Bumomo Bɔka 8:21 - Katɔti Ɔku Kedee

²¹ Lewiƒuɔ bábla lɛlɔ sɛɛn bɔbla ɔdi ɔmmɔ na báƒɔ bana adala. Ɔmmɔ kama Aaron ɔ́kpanku-ma na útéti-ma ɔ́kya Unwoti lɛkɔkɔ aani kudu bubo akpala bana lili úte bana likpidi kɔtu bɔni budie kalɛ na ɔbla-ma sɛɛn.

Bumomo Bɔka 8:21 ပူးပေါင်းရင်းမြစ်များ

Israelƒuɔ Bɔlɛ 19:10

Amu na Unwoti ɔ́su Mose ɔnini, “Sie na atáya na baklibi lɛlɔ bese sɛɛn ɔmwi ku kɔnaadi. Na baƒɔ bana adala.

Lewiƒuɔ Ɔda Bubo 14:11

Na ɔkpane ɔni mɔɔbla ɔdi ɔmmɔ ɔdubɔkpanku ukyuli ɔni na ɔɔbla ɔdi ɔmmɔ teete ku akpala ammɔ ƒui usienku Unwoti Adi Kevo kammɔ kayakun.

Bumomo Bɔka 19:12

Na limeyi lɛtɛdi ku limeyi maatɛdi lɛlɔ ni, ɔlɛka uti ntu bɔmmɔ ɔbla lɛlɔ sɛɛn, na nwuna lɛlɔ lɛdubɔbla sɛɛn. Nsu si úteti ntu bɔmmɔ útabla lɛlɔ sɛɛn na limeyi lɛtɛdi ku maatɛdi lɛmmɔ lɛlɔ ni, ɔɔɔdubo buse sɛɛn.

Bumomo Bɔka 19:19

Na limeyi lɛtɛdi ku maatɛdi lɛlɔ ni, ukyuli ɔni nse sɛɛn ɔkuna ntu bɔmmɔ uwi ukyuli ɔni neeese sɛɛn mmɔ lɛlɔ. Na limeyi maatɛdi lɛlɔ ukyuli mmɔ ɔlɛka ɔƒɔ nwuna adala na ɔkpi ntu. Na ɔmmɔ kama ukyuli ɔni nákuna ntu bɔmmɔ úwi lɛlɔ mmɔ ɔbla-nwu sɛɛn. Na si ɔƒɔ na ukyuli mmɔ ɔbla sɛɛn.

Bumomo Bɔka 3:12

“Lídie Lewiƒuɔ bammɔ líse líte lɛlɔ aani Israelni uleku biala ɔnanabi udeedi ɔni na ɔ́wɔ. Anwuɔsu Lewiƒuɔ badi mina badi,

Bumomo Bɔka 8:15

“Uwi ɔni na ábla-ma sɛɛn ɔdi ɔmmɔ áwɔlɔ na éti-ma ákya-mi kɔnu aani kudu bubo akpala kama ni, na aya bebo mina Adi Kevo kemmo babataabla bana kabla.

Bumomo Bɔka 8:20

Mose ku Aaron ku Israelƒuɔ ƒui ku Lewiƒuɔ bammɔ bábla básiaku kalɛ na Unwoti úbo Mose ɔda mmɔ pɛpɛɛpɛ.

Bumomo Bɔka 8:22

Ɔmmɔ kama Lewiƒuɔ bammɔ bésie na bétése bana kabla kalɔ na Unwoti Adi Kevo kammɔ kemmo na Aaron ku nwuna bebi lɛlɔ bɔnu kalɔ. Na béti Lewiƒuɔ bammɔ bábla kalɛ na Unwoti úbo Mose ɔda.

Bumomo Bɔka 8:7

Na ulu ɔmɛni lɛlɔ na adubɔsia na abla-ma sɛɛn ɔdi ɔmmɔ. Kuna sɛɛn bɔbla ntu bɔmmɔ wi-ma lɛlɔ, na aya na bana ɔdi biala ukpeyi nwuna ɔlɔna linwini ƒui udie lɛlɔ na baƒɔ bana adala ƒui, na bana lɛlɔ lɛdubɔbla sɛɛn.