Bumomo Bɔka 7:88 - Katɔti Ɔku Kedee

⁸⁸ Na bebuo bani na béte ka béti babla unwi bɔbla akpala ndi bakɔ bakɔdi aavlanyɔ-ine ku baƒonu liti ku leevu ku betukpa liti ku leevu ku baƒonu bakɔdi bagyani bani náƒɔ lɛkwa liti ku leevu. Akpala ammɔ na béti bésienku uwi ɔni na béti lɛkpabi lɛmmɔ baakya Unwoti enu kemmo na likpose nnɔmii bususu kama.

Bumomo Bɔka 7:88 ပူးပေါင်းရင်းမြစ်များ

Lewiƒuɔ Ɔda Bubo 3:9

Na koƒonu ubi ɔni na ɔdanku úboku úbabla unwi bɔbla akpala ammɔ ni, ɔdubudie kuna lɛmwi lɛni ndanku nwuna ɔka ku kasɔma likubi lɛmwi ku kaƒɔ ala lɛmwi lɛni mma-nwu lɛlɔ ku kaƒɔ kemmo lɛmwi lɛmmɔ ƒui.

Bumomo Bɔka 7:1

Uwi ɔni na Mose ɔ́wɔlɔ Unwoti kakpakɔ ɔtɔ ɔmmɔ bɔlɛ ni, ɔ́kpali katɔ na úti lɛla biala ɔ́kya Unwoti enu kemmo. Na ɔsɔ ɔ́kpali katɔ na úti lɛkpabi ku akyami ani nse mmɔ ƒui ɔ́kya Unwoti enu kemmo.

Bumomo Bɔka 7:10

Uwi ɔni na Mose ɔ́bla lɛkpabi lɛmmɔ sɛsɛɛ kede úte Unwoti ni, batɔnkune bammɔ béti bana akpala béboku lɛkpabi lɛmmɔ anumi ka béti babla kabla kammɔ.

Bumomo Bɔka 7:84

Ala ammɔ ndi akpala ani na Israelƒuɔ kaba batɔnkune bammɔ béboku ka beti bákpa béte Unwoti uwi ɔni na béti lɛkpabi lɛni bátu mmɔ baakya Unwoti enu kemmo na likpose nnɔmii bususu kama. Na ala ammɔ ƒui bumomo bɔdi sika ɔƒualadi akyami bɛbɛ leevu-anyɔ ku sika ɔƒualadi ntu buwi akyami leevu-anyɔ ku sika ugyiedi akyami leevu-anyɔ.

Bumomo Bɔka 7:87

Na bebuo bani na béti bésienku ka beti babla bɔkyula akpala ammɔ bumomo ƒui bɔdi bakɔ bakɔdi leevu-inyɔ ku baƒonu bagyani leevu-inyɔ ku baƒonu bagyani bakɔdi leevu-inyɔ bani nákɛ lɛkwa linwi ku bana edula ebi akpala. Na betukpa leevu-inyɔ na béti bábla likpidi lili buvele akpala.