Bumomo Bɔka 8:12 - Katɔti Ɔku Kedee

¹² “Ɔmmɔ kama na Lewiƒuɔ bammɔ béti bana enu basia bakɔ bammɔ eli lɛlɔ. Na edie unwi abla likpidi lili buvele akpala ete Unwoti na eti unyɔdi lɛnɔ abla bɔkyula akpala ute Lewiƒuɔ likpidi kɔtu bɔni budie bana lɛlɔ.

Bumomo Bɔka 8:12 ပူးပေါင်းရင်းမြစ်များ

Israelƒuɔ Bɔlɛ 29:10

“Na akpanku ɔmantɛ akɔ ɔgyani ɔmmɔ esienku Adi Kevo kammɔ kayakun. Na aya na Aaron ku nwuna bebi bananabi beti bana enu basia ebuo ɔmmɔ kuli.

Lewiƒuɔ Ɔda Bubo 1:4

Ɔdi ka ukyuli ɔmmɔ uti kɔnu ɔsia ebuo ɔmmɔ lili, na ɔtina ka ebuo ɔmmɔ na úti uunyene nwuna lɛlɔ kenye kalɛ na lɛƒɔ nwuna akpala bɔkyula ƒui bɔmmɔ na lidie kɔtu bɔni biala na nwuna lɛlɔ.

Lewiƒuɔ Ɔda Bubo 14:22

ku babloduma inyɔ iye bamangbɛ inyɔ bani na ɔdubɔkana bɔkɛ na unwi unye ute likpidi lili buvele akpala na ɔkladi unye ute bɔkyula ƒui akpala.

Lewiƒuɔ Ɔda Bubo 16:11

“Ɔmmɔ kama Aaron ɔdububoku ɔmantɛ akɔ ɔni nnye ute nwuna ekpidi na ɔdubuti ɔbla likpidi kɔtu bɔni budie akpala na anwu ku nwuna kaduli bekyuli lili. Na ɔdubɔdu ebuo ɔmmɔ ute anwu ɔlati ekpidi bɔkyiɛ akpala.

Lewiƒuɔ Ɔda Bubo 16:21

Na ɔdubuti nwuna enu anyɔ ɔsia ese ɔmmɔ kuli na ɔka Israelƒuɔ ekpidi lidu lidu udie ɔsu na bana ulikplu ala bɔbla ku kalɛ na baalɛ́ bana Unwoti kama ku bana ekpidi lidu bamba lɛni ƒui na baabla. Na ekpidi ammɔ ƒui adubɔsia ese ɔmmɔ kuli. Na ɔkɛnku ukyuli ɔni na báalɛ lɛnimi bése lɛlɔ ni, na ɔbɔku ese ɔmmɔ utákya alakpi akɔ na ketele kalɔ kakwiidi kemmo.

Lewiƒuɔ Ɔda Bubo 16:6

“Aaron ɔdubuti akɔ ɔmmɔ ɔbla nwuna likpidi lili buvele akpala na Unwoti udie likpidi kɔtu bɔni biala na anwu ku nwuna kaduli bekyuli lɛlɔ.

Lewiƒuɔ Ɔda Bubo 4:15

Mmɔ na kadi benengu bammɔ ƒui badubuti bana enu basia akɔ ɔmmɔ lili na Unwoti anumi. Na beti batina ka ɔmmɔ na béti beenyene bana kenye. Ɔmmɔ kama na badu-nwu na Unwoti anumi mmɔ.

Lewiƒuɔ Ɔda Bubo 4:20

Na kalɛ kani na ɔkpane ɔmmɔ ɔ́blaku akɔ ɔni na úti ɔ́bla likpidi lili buvele akpala mmɔ ni, lɛni kani geen na ɔlɛka ɔblaku ɔmɛni lɛnɔ. Ulu ɔmɛni lɛlɔ na ɔdubɔsia na uvele-mi na lidie kɔtu bɔni na bana lɛlɔ. Na liti bana ekpidi lɛkyiɛ-ma.

