Bumomo Bɔka 6:2 - Katɔti Ɔku Kedee

² “Kɔ lɛsa na asu Israelƒuɔ anini, ‘Si ɔnana ɔdi iye uleku ɔdi ɔɔyɔ́ ka use kenye kadi na kenye kammɔ kaatina ka ɔɔyɔ́ ka udie lɛlɔ lɛti sɛsɛɛ use ute Unwoti na bataalɔ-nwu banii, Nasareni ni,

Bumomo Bɔka 6:2 ပူးပေါင်းရင်းမြစ်များ

Israelƒuɔ Bɔlɛ 33:16

Na dɛ na ɔdubɔbla na bekyuli banu bati ka kaƒɔ kaayɔ́-ɔ na ƒula bekyuli lɛlɔ ku ami lɛnɔ si átatɔnku-bu? Si akya-bu akɔ ni, kayawi bekyuli ƒui badubɔnu kavumana kebendi na abu ku-ma ntɛ.”

Agba 18:1

Ukyuli ɔni muudie lɛlɔ lɛti ni, nwuna lɛla biala lɛ́ƒɔ-nwu anu. Na ngba ulu buni bamba biala kasusu na baakya-nwu ni, ulátunaku-mu munu munu!

Yeremia 35:6

Mmɔ na bédie kenye banini, “Oowo! Bula kɔdua ɔti kuuku ɔni ndi Rekab ubidi Yonadab úbo-bu ɔda ɔdi ɔnini, ‘Ɔdi utani ntɛ bɔdi kudii,’ na ɔdi ka bɔdi-mu lɛlɔ.

Lewiƒuɔ Ɔda Bubo 20:26

Bɛbla lɛlɔ kedee bite-mi, ɔsika ami Unwoti nse kedee na ami náƒuna-mii lɛ́lɛku kadi bamba bekyuli akɔ na líti-mii lɛ́bla mina bekyuli.

Lewiƒuɔ Ɔda Bubo 27:2

“Kɔ lɛsa na asu Israelƒuɔ anini, ‘Si ɔdi úti ukyuli úte Unwoti ɔkɛnku kenye kani na úse ɔsu ni, ɔkana ɔsɔ ɔƒɔ-nwu uye ku kayu kani námanku.

Bumomo Bɔka 30:3

“ ‘Si ugblebi ɔni na uli ɔti kaduli úse Unwoti kenye kadi iye ɔ́kpali ala ɔ́su lɛla lɛdi únyimi lɛlɔ na lɛla lɛdi lɛlɔ

Bumomo Bɔka 6:1

Amu na Unwoti ɔ́su Mose ɔnini,

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Batalane Kabla 18:18

Amu na Paulo úlie Korinto ɔma ɔmɛni kemmo emeyi pii. Na nwuna kama ni, ɔ́kada baƒɔtaadine bamɛni na anwu ku Akwila ku Priskila básia ntu anumi bésie Siria. Nsu asa na watɔlɔ ni, Paulo ɔ́ya na békpeyi-nwu lili na Kenkrea na Yudaƒuɔ ɔdi lɛlɔ ɔ́si kenye kani na úse ɔsu.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Korintoƒuɔ 2 6:16

Baƒiɔ ku kesii kani na Katɔti uulie ni, katamanku lɛlɔ. Anwuɔsu abu lɛnɔ bútamanku baƒiɔ, ɔsika abu ndi Katɔti ɔni neeekpi keliekɔ. Aani kalɛ na Katɔti ɔlati ɔ́su ɔnini, “Ndubɔkya-ma akɔ na lilieku-ma, na ndubɔbla bana Katɔti, na ama lɛnɔ babla mina bekyuli.”

Galatiƒuɔ 1:15

Nsu na Katɔti kɔnyana bɔnu ɔsu ni, ɔ́ƒuna-mi úte nwuna kabla asa na badubɔwɔ-mi. Ka uwi údu-nwu ni, údie Ubidi ɔmmɔ ɔ́tina-mi kalɛ na lɛkana na lɛkɔ-nwu lɛlɔ lɛsa na amii bani naaadi Yudaƒuɔ akɔ. Na ńtatádiku ɔdi kasusu na ɔmɛni lɛlɔ,

Hebriƒuɔ 7:27

Na uuuse aani bakpane benengudi babambadi bammɔ kalɛ bani nálɛ ka bataabla akpala na ama ku bekyuli bakladi lili taasia kama limeyi ndi limeyi. Mmomu kunwi kɔni na anwu úti lɛlɔ ɔ́kpa na bekyuli ƒui lili ni, ɔ́kpa kunwi pɛ kɔmmɔ kani na ɔ́sa.

Litemi Batɛne 13:14

Na anya ndi ka útalɛka ɔdi lɛla biala na bébulo iye ɔni ntɛ kpakplaa iye ntɛ bɔdi biala iye ɔdi adila ani muusé lɛlɔ biala. Na ɔlɛka ɔdi ɔda ɔni ƒui líbo-nwu lɛlɔ.”

Litemi Batɛne 13:4

Ɔƒɛni mɔɔsu-ɔ ka tani ntɛ kpakplaa iye ntɛ biala, na anu lɛnɔ ka atadi adila ani muusé lɛlɔ.

Litemi Batɛne 13:5

Ɔsika adubo kaƒɔ bɔda na adubɔwɔ ubi ɔnanabi. Na si áwɔ-nwu taya na bekpeyi-nwu lili kudii. Ɔsika ubiwɔ ɔmmɔ ɔdubo buse bute Unwoti lɛti. Na anwu ndubuse kalɔ uteekpo taaƒɔ Israelƒuɔ ɔlɛku Ƒilistiƒuɔ enu kemmo.”

Litemi Batɛne 16:17

Anwuɔsu ɔ́su Delila lɛla biala ɔnini, “Ɔ́si mina lɛwɔmeyi ni, béteti lɛla lɛdi bétekpeyi-mi linwini kudii. Ɔsika ndi Katɔti ukyuli ɔni na ɔ́ƒuna úte lɛlɔ.”

Samuel 1 1:28

Ɔmɛni ɔsu ni, líti-nwu muute Unwoti na unwini nwuna ɔdi nwuna ngba bulie uwi ƒui.” Na ɔmɛni kama ni, bákpa Unwoti na mmɔ.