Bumomo Bɔka 7:84 - Katɔti Ɔku Kedee

⁸⁴ Ala ammɔ ndi akpala ani na Israelƒuɔ kaba batɔnkune bammɔ béboku ka beti bákpa béte Unwoti uwi ɔni na béti lɛkpabi lɛni bátu mmɔ baakya Unwoti enu kemmo na likpose nnɔmii bususu kama. Na ala ammɔ ƒui bumomo bɔdi sika ɔƒualadi akyami bɛbɛ leevu-anyɔ ku sika ɔƒualadi ntu buwi akyami leevu-anyɔ ku sika ugyiedi akyami leevu-anyɔ.

Bumomo Bɔka 7:84 ပူးပေါင်းရင်းမြစ်များ

Israelƒuɔ Bɔlɛ 25:29

Na abla akyami lidu lɛni ndubo-nwu lɛlɔ butaasia ku sika ugyiedi kavɔ. Lɛni kani na akyami ku lɛsii lɛvɔdi lɛni ndubo bɔdia na beteewilimi akpala ku ntɛ akpala ammɔ ƒui ɔlɛka ɔbla sika ugyiedi ala.

Bumomo Bɔka 7:1

Uwi ɔni na Mose ɔ́wɔlɔ Unwoti kakpakɔ ɔtɔ ɔmmɔ bɔlɛ ni, ɔ́kpali katɔ na úti lɛla biala ɔ́kya Unwoti enu kemmo. Na ɔsɔ ɔ́kpali katɔ na úti lɛkpabi ku akyami ani nse mmɔ ƒui ɔ́kya Unwoti enu kemmo.

Bumomo Bɔka 7:10

Uwi ɔni na Mose ɔ́bla lɛkpabi lɛmmɔ sɛsɛɛ kede úte Unwoti ni, batɔnkune bammɔ béti bana akpala béboku lɛkpabi lɛmmɔ anumi ka béti babla kabla kammɔ.

Bumomo Bɔka 7:83

ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Ammɔ ndi akpala ani na Enan ubidi Ahira úboku.

Bumomo Bɔka 7:85

Na sika ɔƒualadi lɛkyami bɛbɛ biala unu ɔdi edula ebi lɛkyami kakɛ unu, na sika ɔƒualadi ntu buwi akyami gbion ammɔ ɔdi biala unu ɔdi edula ebi ɔɔƒɛɛ blii keyile unu. Anwuɔsu sika ɔƒualadi akyami ammɔ ƒui kasala unu ɔdi edula ebi akyami leevu-ene na kakpakɔ ala bɔkɔku kenye.

Hebriƒuɔ 13:10

Abu ni, bubo lɛkpabi lɛni lɛlɔ ala na ama bani mɔɔkpá na Yudaƒuɔ kakpakɔ kammɔ kemmo beeebo kuƒi ka badi.

Budie Taatina 21:14

Na kowodu kalɔ atabi ani bákya kowodu kɔmmɔ kalɔ ebo atabi leevu-anyɔ. Na bénweni Koƒonu Ubi ɔmmɔ batalane anyi leevu-anyɔ básia kadi biala lɛlɔ.