Bumomo Bɔka 8:7 - Katɔti Ɔku Kedee

⁷ Na ulu ɔmɛni lɛlɔ na adubɔsia na abla-ma sɛɛn ɔdi ɔmmɔ. Kuna sɛɛn bɔbla ntu bɔmmɔ wi-ma lɛlɔ, na aya na bana ɔdi biala ukpeyi nwuna ɔlɔna linwini ƒui udie lɛlɔ na baƒɔ bana adala ƒui, na bana lɛlɔ lɛdubɔbla sɛɛn.

Bumomo Bɔka 8:7 ပူးပေါင်းရင်းမြစ်များ

Ala Kalɔ Buse 35:2

Anwuɔsu Yakob ɔ́su nwuna kaduli bekyuli ku bani ƒui nkya-nwu kudɔ ɔnini, “Biti baƒiɔ udu biala nse ɔdi kudɔ ƒui bivaakun. Na bɛbla lɛlɔ kedee na bɛvumana bina adala.

Kɔgya 51:2

Kpila-mi kede kede na mina ekpidi ɔsu na lɛlɛ sɛɛn na mina bɔƒiɔ ƒui kudɔ.

Kɔgya 51:7

Kpila-mi na edie ekpidi ƒui mina lɛlɔ sɛɛn na nteekeye teetulo etubankɛ.

Israelƒuɔ Bɔlɛ 19:10

Amu na Unwoti ɔ́su Mose ɔnini, “Sie na atáya na baklibi lɛlɔ bese sɛɛn ɔmwi ku kɔnaadi. Na baƒɔ bana adala.

Yesaia 52:15

Mina kabla ɔblane ɔmɛni ndubɔya na kadi bekyuli bamanku kalɛ na bakpa-mi. Na ɔdubɔbla baga kalɛ kadi na babla kpoo, na beboku eli kalɔ. Na lɛla lɛni na bétenu iye banu kudii ni, badubɔbla kasusu basiku-nya lɛlɔ na ɔbla-ma nwaa.”

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Lewiƒuɔ Ɔda Bubo 15:27

Na ukyuli biala meti kɔnu metuku ala ammɔ adi ɔdubuse lɛlɔ. Na ɔlɛka ɔƒɔ nwuna adala na ɔkpi na ɔmu ɔdubuse lɛlɔ utédu useyi uwi.

Lewiƒuɔ Ɔda Bubo 15:6

Na ukyuli biala mayu melie lɛla biala lɛni lɛlɔ na ɔnana ɔmmɔ ɔ́yu úlie ni, ɔlɛka ɔƒɔ nwuna adala na ɔkpi, nsu ɔmu ɔdubuse lɛlɔ utédu useyi uwi.

Lewiƒuɔ Ɔda Bubo 16:28

Na ukyuli ɔni makyula bebuo bammɔ ɔdubɔƒɔ nwuna lɛwu na ɔkpi ntu asa na unwini usie bana keliekɔ.

Lewiƒuɔ Ɔda Bubo 8:6

Mmɔ na Mose ɔ́ya na Aaron ku nwuna bebi bananabi bálɛ bébo anumi na ɔ́bla-ma ntu bɔkpila ɔdi.

Bumomo Bɔka 19:13

Na ukyuli biala meti kɔnu metuku ukpine na uni na utabla sɛɛn bɔbla ɔdi ɔmmɔ ni, ɔ́ya na Unwoti kakpakɔ keesé lɛlɔ, na ɔlɛka bada ukyuli ɔmmɔ bedie Israelƒuɔ akɔ. Ɔsika batakuna ntu bɔni mɔbla sɛɛn bétewi-nwu lɛlɔ ɔsu uusé lɛlɔ. Na nwuna sɛɛn tabla ɔmmɔ ɔkya-nwu lɛlɔ.

Bumomo Bɔka 31:20

Na bina lɛwu ku lɛla biala na lɛdi bebuo ɔku iye ese linwini iye kegyiikɛ ni, bɛbla-ni sɛɛn.”

Bumomo Bɔka 8:21

Lewiƒuɔ bábla lɛlɔ sɛɛn bɔbla ɔdi ɔmmɔ na báƒɔ bana adala. Ɔmmɔ kama Aaron ɔ́kpanku-ma na útéti-ma ɔ́kya Unwoti lɛkɔkɔ aani kudu bubo akpala bana lili úte bana likpidi kɔtu bɔni budie kalɛ na ɔbla-ma sɛɛn.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Hebriƒuɔ 9:13

Bekyuli bani nábla ala ani náya na beesé lɛlɔ na ɔdi ala bɔbla kenye ni, baakana na beeti bese ku bakɔ ubugya ku bebuo bamɛni ntɔ teewi-ma lɛlɔ na bana lɛlɔ lɛɛsɔ taabla sɛɛn ute ɔdi ala bɔbla.

Yakobo 4:8

Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.