmo bɔ́kɛ-nya.’ Na bana ala bɔsu bɔmɛni ɔsu ni, lɛ́da lɛlɔ lɛ́mami ama ku bana kɔkwɛ kɔni na baakya lɛlɔ.

Hiob 31:5

“Na ɔgyi ka mɔɔdi nwuna etemila ƒui lɛlɔ na naaanyi ɔkɔ.

Kɔgya 1:6

Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Kɔgya 106:3

Lɛlɔ lɛdubɔyɔ bekyuli bani mɔɔbla ala ulu lɛlɔ. Na baabla ala ani nse siin uwi biala kemmo.

Kɔgya 112:1

Bɛya na bumwi Unwoti. Lɛlɔ lɛdubɔyɔ ukyuli ɔni mɔɔyia Unwoti na ɔɔdi nwuna ɔda bubo etemila ƒui lɛlɔ.

Kɔgya 119:115

Bɛgyu lɛgba bɛtɔlɔ-mi kudɔ amii alaekpidi bablane. Mina Katɔti ɔda bubo lɛlɔ kani na ndubɔdi.

Kɔgya 144:15

Na bekyuli bani na bana Unwoti ndi Katɔti ni, lɛlɔ lɛdubɔyɔ-ma, ɔsika ama na kusɛ kusɛ ɔmɛni udu ɔɔsiaku.

Kɔgya 146:5

Lɛlɔ lɛdubɔyɔ ukyuli ɔni néti nwuna anu ɔ́sia Yakob Unwoti Katɔti lɛlɔ ka ubunku-nwu, ɔsika úti Unwoti ɔ́bla nwuna Katɔti.

Kɔgya 146:9

Ɔɔnu baƒɔ lɛlɔ, na uudie bekpinebi ku bekpinele. Nsu balalane ama ni, Unwoti Katɔti uubile bana ablala ku kɔkwɛ ƒui.

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Kɔgya 26:12

Ɔƒaani ni, nnye kenyekɔ kabuni kani na lɛɛɛdubo bɔgbanta. Na uwi ɔni na ƒula bekyuli bása ni, ndubo-ɔ lɛnyi kudu bubo.

Kɔgya 34:8

Bɛni bide Unwoti na bɛnu kalɛ na ɔdia. Ukyuli ɔni néti Unwoti ɔ́bla nwuna katamikukɔ ni, lɛlɔ lɛdubo-nwu bɔyɔ.

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Kɔgya 64:2

Gyumana-mi kalɛ na mina bekisine lili lɛni baasa na mina lɛlɔ lilebo-nwu kemmo lilete-ma. Na balalane bani náta ku otogyi baládi-mi lɛlɔ.

Kɔgya 81:12

Ɔmmɔ ɔsu lídie-ma atu na baabla bana likyulikpi ala ani baayɔ́.

Kɔgya 84:12

O Unwoti Ɔyikune Ƒui, ukyuli ɔni mbo lɛnunsia na ƒula lɛlɔ ni, anwu na lɛlɔ lɛdubo bɔyɔ.

Agba 1:15

Ubi, tesie ku bekyuli bammɔ udu! Tani tede bana kɔvinkɔ munu munu!

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Agba 13:15

Ukyuli ɔni mɔɔbla kasusu buni na ala lɛlɔ ni, bekyuli baabu-nwu. Na ukyuli ukpidi anwu ni, nwuna kasiakɔ atakpɛ lɛlɔ na kaasia.

Agba 13:20

Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

Agba 19:29

Bekyuli bani muudumi bekyuli taama ni, Unwoti ɔdubo-ma kɔtu bɔni. Na badɔlɔdi kama kadubo kugyiimi butaaƒɔ.

Agba 2:12

Lɛnunda lɛmmɔ lɛdubɔƒɔ-ɔ lɛsiku bekyuli bekpidi kasiakɔ, na alásala lɛlɔ ku bani mɔɔtɛmi enyekpi.

Agba 3:34

Na ɔɔpii bekyuli bani mɔɔpii bekyuli ka baatalaku lɛlɔ katɔ ɔsu. Mmomu uubunku bani muuboku lɛlɔ kalɔ.

Agba 4:19

Nsu bekyuli bekpidi kavinkɔ aka kese aani ubu ɔni nse suu geen. Na balati lɛla lɛni mɔɔyá na beetulo taagbanta.

Agba 9:12

Na si áda anu ni, awɔ ndubɔkɛ kɔsia. Na si apii lɛnunda ni, awɔ ndubo abi bubo.

Yeremia 15:17

Neeesie emeyi kadikɔ taatádi taaní ku lɛlɔyɔ. Mmomu ami lɛti kani muulie, ɔsika kɔnyi kɔni na ákɛ kɔdi-mi etila.

Yeremia 17:7

“Na bani néti bana anu básia-mi lɛlɔ ni, ndubute-ma kusɛ kusɛ.

Esekiel 20:18

Anwuɔsu na lɛ́lɛ bana bebi bammɔ kpakplaa nnii ama batalɛ bana bati na basiaku bana ɔbladu buɛ ɔmmɔ kama iye bakpa baƒiɔ lɛnɔ.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Luka 11:28

Amu na Yesu údie kenye ɔnini, “Bekyuli bani muunú Katɔti litemi na baabla taasiaku-ni lɛlɔ mmomu na lɛlɔ lɛyɔ!”

Luka 23:51

Ina ka ɔ́kya Yudaƒuɔ litemi batɛne bammɔ akɔ ni, útatunaku-ma na lɛla lɛni na bálɛ ugyii ku lɛla lɛni na bábla lɛlɔ.

Yohane 13:17

Ka bɛ́ti litemi geen lɛmɛni ɔƒaani ɔsu ni, lɛlɔ lɛdubɔyɔ-mii si bɛ́bla ala amɛni.

Yohane 20:29

Amu na Yesu ɔ́su-nwu ɔnini, “Áƒɔ ádi ka ánu-mi ɔsu. Bekyuli bani nátanu-mi tɔ asa báƒɔ bádi ni, badubɔkɛ lɛlɔyɔ betulo!”

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Eƒesoƒuɔ 6:13

Ɔmɛni ɔsu ni, bɛkya Katɔti adala ani mɔɔgyumana lɛlɔ mmɔ ƒui, kalɛ na bɛkana na binye kpakplaa na limeyi lɛni na likpidi lɛdi lɛdubɔsiaku-mii lɛlɔ. Na ɔmmɔ kama ni, binye kpakplaa uwi ƒui.

Lɛkpa Ulu 33:29

Israelƒuɔ, bɛya na lɛlɔ lɛyɔ-mii. Ɔsika bekyuli badi beeebo aani bina kalɛ. Bɛdi bekyuli bani na Unwoti náƒɔ-mii ngba. Na Unwoti ɔlati ndi bina ekpola. Na biti-nya bikpo bɛdi lɛlɔ. Na bina bekisine badububo bebevele-mii ka bɛnu-ma kɔnyana. Nsu bitenu kalɔ, na bibo-ma bɛdu ƒui.”

Petro 1 4:3

Bɛya na kalɛ na bílie ngba bítaabla ala ekpidi uwi pii ɔni návi ɔwɔ ɔƒɛni. Bɛ́bla likyulikpi ku lɛyalɛ, na bítaani ntɛ teekpi. Bɛ́kpa baƒiɔ bɛ́vili ntu, na bɛ́di kɔkpana kukpidi, na bɛ́bla ala ekpidi lidu lidu aani bekyuli bani naaasiaku Katɔti.

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.