Bumomo Bɔka 7:62 - Katɔti Ɔku Kedee

⁶² ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

Bumomo Bɔka 7:62 ပူးပေါင်းရင်းမြစ်များ

Kɔgya 112:2

Nwuna bawɔ badubɔkɛ ɔyikun geen na bana kadi bekyuli akɔ. Na kaba kani bekyuli nse siin na Katɔti anumi ni, lɛlɔ lɛdubɔyɔ-ma geen.

Yesaia 66:20

Na badubɔlɛku bina banwani bɔsiku kadi bekyuli ƒui kɔlɔ lɛlɔ beboku ami Unwoti aani akpala kalɛ na Yerusalem. Na badubulie bapɔnkɔ ku bebuo ala betine ku kɛɛkɛ lidu lidu ku bebuo ala betine ku keƒu lɛlɔ bebo. Badubo-ma bɔkpanku buboku aani kalɛ na Israelƒuɔ beeti bana kakpa edula etela taakya akyami ani na bédie bése sɛsɛɛ úte emeyi amɛni udu kemmo teeboku-mi na mina kakpakɔ.

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Bumomo Bɔka 7:61

Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

Bumomo Bɔka 7:63

na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

Romaƒuɔ 15:16

Ɔsika ɔ́bla-mi ɔnii nnwini Kristo kabla ɔblane nte bekyuli bani naaadi Yudaƒuɔ. Na mɔɔbla ɔkpane kabla kani ndi ka lɛkɔ Katɔti litemi buni lɛmmɔ lɛsa lite bekyuli bani naaadi Yudaƒuɔ kalɛ na lɛkpanku-ma liboku Katɔti aani akpala ani Katɔti Kɔyu kɔ́bla kedee na adubɔƒɔ Katɔti anu.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Budie Taatina 5:8

Na uwi ɔni na Koƒonu Ubi ɔmɛni ɔɔƒɔ́ kakunkɛ kamɛni ni, ngba batu ine bammɔ ku benengu aavlanyɔ-ine bammɔ báyu bébi kalɔ na Koƒonu Ubi ɔmmɔ anumi. Ɔdi biala ɔda agyala ani béti kɔbuli bábla na baagyá taatu lɛnu. Na ɔdi biala ɔda sika ugyiedi kɔlaku kɔni néyi ku oloƒui. Na oloƒui ɔmɛni unye ute Katɔti bekyuli katɔ bɔkpali.

Budie Taatina 8:3

Na Katɔti ɔtu ɔbambadi ɔ́da ɔ́lɛ ɔni nda sika ugyiedi libwi lɛni kemmo na baakyula oloƒui, na úbenye lɛkpabi lɛmmɔ kudɔ. Béte-nwu oloƒui pii kalɛ na ɔkyula-nwu na sika ugyiedi lɛkpabi lɛni nnye lɛgaboku lɛmmɔ anumi lɛlɔ. Na oloƒui ɔmmɔ ku Katɔti bekyuli ƒui katɔ bɔkpali bɔbla akpala enwi.

Budie Taatina 8:4

Oloƒui ɔni mɔɔkywí mmɔ uyɔ ku Katɔti bekyuli bammɔ katɔ bɔkpali ƒui bɔ́kɔ búsie Katɔti kudɔ ɔ́si Katɔti ɔtu ɔmmɔ enu kemmo.