Bumomo Bɔka 7:10 - Katɔti Ɔku Kedee

¹⁰ Uwi ɔni na Mose ɔ́bla lɛkpabi lɛmmɔ sɛsɛɛ kede úte Unwoti ni, batɔnkune bammɔ béti bana akpala béboku lɛkpabi lɛmmɔ anumi ka béti babla kabla kammɔ.

Bumomo Bɔka 7:10 ပူးပေါင်းရင်းမြစ်များ

Baga 1 8:63

Na ɔ́du ɔmantɛ bakɔ mpim aavlanyɔ-inyɔ (22,000) ku baƒonu ku bese mpim eti anyɔ ku aavlanyɔ (120,000) na béti bábla unwi bɔbla akpala béte Unwoti. Anwuɔsu Ɔga Salomo ku Israelƒuɔ bammɔ béti kakpakɔ kammɔ bákya Unwoti enu kemmo.

Ala Alɛdi 2 7:9

Na kadi kegye ni, bana ƒui bébo bábasala kalɛ na bakpa Katɔti. Na emeyi ani ƒui na béti bábla ala amɛni adi emeyi leevu-ene. Emeyi maatɛ ute lɛkpabi lɛmmɔ keyi budie ku likpo buse bute nina kabla. Na emeyi maatɛ bamba lɛnɔ úte adi kevo kemmo bɔkya limeyi lɛmmɔ bɔdi.

Nehemia 12:27

Uwi ɔni na badubo Yerusalem awodu ani bátu mmɔ buti bɔkya Katɔti enu kemmo ni, bávi bálɔ Lewiƒuɔ bani nli ekpo ekpo ƒui ka bebo Yerusalem. Báwia-ma ka babadiku-ma limeyi lɛmmɔ ku ebiti, na batu linungya lɛnu na beti agyala beteedie lɛnu.

Nehemia 12:43

Na limeyi lɛmmɔ ni, bábla akpala enengudi béte Katɔti. Na lɛlɔ lɛɛyɔ́-ma, ɔsika Katɔti ebiti áƒɔ-ma lɛlɔ kemmo geen! Na beleku ku bebi lɛnɔ béduo lɛlɔyɔ lɛmmɔ kemmo. Na kudu kɔni na bédie mmɔ ni, kúsie kútédu ɔgyu kakaaka.

Kɔgya 30:1

O mina Unwoti, muubó-ɔ kudu na mɔɔkɔliku-ɔ lɛnyi katɔ, ɔsika awɔ nédie-mi na átaya na mina bekisine badi-mi lɛlɔ na bakɛ ebiti.

Bumomo Bɔka 7:1

Uwi ɔni na Mose ɔ́wɔlɔ Unwoti kakpakɔ ɔtɔ ɔmmɔ bɔlɛ ni, ɔ́kpali katɔ na úti lɛla biala ɔ́kya Unwoti enu kemmo. Na ɔsɔ ɔ́kpali katɔ na úti lɛkpabi ku akyami ani nse mmɔ ƒui ɔ́kya Unwoti enu kemmo.

Bumomo Bɔka 7:11

Ɔsika Unwoti ɔ́su Mose ɔnini, “Limeyi biala ni, ɔtɔnkune unwi ɔlɛka uti nwuna akpala ani na badubuti babla akpala bete lɛkpabi lɛmmɔ bɔbla sɛsɛɛ kedee bete Unwoti uboku.”

Bumomo Bɔka 7:84

Ala ammɔ ndi akpala ani na Israelƒuɔ kaba batɔnkune bammɔ béboku ka beti bákpa béte Unwoti uwi ɔni na béti lɛkpabi lɛni bátu mmɔ baakya Unwoti enu kemmo na likpose nnɔmii bususu kama. Na ala ammɔ ƒui bumomo bɔdi sika ɔƒualadi akyami bɛbɛ leevu-anyɔ ku sika ɔƒualadi ntu buwi akyami leevu-anyɔ ku sika ugyiedi akyami leevu-anyɔ.

Bumomo Bɔka 7:88

Na bebuo bani na béte ka béti babla unwi bɔbla akpala ndi bakɔ bakɔdi aavlanyɔ-ine ku baƒonu liti ku leevu ku betukpa liti ku leevu ku baƒonu bakɔdi bagyani bani náƒɔ lɛkwa liti ku leevu. Akpala ammɔ na béti bésienku uwi ɔni na béti lɛkpabi lɛmmɔ baakya Unwoti enu kemmo na likpose nnɔmii bususu kama.

Lɛkpa Ulu 20:5

Na baduɔti bammɔ lɛnɔ badubɔlɛ bebo na betemi bete bekpone bammɔ na beye-ma banini, “Ɔnana ɔdi ɔkya-mii akɔ mɛni na ɔ́tu ɔtɔ ɔwɔdi na útesie útetélie-nwu kemmo tɔ?” Na si ɔdi údie kenye ka “Ɛɛn” ni, na unwini uteesie kaduli. Na si ɔɔɔdi lɛni na ɔ́ta na útékpi na kekpo kammɔ kemmo ni, ukyuli ɔbambadi ndubo kaduli kammɔ kemmo bulie.