Bumomo Bɔka 33:55 - Katɔti Ɔku Kedee

⁵⁵ “ ‘Na si bíni na bítagya-ma bítalɛku ni, badubunwini kugyiikɛ bakya-mii anumi na benwini atula alɛ-mii lɛƒɛnyi. Na badubo-mii buteekpoku na kalɔ kammɔ kemmo.

Bumomo Bɔka 33:55 ပူးပေါင်းရင်းမြစ်များ

Israelƒuɔ Bɔlɛ 23:33

Bitete kuƒi na bekyuli bammɔ belie-mii kudɔ, si ɔɔɔdi lɛni ni, badubo bɔya na bɛbla likpidi na mina anumi, ɔsika si bɛ́kpa bana baƒiɔ ni, ɔdubunwini kakpagyuɛ na kedie-mii.”

Esekiel 28:24

Na su uwi ɔni na ala amɛni álɛ ni, Israel badukɛne basɔ balabla bekyuli bekpidi bani ndubukpoku-ma na ɔbla-ma aani si liyu alakpi akɔ na bakya. Na Israelƒuɔ badubo bɔnu bɔti ka ami Unwoti Katɔti nábla ala amɛni.’ ”

Bumomo Bɔka 33:56

Na lɛla lɛni na nka ndubo-ma bɔbla ni, amii mmomu na ndubo-ni buti bɔbla.’ ”

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.

Lɛkpa Ulu 7:16

Si Unwoti Katɔti úbunku-mii na bíkpo bɛ́di bina bekisine lɛlɔ ni, bɛnu ka bɛ́yila lɛla biala udu. Na bitanu ukyuli biala kɔnyana. Na bɛnu kaduɛ kalɛ na ɔdi uleduo bukpoku taanu bɔdi kemmo na ɔkpa bana baƒiɔ bammɔ badi.

Lɛkpa Ulu 7:4

Na si bɛ́ya na bábla lɛni ni, bekyuli bammɔ badubɔkpanku bina bebi na batátaakpa baƒiɔ na benwini kama bakya bana Unwoti. Na ɔmɛni ɔdubɔya na Katɔti uti kɔnyi ɔkya-mii na ɔyila-mii udu kɔnakunwi.

Yosua 23:7

Biteti lɛlɔ bitasala ku kadi bamba bekyuli bani nkya mmɔ akɔ, na bitakpali bana baƒiɔ bani na baakpa anyi, na bitese kenye kadi na bana baƒiɔ bammɔ badi kudɔ na bitakpa-ma iye bitalɛ-ma akɔnkɔ kalɔ.

Litemi Batɛne 2:3

Anwuɔsu mɔɔsu-mii nnii lɛɛɛdubo bekyuli bamɛni bɔbɔku bute-mii ɔni na bíti bísela anumi mɛni. Na bekyuli bammɔ badubo bunwini liyu bete-mii na bataatu-mii lɛƒɛnyi. Na bana baƒiɔ badubo bunwini kɔkpagyuɛ kuteedie-mii.”