Lewiƒuɔ Ɔda Bubo 4:35

Ɔmmɔ kama badubudie lɛmwi lɛmmɔ ƒui aani kalɛ na beedie koƒonu ubi ɔni na béti bábabla unwi bɔbla akpala kalɛ. Na ɔkpane ɔmmɔ ɔdubuti ɔbla akpala bɔkyula na lɛkpabi lɛmmɔ lɛlɔ. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔmmɔ ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.’ ”

Lewiƒuɔ Ɔda Bubo 4:4

Ɔdubuti ɔmantɛ akɔ ɔgyani ɔmmɔ uboku Unwoti Adi Kevo kammɔ kayakun na Unwoti anumi. Na uti enu ɔsia akɔ ɔmmɔ lili uti ɔtina ka ɔmmɔ na úti unyene nwuna likpidi kenye Na ɔmmɔ kama na badu akɔ ɔmmɔ na Unwoti anumi.

Lewiƒuɔ Ɔda Bubo 5:7

“ ‘Nsu si nwuna ɔyikun útedu koƒonu ni, na uti babloduma inyɔ iye bamangbɛ inyɔ uboku Unwoti anumi aani nwuna likpidi kɔtu bɔni budie akpala na nwuna ekpidi lili. Na badubuti unwi babla likpidi kɔtu bɔni budie akpala, na beti unyɔdi babla ogya akpala bɔkyula ƒui ɔdi.

Lewiƒuɔ Ɔda Bubo 8:14

Ɔmmɔ kama úti ɔmantɛ akɔ ɔgyani ɔni na badubuti babla likpidi lili buvele akpala ammɔ úboku. Na Aaron ku nwuna bebi bananabi béti bana enu básia ebuo ɔmmɔ lili bátina ka ɔmmɔ na béti bényene bana kenye ka beti babla akpala ammɔ.

Lewiƒuɔ Ɔda Bubo 8:15

Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Lewiƒuɔ Ɔda Bubo 8:18

Ɔmmɔ kama béti koƒonu kɔgyani kɔni na badubuti babla akpala bɔkyula mmɔ béboku na Aaron ku bebi béti enu básia-ku lili.

Lewiƒuɔ Ɔda Bubo 8:34

Ala ani ƒui na bɔ́bla ɔmwi mɛni adi akpala ani ɔda na Unwoti úbo ka bɔbla na udie kɔtu bɔni biala na bina lɛlɔ.

Lewiƒuɔ Ɔda Bubo 9:7

Amu na Mose ɔ́kpali Aaron na ɔ́su-nwu ɔnini, “Kpɛ de lɛkpabi lɛmmɔ na abla ƒula likpidi lili buvele akpala ku akpala bɔkyula ɔdi ɔmmɔ. Na Unwoti udie kɔtu bɔni biala na awɔ ku ƒula kadi bekyuli ƒui lɛlɔ aani kalɛ na Unwoti úbo ɔda.”

Bumomo Bɔka 6:14

Mmɔ ni, ɔlɛka uti koƒonu kɔkɔdi kɔni nákɛ lɛkwa na kútasɔ kesii kadi uboku na babla bɔkyula akpala, ku koƒonu kuledi kɔni nátasɔ kesii kadi na beti babla likpidi lili buvele akpala ku koƒonu kɔgyani kɔni na kútasɔ kesii kadi na beti babla unwi bɔbla akpala.

Bumomo Bɔka 6:16

Na ɔkpane ɔmmɔ ɔdubuti ala ammɔ uboku Unwoti anumi mmɔ na uti ɔbla likpidi lili buvele akpala ku bɔkyula akpala ammɔ.

Bumomo Bɔka 8:13

Na aya na Lewiƒuɔ bammɔ benye Aaron ku nwuna bebi anumi na eti-ma akya Unwoti lɛkɔkɔ aani kudu bubo akpala.

Bumomo Bɔka 8:8

Ɔmmɔ kama na beti akɔ ɔkɔdi ku edula ebi ɔlaaƒɔ buni sɛɛn ɔni na básala ku nnɔ, na asɔ aƒɔ akɔ ɔkɔdi bamba ute likpidi lili buvele akpala.

Hebriƒuɔ 9:22

Geen ni, ɔda bubo bɔmmɔ bɔɔtina na bɔkana na bɔsu bɔnii ala ƒui aabla sɛɛn ɔkɛnku ubugya lɛlɔ. Na ɔkɛnku ubugya kalɔ buwi kemmo na Katɔti uuti bula ekpidi taakyiɛ-bu.