Bumomo Bɔka 34:2 - Katɔti Ɔku Kedee

² “Kɔ lɛsa na asu Israelƒuɔ anini, ‘Si bíduo Kanaan kalɔ lɛlɔ ni, kalɔ kani na ndubo-mii buti bute na biti bɛbla bina kadikɔ ni, lɛmii lɛmɛni ndubo-ka kemmo bɔkya.

Bumomo Bɔka 34:2 ပူးပေါင်းရင်းမြစ်များ

Ala Kalɔ Buse 10:19

na kalɔ kamɛni lɛmii lísie ɔgyu geen ɔ́si Sidon úti úsela Gerar laa útédu Gasa. Na ɔkɛ útádanku Sodom ku Gomora ku Adma ku Seboim. Na ɔ́via útálɛ Lasa.

Ala Kalɔ Buse 17:8

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Kɔgya 105:11

Ɔ́su ɔnini, “Amii na ndubuti Kanaan kalɔ ƒui lite na kana ƒui kenwini bina kadikɔ.”

Israelƒuɔ Bɔlɛ 23:31

“Na ndubo bɔya na bina lɛmii lise kalɔ lɛsiku Ɛpugyie kɔtu útédu Mediterenia Ɛpu kenye. Na ɔsɔ ɔsi ketele kemmo útédu Euƒrate Ketu kenye. Na ndubuti bekyuli bani nli kalɔ kammɔ kemmo lɛkya-mii enu kemmo, na bɛbɔku-ma bɛlɛku bina anumi.

Yeremia 3:19

“Ami ɔlati násu nnini, ‘Lɛ́yɔ ka lɛbla-mii mina bebi na lite-mii kalɔ kabunidikɔ ƒui kani mɔɔdia bɔnu teetulo na kalɔ kammɔ ƒui lɛlɔ.’ Na lɛ́yɔ ka bɛnu-mi bɛti na bɛlɔ-mii bɛnii Ati, na bɛsɔ bilatɔlɔ-mi kudɔ.

Esekiel 47:13

Unwoti Katɔti ɔ́su Israel kadi bekyuli ɔnini, “Si uwi ɔni na béle kalɔ kammɔ béte Israel adua leevu-anyɔ ammɔ ni, Yoseƒ kɔdua bekyuli badubɔƒɔ bule akpa anyɔ. Na ka éle kalɔ kammɔ likeke, ɔsika ami nése ƒula bati kukuuku kenye ka ndubuti kalɔ kamɛni lite bana. Na ndubɔtina-a kalɔ kammɔ lɛmii.

Bumomo Bɔka 34:1

Amu na Unwoti ɔ́su Mose ɔnini,

Batalane Kabla 17:26

Údie bayawine ƒui ɔ́siku ukyuli unwi lɛlɔ ɔnii bulie aani ubugya unwi bebi na kayawi ƒui lɛlɔ. Anwu ɔlati nése uwi ku kadikɔ úse úte ɔdi biala.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Eƒesoƒuɔ 1:14

Katɔti Kɔyu kɔmɛni na úti únyene kama úte ala ani ƒui na bɔdubɔkɛ wetédu uwi ɔni na wawɔlɔ anwu badi bɔƒɔ. Ɔmɛni ɔdubɔya na bemwi nwuna lɛnyi bonwu lɛmmɔ.

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Yosua 11:23

Ɔmmɔ ɔsu Yosua úkpo ɔ́di kɔlɔ kɔmmɔ ƒui lɛlɔ aani kalɛ kani na Unwoti úbo Mose ɔda. Na Yosua úle kɔlɔ kɔmmɔ úte Israelƒuɔ na bana kaba kenye. Na kɔlɔ kɔmmɔ kúnwini bana kɔdikɔ. Na ɔmmɔ kama ni, Israelƒuɔ bánwuna na básɔ bétekpoku bekyuli badi.

Yosua 13:1

Ɔƒɛni Yosua ɔ́ɔbi geen na nwuna akwa lɛnɔ éesie anumi geen. Amu na Unwoti ɔ́su Yosua ɔnini, “Áabi lɛlɔ na ƒula akwa lɛnɔ éesie anumi, nsu kɔlɔ kɔdi kɔmu kɔkya ɔni na ɔlɛka ekpo na eti-ku.

Yosua 21:43

Anwuɔsu Unwoti úti kɔlɔ kɔni ƒui na úse kenye ka weti wete Israelƒuɔ bati kuuku úte Israelƒuɔ na bételie-ka kemmo.