Bumomo Bɔka 4:15 - Katɔti Ɔku Kedee

¹⁵ “Ɔƒɛni si uwi ɔni na Aaron ku nwuna bebi bananabi báwɔlɔ ala buti teebi Kevo kammɔ, na báwɔlɔ ala kedee ammɔ ku kana kemmo ala ani nse kedee mmɔ ƒui ala bubi, na báwɔlɔ lɛlɔ bɔklibi ƒui ka bata ni, na Kehat bebi bananabi bani na ɔ́lɛka beti ala ammɔ bebo na bebeti-nya. Nsu bana ɔdi kɔnu kutetuku ala ani nse kedee mmɔ amu badubo bukpi. Kehatƒuɔ bammɔ beti ala ani nse Kevo Kasakɔ kemmo mmɔ.

Bumomo Bɔka 4:15 ပူးပေါင်းရင်းမြစ်များ

Samuel 2 15:24

Na uwi ɔmmɔ Sadok ku Lewiƒuɔ bammɔ ƒui bébunku-ma na béti Katɔti Bunyimi Adaka ɔmmɔ. Na béti Katɔti adaka ɔmmɔ bátálɛ kalɔ na Ɔkpane Abiatar ɔ́bla akpala útédu ka bekyuli lisu lɛmmɔ ƒui bávi báwɔlɔ.

Samuel 2 6:13

Ka bekyuli bani nti Bunyimi Adaka ɔmmɔ bédie lɛgba ɛku kani na Dawid ɔ́ya na bédi bénye. Mmɔ na úti ɔmantɛ akɔ ɔgyani ku ɔkɔdi ɔni nélie lɛmwi kaduɛ na úti ɔ́bla akpala úte Unwoti.

Baga 1 8:3

Na uwi ɔni na benengu bammɔ ƒui bábasa lisu ni, bakpane bammɔ bágyu Bunyimi Adaka ɔmmɔ bákɔliku katɔ,

Ala Alɛdi 1 15:15

Na béti Bunyimi Adaka ɔmmɔ básia ligyii lɛlɔ na bágyu básia amangba aani kalɛ na Mose ɔ́tina-ma ka babla.

Ala Alɛdi 1 15:2

Ɔmmɔ kama Dawid ɔ́su ɔnini, “Ukyuli biala útalɛka uti Katɔti Bunyimi Adaka ɔmɛni amu ntu Lewiƒuɔ kani, ɔsika ama na Unwoti ɔ́ƒuna ka beteeti Bunyimi Adaka ɔmmɔ. Na bataabla akpala na nwuna anumi uwi ƒui.”

Ala Alɛdi 1 23:26

Anwuɔsu ɔsɔ uuubo banii Lewiƒuɔ bammɔ basɔ beteeti Unwoti kevo kammɔ ku ala ani na beeti taabla akpala bɔkyula mmɔ taavinku ɔ́si kesii kadi usie kesii bamba.”

Israelƒuɔ Bɔlɛ 19:12

Tina-ma kesii kani na ɔdi biala ubo kuƒi ka unye udu na kɔbi kɔmmɔ kudɔ. Na asu-ma ka ukyuli biala ɔ́nu kaduɛ na utakɔ utebo kɔbi kɔmmɔ lili, iye ɔni ude-ku muedi. Na si ɔdi ɔ́bla unyeƒi na ɔ́via ɔmii ɔmmɔ ni, ɔlɛka badu-nwu.

Israelƒuɔ Bɔlɛ 19:21

Na Unwoti ɔ́su-nwu ɔnini, “Yu, na esie atásu bekyuli bammɔ ka batavia ɔmii ɔmmɔ betebo banii baawia Unwoti banu. Na si báyu atuɔkplu ni, bana ketulodikɔ badubo bukpi bɔyii udu.

Israelƒuɔ Bɔlɛ 27:7

Na eti ligyii lɛmmɔ akya kɔkwɛnimi kɔmmɔ kemmo na lɛkya lɛƒɛnyi lɛmmɔ si bágyu béti.

Lewiƒuɔ Ɔda Bubo 16:13

Na uti oloƒui ɔmmɔ uwi ogya ɔmmɔ lɛlɔ na Unwoti anumi mmɔ na uyɔ ɔmmɔ ɔdubɔƒɔ likpidi kɔtu bɔni budie libila lɛni na Bunyimi Adaka ɔmmɔ katɔ mmɔ ƒui suu na ɔbɛla libila lɛmmɔ kalɛ na ulekpi.

