Bumomo Bɔka 6:23 - Katɔti Ɔku Kedee

²³ “Su Aaron ku bebi anini, ‘Bitaasia ulu ɔmɛni lɛlɔ teete Israelƒuɔ kusɛ kusɛ bɛnini,

Bumomo Bɔka 6:23 ပူးပေါင်းရင်းမြစ်များ

Ala Kalɔ Buse 24:60

Béte Rebeka kusɛ kusɛ na básu-nwu banini, “Bula ɔnwani ulekubi, buuvele Katɔti bɔnii ɔ́ya-a na awɔ bebi pii na bemomo liti liti. Na ɔya na bawɔ bamɛni badi bana bekisine ƒui lɛlɔ betédu bana kɔyakun muedi.”

Ala Kalɔ Buse 47:10

Na mmɔ ni, Yakob úte Ƒarao kusɛ kusɛ asa na ɔ́vi ɔ́lɛ-nwu kudɔ.

Ala Kalɔ Buse 47:7

Ɔmmɔ kama Yoseƒ ɔ́ya na ɔti Yakob lɛnɔ úbeduo-ma kudɔ mmɔ na Ƒarao ɔ́nu-nwu. Na Yakob úte-nwu kusɛ kusɛ.

Ala Kalɔ Buse 48:20

Úte-ma kusɛ kusɛ limeyi lɛmmɔ na ɔ́su ɔnini, “Bina lɛnyi kemmo na Israel kadi bekyuli badubo buvele kusɛ kusɛ bute bekyuli banini, ‘Unwoti Katɔti ute-ɔ kusɛ kusɛ aani Eƒraim ku Manase.’ ” Ɔmmɔ ɔsu ɔ́ya na Eƒraim únwini lili úte Manase.

Baga 1 8:55

na únye mmɔ na úte Israelƒuɔ ƒui kusɛ kusɛ ku lɛdi momoomo ɔ́su ɔnini,

Ala Alɛdi 1 23:13

Na Amram ɔmɛni náwɔ Aaron ku Mose. Na Aaron ku nwuna kaba kemmo bebi na báƒuna ka bataanu kakpakɔ ala kedee ammɔ lɛlɔ. Na bataabla Unwoti kabla na akpala bɔkyula kemmo na ama ndubo buteete bekyuli kusɛ kusɛ na Unwoti lɛnyi kemmo.

Ala Alɛdi 2 30:27

Bakpane ku Lewiƒuɔ bammɔ bévele Katɔti ka ɔya na nwuna kusɛ kusɛ ɔsiaku bekyuli bammɔ na sɔsɔ ni, únu-ma buvele ɔ́siku nwuna keliekɔ kedee kammɔ na katɔ ƒui.

Israelƒuɔ Bɔlɛ 39:43

Na ka Mose ɔ́sia ala ammɔ ƒui anu na ɔ́nu ka bábla-nya kalɛ kani na Unwoti úbo-nwu ɔda ni, úte Israelƒuɔ kusɛ kusɛ.

Bumomo Bɔka 6:22

Amu na Unwoti úbo Mose ɔda ɔnini,

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Korintoƒuɔ 1 1:3

Buuvele bɔnii bula Unwoti Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Korintoƒuɔ 2 13:14

Blɔti Yesu Kristo lɛƒɔndia ku Katɔti bɔyɔ ku Katɔti Kɔyu unwi bɔbla ɔsiaku bina ƒui.

Lɛkpa Ulu 10:8

Na uwi ɔni na líti atabi ammɔ lɛ́yulaku kɔbi ḿbakya Bunyimi Adaka ɔmmɔ kemmo ni, Unwoti údie Lewi kɔdua bekyuli ka ama nteeti adaka ɔmmɔ. Na bénwini Unwoti Bakpane. Na ama ndubo kusɛ kusɛ buteeti teete Israelƒuɔ na Unwoti lɛnyi kemmo. Na bataabla-nwu kabla aani kalɛ na use ɔmwi.

Lɛkpa Ulu 21:5

Na bɛya na Katɔti bakpane bani ndi Lewiƒuɔ badi basiaku-ma uwi ɔni na bésela batábla ala ammɔ. Ɔsika ama na Katɔti ɔ́ƒuna ka bakpa-nwu na benye-nwu lɛnyi kenye bete bekyuli kusɛ kusɛ na batɛ etemila aani kalɔ etemila ku ukyuli bubo bɔkya ɔlɛ etemila.

Lɛkpa Ulu 33:1

Ɔmɛni ndi kusɛ kusɛ ɔni na Katɔti Kenye Udiene Mose úte Israelƒuɔ asa na úkpi. Ɔ́su ɔnini,

Hebriƒuɔ 7:1

Melkisedek ɔmɛni ɔ́di lɛga na Salem, na ɔ́bla ɔkpane kabla úte Katɔti ɔni ntulo ƒui. Uwi ɔni na Abraham ɔ́si kekpokɔ útádi baga bani nkya amadɔ mmɔ lɛlɔ ɔdubo ni, Melkisedek ɔmɛni útásiaku-nwu na úte-nwu kusɛ kusɛ.

Hebriƒuɔ 7:7

Na ɔkɔ ɔdi uuubo-nwu kemmo ka ni, ukyuli ɔni muute kusɛ kusɛ utulo ukyuli ɔni na béte kusɛ kusɛ mmɔ.

Yosua 8:33

Na Israelƒuɔ ku bana batɔnkune ku kabla bablane ku litemi batɛne ku baƒɔ bani ƒui nkya-ma akɔ benye Unwoti Bunyimi Adaka ɔmmɔ lɛƒɛnyi. Na bénwini anumi bátina Lewiƒuɔ bakpane bani nti Katɔti Bunyimi Adaka ɔmmɔ. Na bekyuli bammɔ kakɛ benye Garisim Kɔbi anumi, na kakɛ lɛnɔ benye Ebal Kɔbi anumi aani kalɛ na Unwoti kabla ɔblane Mose ɔ́su úse kalɛ na beti kusɛ kusɛ bete Israel kadi bekyuli.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.

Yohane 2 1:3

Na si bulie na litemi geen lɛmmɔ ku bɔyɔ kemmo ni, lɛƒɔndia ku kɔnyana bɔnu ku keyi buɛɛ kadubɔsiaku-bu ɔ́si Katɔti ɔni ndi bula Ɔti Ku Yesu Kristo ɔni ndi Katɔti Ubidi kudɔ.