Bumomo Bɔka 31:47 - Katɔti Ɔku Kedee

⁴⁷ na kakɛ kani nésie Israelƒuɔ kudɔ ni, Mose údie ukyuli unwi ku ebuo unwi ɔ́lɛku liti biala kemmo na úti úte Unwoti aani kalɛ na Unwoti úbo-nwu ɔda. Na úti bekyuli ku bebuo bammɔ úte Lewiƒuɔ bani mɔɔbla kabla na Unwoti Adi Kevo kemmo.

Bumomo Bɔka 31:47 ပူးပေါင်းရင်းမြစ်များ

Kɔgya 134:1

Amii Unwoti kabla bablane, bɛtu kɔgya bimwi Unwoti. Na amii bani mɔɔkpá-nwu na nwuna ɔtɔ kemmo usien ni,

Israelƒuɔ Bɔlɛ 12:28

Amu na bátɔlɔ bésie bana kɔduli na bátábla lɛla lɛni na Mose ku Aaron básu-ma aani kalɛ na Unwoti úbo-ma ɔda.

Bumomo Bɔka 1:53

Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”

Bumomo Bɔka 31:30

Na lɛkpa lɛni lɛdi kadi bekyuli bammɔ ɔdi ni, bedie unwi na liti biala na báka na ala ammɔ ɔdi biala kemmo na badi bekyuli ku ɔmantɛ bakɔ ku bebuo ala betine ku baƒonu ku bese iye bebuo bamba. Na biti-ma bite Lewiƒuɔ bani mɔɔbla kabla na Unwoti Adi Kevo Kemmo mmɔ.”

Bumomo Bɔka 31:46

bekyuli mpim leevu-ɛku (16,000),

Bumomo Bɔka 31:48

Amu na bekpone batɔnkune bani mɔɔtɔnku bekpone esu enengudi ku ebliidi bésie Mose kudɔ

Yosua 9:27

Nsu ɔ́ya na Gibeonƒuɔ bammɔ bénwini Israelƒuɔ kabla bablane na baayɔ́ ekyweni na beesié ketu teete-ma ku kesii biala na Katɔti ɔsia kɔnu ka bataakpa-nwu. Ɔmmɔ ndi-ma kabla úti úbedu ɔmwi.