Bumomo Bɔka 6:15 - Katɔti Ɔku Kedee

¹⁵ Na si ɔdubo ubabla akpala ammɔ ni, ɔlɛka uboku edula ebi ku nwuna lɛlɔ ntɛ akpala ku bodobodo kagyigyɛ ɔni kemmo na bɔnyii buuubo na bábla-nwu ku ɔlaaƒɔ ɔni nse sɛɛn na básala-nwu ku nnɔ ku bodobodo bɛbɛ ɔni na bésusu nnɔ nwuna lɛlɔ.

Bumomo Bɔka 6:15 ပူးပေါင်းရင်းမြစ်များ

Israelƒuɔ Bɔlɛ 29:2

Na eti edula ebi ɔlaaƒɔ buni ɔni na bɔnyii buuubo-nwu kemmo, na abla bodobodo unengudi ku ubliidi na asala-nwu ku nnɔ ku bodobodo bɛɛbɛɛ na esusu-nwu nnɔ.

Yesaia 62:9

Uwi ɔni na amii alati néti bina enu bɛ́bla bina edula mmo ni, bɛdubo bina adila bɔdi ku lɛlɔyɔ. Na ntɛ bɔni na bídie ni, bɛdubɔni-mu na mina kaduli ku ebiti na bɛgya-mi enu na mina kakpakɔ.”

Yoel 1:13

Biti adikpi bɛda bɛtina ka biiwulo kɔnyana na biteewulo, amii bakpane bani ndi Unwoti kenye benyene na bɛɛbla-nwu kabla na lɛkpabi lɛlɔ. Bɛtɛ adikpi ammɔ kemmo usien umodi amii bani muunye-nwu anumi taabla-nwu kabla, ɔsika etela lidu ku ntɛ etela ammɔ ƒui kenye kékulo na Unwoti kaduli.

Yoel 1:9

Edula ku ntɛ lɛkpa etela ƒui kenye kékulo na Unwoti kaduli. Na amii bakpane bani ndi Unwoti kenye benyene ƒui bíduo kɔnyana.

Yoel 2:14

Ami ndi Unwoti Katɔti na ɔƒɛni kalɛ ndubɔvumana mina kasusu na lɛnu-mii kɔnyana. Na kusɛ kusɛ ɔdubɔsiaku-mii na bɛkɛ edula pii ku ntɛ na biti bɛbla lɛkpa etela bite-mi.”

Lewiƒuɔ Ɔda Bubo 2:4

“ ‘Si ukyuli ɔdi úti edula ebi etela ani na béƒi bodobodo lɛyu kemmo ɔduboku-mi ni, ɔlɛka ɔnu ka ɔdi ɔlaaƒɔ sɛɛn ɔni na bɔnyii bɔdi buuubo-nwu kemmo. Na uti nnɔ ɔsala-nwu kemmo.

Lewiƒuɔ Ɔda Bubo 7:12

“ ‘Si ukyuli ɔmmɔ ɔnii ɔɔbla akpala ammɔ na adanku linugya ni, na ɔlɛka ubunku ɔlaaƒɔ ɔni na bánwu na béƒi-nwu aani bodobodo na bɔnyii buuubo-nwu kemmo, na ɔsala-nwu ku nnɔ, ku bodobodo uƒidi udu bamba ɔni nse bɛbɛɛbɛ kunu kunu na bésusu nnɔ nwuna lɛlɔ. Na edula ebi ɔlaaƒɔ ɔni na bánwu béƒi mɛni ni, banu ka bábaka-nwu kaduɛ ku ɔlaaƒɔ ɔni nse sɛɛn na básala-nwu ku nnɔ.

Lewiƒuɔ Ɔda Bubo 8:2

“Sie na etétiku Aaron ku nwuna bebi bananabi eboku ku lɛwu gyɔlɔɔ lɛni baakya mmɔ. Na eti likpose nnɔmii ku ɔmantɛ akɔ ɔgyani ɔni na badubuti bakyula babla likpidi lili buvele akpala ku baƒonu inyɔ. Na eti kagyigyɛ ku bodobodo ɔni kemmo na bɔnyii buuubo ada.

Lewiƒuɔ Ɔda Bubo 9:4

Na biti ɔmantɛ akɔ unengudi ku koƒonu kunengudi ku edula ebi akpala ani na básala ku nnɔ bɛbla akpala bite Unwoti, ɔsika ɔmwi limeyi lɛmɛni lɛlɔ ni, Unwoti ɔdubudie lɛlɔ ɔtina-mii.’ ”

Bumomo Bɔka 15:10

ku ntɛ lɛsii inyɔ na uti ɔbla bɔkyula akpala ammɔ na ɔnyi ƒɛƒɛɛ ɔmmɔ ɔyɔ Unwoti kaƒɔ.

Bumomo Bɔka 6:16

Na ɔkpane ɔmmɔ ɔdubuti ala ammɔ uboku Unwoti anumi mmɔ na uti ɔbla likpidi lili buvele akpala ku bɔkyula akpala ammɔ.

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Korintoƒuɔ 1 11:26

Ɔmɛni ɔɔtina ka uwi biala na bɛɛdi iye bɛɛní na ɔɔƒɛɛ ɔmɛni kemmo ni, biibó Blɔti kukpi kudu wetédu uwi ɔni na wasɔ webo.