Bumomo Bɔka 9:22 - Katɔti Ɔku Kedee

²² Na si liƒlukutu lɛmmɔ lɛ́ƒɔ lɛlɔ linye ɔtɔ ɔmmɔ eli emeyi anyɔ iye kɔbuli iye lɛkwa ni, Israelƒuɔ bammɔ lɛnɔ badubɔsɔ bɔkya bana keliekɔ mmɔ lɛni kani na balata. Nsu si liƒlukutu lɛmmɔ lɛ́nya lɛ́ta na ama lɛnɔ bata.

Bumomo Bɔka 9:22 ပူးပေါင်းရင်းမြစ်များ

Kɔgya 107:7

Unwoti ɔ́tɔnku-ma ɔ́siaku ulu ligeen lɛlɔ útéduoku ɔma ɔni kemmo na bákɛ keliekɔ.

Kɔgya 143:10

Tina-mi kalɛ na lɛbla ƒula lɛƒɔyɔ, ɔsika awɔ ndi mina Katɔti. Na aya na ƒula lɛƒɔndia lɛtɔnku-mi na lɛsia ngba ulu geen ɔmmɔ lɛlɔ.

Kɔgya 32:8

Unwoti ɔnini, “Ndubɔtina-a kesii kani ɔlɛka asia ku lɛla lɛni na ɔlɛka abla. Na ami ɔlati ndubutaanu-ɔ lɛlɔ.”

Kɔgya 48:14

Ɔsika Unwoti Katɔti ɔmɛni ndi bula Unwoti ɔsi ɔƒɛni úsela ƒui. Na anwu ndubɔtɔnku-bu uwi biala.

Kɔgya 73:24

Awɔ mɔɔtɔnku-mi ɔkɛnku kasusu kani na aakya-mi kemmo. Na kawɔlɔkɔ ni, adubɔƒɔ-mi na liduo ƒula bukeye kemmo.

Kɔgya 77:20

Áƒuna Mose ku Aaron na bátɔnku ƒula kadi bekyuli aani baƒonu ɔdane kalɛ ɔkɛnku ƒula ɔyikun lɛlɔ.

Israelƒuɔ Bɔlɛ 39:42

Na Israelƒuɔ bábla kabla kammɔ pɛpɛɛpɛ kalɛ kani na Unwoti úbo Mose ɔda.

Israelƒuɔ Bɔlɛ 40:16

Na Mose ɔ́bla ɔsiaku kalɛ kani na Unwoti úbo-nwu ɔda.

Bumomo Bɔka 1:54

Ɔmmɔ ɔsu Israelƒuɔ bábla lɛla biala na Unwoti úbo Mose ɔda ɔnii bábla.

Bumomo Bɔka 8:20

Mose ku Aaron ku Israelƒuɔ ƒui ku Lewiƒuɔ bammɔ bábla básiaku kalɛ na Unwoti úbo Mose ɔda mmɔ pɛpɛɛpɛ.

Bumomo Bɔka 9:17

Na uwi biala na liƒlukutu lɛmmɔ lɛ́ta ɔtɔ ɔmmɔ katɔ ni, na Israelƒuɔ lɛnɔ bata bayu ulu. Na kesi kesii na liƒlukutu lɛmmɔ lídi línye ni, na Israelƒuɔ lɛnɔ bada keliekɔ na mmɔ.

Bumomo Bɔka 9:21

Uwi ɔdi liƒlukutu lɛmmɔ lɛdubudi bunye ɔ́si ɔtanta útédu useyi uwi kani, na si liƒlukutu lɛmmɔ lɛ́ta ɔtanta na ama lɛnɔ bata. Ina liƒlukutu lɛmmɔ lɛta useyi iye ɔƒiiwi iye ɔlɛka ama lɛnɔ bata.

Batalane Kabla 1:4

Uwi ɔni na bábasa lisu ni, úbo-ma ɔda ɔnini, “Bitatɔlɔ Yerusalem, mmomu binye bɛgya Katɔti Kɔyu bubo bɔni lɛlɔ na lɛ́su-mii lɛ́siku ka mina Ɔti ɔ́su úse ka wete-mii.