Bumomo Bɔka 6:25 - Katɔti Ɔku Kedee

²⁵ Unwoti ɔya na nwuna anumi eteekeye teewi-mii na ɔnu-mii ku lɛƒɔndia,

Bumomo Bɔka 6:25 ပူးပေါင်းရင်းမြစ်များ

Ala Kalɔ Buse 43:29

Amu na ɔ́nu ɔ́ka ɔ́mana na ɔ́nu ɔnwani Benyamin ɔni ndi-nwu unibi geen mmɔ. Na úye-ma ɔnini, “Bina ɔnwani ɔnamudi ƒui ɔni na bɛ́su mmɔ na ɔdi mɛni?” Ɔmmɔ kama ɔ́sɔ ɔ́su Benyamin ɔnini, “Mina ubi, Unwoti Katɔti lɛƒɔndia lɛsiaku-ɔ uwi biala.”

Kɔgya 119:135

Die ƒula bɔyɔ tina ami ƒula kabla ɔblane. Na atina-mi ƒula ɔda bubo.

Kɔgya 21:6

Ƒula kusɛ kusɛ ɔsiaku-nwu uwi ƒui. Na áya na lɛlɔ lɛɛyɔ́-nwu geen na ƒula anumi.

Kɔgya 31:16

Ƒɛnimi anumi kya ami ƒula kabla ɔblane na aƒɔ-mi, ɔsika ƒula bɔyɔ bulávumana.

Kɔgya 4:7

Áya na mina kayi kéyi ku ebiti geen útulo bana ebiti ani baakɛ́ si bákɛ edula pii aani antabi ku egyiibi ntɛ bɔwɔdi.

Kɔgya 67:1

Katɔti, nu-bu kɔnyana na ete-bu kusɛ kusɛ. Bla-bu lɛƒɔndia na ekeye na bula akɔ.

Kɔgya 80:19

O Unwoti Katɔti Ɔyikune Ƒui, sɔku-bu beese bula uwi ɔbuni ɔmmɔ kemmo. Na aƒɛnimi anumi akya-bu na bɔkɛ bɔƒɔ.

Kɔgya 80:7

O Ɔyikune Ƒui Katɔti, sɔku-bu bese bula uwi ɔbuni ɔmmɔ kemmo. Na aƒɛnimi anumi akya-bu na bɔkɛ bɔƒɔ.

Kɔgya 86:16

Nwini nu-mi na anu-mi kɔnyana ƒula kabla ɔblane kalɛ. Na ete-mi ɔyikun na aƒɔ-mi aani ƒula kabla ɔblane ubidi.

Israelƒuɔ Bɔlɛ 33:19

Amu na Unwoti údie kenye ɔnini, “Ndubɔya na mina bukeye bɔvi ƒula anumi. Na si mɔɔví ni, ndubɔlɔ mina lɛnyi kedee nnii Unwoti. Na ukyuli ɔni litemi mɔɔyɔ́ ni, ndubɔnu-nwu kɔnyana. Na ukyuli ɔni mɔɔyɔ́ lɛnɔ ni, ndubɔbla-nwu lɛƒɔndia.

Daniel 9:17

“Unwoti Katɔti, ƒula kabla ɔblane na ndi. Nu-mi buvele ku kɔtɔ kɔni na muukpi-ɔ, na enwini anu ƒula kakpakɔ kani na bábwɛ béwi kalɔ, na aya na bɔsɔ bɔtalaku-ka, na ƒula lɛnyi likeye.

Malakai 1:9

“Ngba bukpidi bɔmɛni na bilie, nsu bɛɛkpali teevele kusɛ kusɛ. Amii alati bɛnu si ndubɔnu-mii kɔnyana na ɔbladu ɔmɛni ɔsu. Lɛni na Unwoti ɔ́su.”

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.