Bumomo Bɔka 6:5 - Katɔti Ɔku Kedee

⁵ “ ‘Na uwi ɔni na údie lɛlɔ lɛti sɛsɛɛ úse úte Unwoti mɛni ni, utalɛka ukpeyi lili. Ɔlɛka ɔbla kedee ute Unwoti úti útédu ka uwi ɔni na ɔ́su ka wedie lɛlɔ lɛti sɛsɛɛ wetédu mmɔ údu. Na ɔlɛka ɔnyonu nwuna kuli linwini na line gyɔlɔɔ.

Bumomo Bɔka 6:5 ပူးပေါင်းရင်းမြစ်များ

Esekiel 44:20

“Ɔɔɔdi ka bakpane bekpeyi bana lili linwini si beewulo kɔnyana. Nsu ɔlɛka bada bana linwini edu na lileyi lilagya.

Bumomo Bɔka 6:4

Uwi ɔni na ɔmu ɔdi Nasareni mɛni ni, utalɛka uti lɛla lɛni nási egyiibi kemmo aani ntɛ utuku kenye, ina nwuna ebi iye egyiibi lɛna lɛmmɔ muedi.

Batalane Kabla 18:18

Amu na Paulo úlie Korinto ɔma ɔmɛni kemmo emeyi pii. Na nwuna kama ni, ɔ́kada baƒɔtaadine bamɛni na anwu ku Akwila ku Priskila básia ntu anumi bésie Siria. Nsu asa na watɔlɔ ni, Paulo ɔ́ya na békpeyi-nwu lili na Kenkrea na Yudaƒuɔ ɔdi lɛlɔ ɔ́si kenye kani na úse ɔsu.

Litemi Batɛne 13:5

Ɔsika adubo kaƒɔ bɔda na adubɔwɔ ubi ɔnanabi. Na si áwɔ-nwu taya na bekpeyi-nwu lili kudii. Ɔsika ubiwɔ ɔmmɔ ɔdubo buse bute Unwoti lɛti. Na anwu ndubuse kalɔ uteekpo taaƒɔ Israelƒuɔ ɔlɛku Ƒilistiƒuɔ enu kemmo.”

Litemi Batɛne 16:17

Anwuɔsu ɔ́su Delila lɛla biala ɔnini, “Ɔ́si mina lɛwɔmeyi ni, béteti lɛla lɛdi bétekpeyi-mi linwini kudii. Ɔsika ndi Katɔti ukyuli ɔni na ɔ́ƒuna úte lɛlɔ.”

Litemi Batɛne 16:19

Amu na Delila úti Simson lili ɔ́sia nwuna ebuli lɛlɔ na ɔ́ya na ɔ́lɛɛ. Mmɔ na ɔ́lɔ ɔnana ɔdi na úbekpeyi nwuna kɔgyasu maatɛ kɔmmɔ. Na úse kalɔ ɔɔwiɛ, na nwuna ɔlɔkplu lɛnɔ ɔɔbla kpɛtɛ kpɛtɛ.

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”