Bumomo Bɔka 1:50

mmomu ya na Lewi kaba bekyuli bammɔ bataabla Unwoti kakpakɔ kabla, na bataanu kakpakɔ kammɔ lɛla biala lɛlɔ. Na ama ndubuteeti Katɔti Adi Kevo kammɔ ku nwuna lɛlɔ ala ƒui. Na ama ndubo-ka lɛlɔ butaanu na bataagyumana-ka taamana.

Bumomo Bɔka 1:51

Anwuɔsu kesi kesii na baayɔ́ ka beti Adi Kevo kammɔ besienku uwi ɔdi iye balɛ-ka ni, Lewi kaba bekyuli bamɛni na ɔdi ka beti-ka iye balɛ-ka lɛnɔ. Na ukyuli bamba biala makpɛ mede kevo kammɔ ni, ɔlɛka badu-nwu.

Bumomo Bɔka 10:21

Ɔmmɔ kama Kehat kaba bekyuli bani nti Unwoti Adi Kevo kemmo ala kedee basia. Na ɔdi ka balɛ Unwoti Adi Kevo kammɔ asa na ama betédu mmɔ.

Bumomo Bɔka 18:3

Na Lewiƒuɔ bammɔ badubɔkya-a kalɔ na ama ndubɔbla kabla biala na Kevo mmɔ, na bana akɔ ɔdi biala na útamanku utani utede ala kedee ani na Kevo kemmo mmɔ ku lɛkpabi lɛmmɔ, si ɔɔɔdi lɛni amii ku-ma ƒui bɛdubo bukpi.

Bumomo Bɔka 3:38

Na Mose ku Aaron ku nwuna bebi ndubo ɔtɔ ɔmmɔ anumi kakɛ kesii kani nésie ɔƒɛ katukɔ kakɛ bulie. Na ama ndubo katɔma kedee kammɔ lɛlɔ butaanu na Israelƒuɔ bammɔ kenye. Na ukyuli bamba biala ɔni ndubɔni ude mmɔ ɔdi ka badu-nwu.

Bumomo Bɔka 4:14

Na beti anwabui ku akyami ani lɛlɔ kabla na baabla na lɛkpabi lɛmmɔ lɛlɔ basia-nwu lɛlɔ. Ala ammɔ adanku ogya kuwikɔ ku kɔvili kɔni na baatu lɛna ku alakpi kɔlɛkɛ ku akyami bonwu ani kemmo na baakya ntu teewi bekyuli. Beti bebuo lɛku bebi ala amɛni lɛlɔ benyimi na beti ligyii lɛni na beeti taagyu-nwu bakya-nwu lɛƒɛnyi.

Bumomo Bɔka 4:19

Kalɛ na belekpi si báni beedé ala ani na ese kedee ƒui mmɔ. Anwuɔsu ɔlɛka Aaron ku nwuna bebi beduo katɔma kammɔ kemmo na bele kabla kammɔ bete ɔdi biala ku ala ani na ɔlɛka beti. Ɔmmɔ na ɔlɛka bɛbla bite-ma.

Bumomo Bɔka 4:20

Nsu Kehat bebi bammɔ beeebo kuƒi ka beduo mmɔ na benye banu ala ani nse kedee mmɔ ina uwi klukwii ɔdi, si ɔɔɔdi lɛni badubukpi.”

Bumomo Bɔka 7:9

Nsu Mose útete Kehat bebi ama ɔdi, ɔsika bana kabla ndi ka beteeti ala ani nse kedee mmɔ taasia bana amangba.

Lɛkpa Ulu 31:9

Anwuɔsu Mose únweni ɔda bubo etemila ammɔ úse na úti-nya úte Israelƒuɔ benengu ku Lewiƒuɔ bakpane bani nti Katɔti Bunyimi Adaka.

Yosua 4:10

Na bakpane bani nti Unwoti Bunyimi Adaka mmɔ básɔ bénye Yordan Ketu ntɛ mmɔ úti útédu ka Yosua ɔbla ala ani ƒui na Unwoti úbo-nwu ɔda ka babla ku kalɛ na Mose lɛnɔ ɔ́su Yosua úse. Na Israelƒuɔ bammɔ bábabla na bávia Yordan Ketu.

Samuel 1 6:19

Nsu ka Bet-Semesƒuɔ bébimi Unwoti Bunyimi Adaka ɔmmɔ kemmo bánu ɔsu ni, Katɔti ɔ́ya na bana nkyuli liti ku aavlanyɔ békpi. Na béwulo kɔnyana geen na ɔgbankpi ɔni na Unwoti ɔ́ya na ɔ́siaku-ma ɔsu.