Bumomo Bɔka 5:27 - Katɔti Ɔku Kedee

²⁷ Na si uleku ɔmmɔ úbile lɛlɔ na ɔ́lɛ ɔgyani kama ni, si báya na ɔ́ni ntu bɔni ndanku ewida mmɔ ni, ɔdubɔya na uteebo abi. Na ɔya na nwuna kaƒɔna keƒu na ɔsɔ ulakana kaƒɔ bɔda na ɔwɔ. Na ɔdubunwini ukyuli ɔni na ewida asiaku-nwu na nwuna badi akɔ.

Bumomo Bɔka 5:27 ပူးပေါင်းရင်းမြစ်များ

Kɔgya 109:18

Bekyuli buwida bɔdi-nwu udu na ɔkya aani awu. Ɔmmɔ ɔsu anwu ɔlati ewida eteekpoku-nwu aani kalɛ na ntu bɔɔƒɔ́ ukyuli adala ƒui. Na uduo-nwu ekubi kemmo aani kalɛ na nnɔmii buuduo ukyuli ɔlɔna kemmo.

Etemila 7:26

Lɛ́nu lɛ́ti ka uleku ukpidi ubo ɔdu utulo kukpi. Na úbimi enu ku kayi ƒui úse aani kakpagyuɛ ka uƒie ukyuli. Na ɔnana ɔni mɔɔdi Katɔti litemi lɛlɔ ni, ɔkana na ukeli-nwu. Nsu ukyuli ɔni na uládi-ni lɛlɔ ni, ɔdubo-nwu buƒie aani kakpagyuɛ na ɔyii udu kede kede.

Yesaia 65:15

Mina kabla bablane bammɔ badubɔkpali bina anyi bewida bekyuli banii badubɔnuku-ni aani bina kalɛ. Nsu ama ni, ndubute-ma anyi awɔdi.

Yeremia 24:9

Ndubo bɔya na ɔgbankpi bonwu ɔdi ubo-ma lɛlɔ na liti lɛni-ma kɔtu. Na lɛlɔ litaatɔ ukyuli biala menu lɛla lɛmmɔ ku lɛlɔ bɔtɔ ku bɔyia geen. Na ndubo Yudaƒuɔ lɛlɔ bunye na batɔlɔ beteesie kalɔ bamba lɛlɔ na kaƒɔ kesii kani na badubo-ma buteeyuda na beteedumi-ma lɛlɔ.

Yeremia 42:18

“Ami Unwoti néti kɔnyi lɛ́kya Yerusalemƒuɔ na lɛ́ni-ma kɔtu. Na si bísie Egyipte kalɔ lɛlɔ ni, ndubo kɔnyi buti bɔkya-mii na lɛni-mii kɔtu lɛni kani na bɛsɔ bɛɛɛdubo bina ɔma bɔnu limeyi lɛdi. Liƒu bonwu lɛdubo bekyuli bɔda na lɛla lɛni lɛ́bla ɔsu. Na badubo bina lɛnyi bɔlɔ aani ewida bakya bekyuli.”

Yeremia 44:12

Bina ɛlɛɛ bani kani nébu na Yuda na bɛ́lɛ ugyii ka biteesie Egyipte kalɔ lɛlɔ. Nsu ogya ogya kukpi na bɛdubo bukpi na kekpokɔ na kɔka lɛnɔ kɔdu-mii. Na bina lɛnyi na kɔlɔ bamba bekyuli badubo bɔkpali buwida bɔkya bekyuli.

Sakaria 8:13

Amii Yuda ku Israel kadi bekyuli, bínwini lɛla lɛni na beewida taakya kadi ƒui bekyuli banii ɔdubɔlɛku-ma aani amii. Nsu ndubɔƒɔ-mii na binwini kusɛ kusɛ bite-ma ɔƒɛni amu. Anwuɔsu bitayila bina lɛnunsia na enu aƒɛ-mii.

Bumomo Bɔka 5:20

Nsu si álɛ-nwu kama na ébile lɛlɔ ka awɔ ku ukyuli bamba bɛ́tɛ ɔsu ni,”

Bumomo Bɔka 5:28

Nsu si uleku ɔmmɔ útebile lɛlɔ na lɛla lɛdi lɛɛɛda-nwu ka use sɛɛn ɔsu ni, ɔdubɔkana na ɔwɔ bebi.

Romaƒuɔ 6:21

Na bi kɔsia na bɛ́kɛ bɛ́siku ala ani bɛ́bla bɛ́vi na eekpó-mii kɔƒa ɔƒɛni lɛlɔ? Ala ammɔ ƒui kɔsia ndi kukpi.

Korintoƒuɔ 2 2:16

Bekyuli bani naaadubo bɔkɛ ngba bɔƒɔ ni, ɔnyi ɔmɛni ɔɔtina ka badubɔyii ku udu. Na bekyuli bani ndubɔkɛ ngba bɔƒɔ ama ni, ɔnyi ɔmɛni ɔɔtina ka badubɔkɛ ngba ƒui. Na ɔma geen ndubɔkana na ɔbla kabla kamɛni si ɔɔɔdi kuƒi na béte-ɔ?

Lɛkpa Ulu 28:37

Unwoti ɔdubugyingya-mii ɔkya kɔlɔ kɔmmɔ ƒui lɛlɔ. Na ɔdubɔbla kɔlɔ kɔmmɔ bekyuli dɛye dɛye na beye banii bi ɔsu na ɔ́lɛku-mii lɛni. Na ɔmmɔ ɔsu badubɔma-mii.

Petro 2 2:10

Na bani geen na ɔdubɔni kɔtu utulo ndi bani na ɔlɔna ala aada-ma ɔkwɛ na balábu Katɔti munu munu. Bekyuli bamɛni ni, beesé kayi kekpidi muedi teedumi kayaa bayikune.