Bumomo Bɔka 30:12 - Katɔti Ɔku Kedee

¹² Nsu si ɔgyani únu linyese lɛmmɔ ku ala ani na ɔ́kpali únyimi lɛlɔ mmɔ na úni-nya úte-nwu ni, úbile kenye kammɔ na Unwoti lɛnɔ ulasia-nya kɔnu.

Bumomo Bɔka 30:12 ပူးပေါင်းရင်းမြစ်များ

Yeremia 44:17

Astarot ɔni ndi kayaa uleku ɔga baƒiɔ na abu búse kenye ka bɔdubɔkpa. Na ɔmmɔ geen na bɔdubo bɔbla. Bɔdubo oloƒui bɔkyula bute-nwu na buwi ntɛ kalɔ bɔkpa-nwu kalɛ kani na bula bati kuuku ku baga ku bula batɔnkune bábla uwi ɔni na bɔ́kya Yerusalem ku Yuda lɛma bamba kemmo. Lɛni na bɔ́bla na adila ákya-bu kaduɛ uwi ɔmmɔ na ala ádianku-bu na likpidi lɛdi lítalɛku-bu kudii.

Yeremia 44:19

Amu na beleku bammɔ lɛnɔ básu banini, “Bɔ́kya Yuda na bútaakpa Kayaa Uleku Ɔga na buteeti ntɛ ku bodobodo sɛsɛɛ ɔdi udu na béƒi-nwu na nwuna udu kenye taakpa teete-nwu. Na bula bagya lɛnɔ bagyi ɔmɛni na bátunaku-bu lɛnɔ.”

Bumomo Bɔka 15:25

Ɔmmɔ kama ɔkpane ɔdubɔbla akpala ute bana likpidi kɔtu bɔni budie na kadi bekyuli bammɔ ƒui lili na badubuti bakyiɛ-ma, ɔsika bátati asa na bábla-ni, na ɔmmɔ ɔsu béboku etela ka bakyula bete Unwoti ku likpidi lili buvele akpala.

Bumomo Bɔka 15:28

Na ɔkpane ɔlɛka ɔbla akpala ute Unwoti úte ukyuli ɔni na tati tati ɔsu na ɔ́bla likpidi lɛmmɔ na Unwoti ɔdubuti ɔkyiɛ-nwu.

Bumomo Bɔka 30:11

na ɔgyani únu kenye kani na úse mmɔ nsu útasu-nwu lɛla lɛdi iye ubulo ute-nwu ni, na kenye kani na úse mmɔ ku ala ani ndanku-nya adububo-nwu kemmo.

Bumomo Bɔka 30:13

Na ɔgyani ubo kenyekɔ biala na ubile linyese lɛmmɔ kemmo iye ɔsia-ni kɔnu.

Bumomo Bɔka 30:5

Nsu si ɔti úbulo lɛla lɛmmɔ úte-nwu ni, ugblebi ɔmmɔ linyese iye ala bɔkpali bulebo-nwu kemmo bulete-nwu lɛni na Unwoti lɛnɔ ulásia-nya kɔnu, ɔsika ɔti úbulo lɛla lɛmmɔ úte-nwu.

Bumomo Bɔka 30:8

Nsu si uwi ɔni na ɔgyani únu ala amɛni na úbulo úte-nwu ni, úbile linyese ku ala ani na ɔ́kpali únyimi lɛlɔ mmɔ ƒui kemmo na Unwoti lɛnɔ ɔsɔ ulasia-nya kɔnu.

Korintoƒuɔ 1 11:3

Nsu mɔɔwia ka binu kalɔ nwaa ka ni, Kristo ɔdi ukyuli biala lili. Na ɔgya lɛnɔ ɔdi uleku lili. Na Katɔti ndi Kristo lili.

Samuel 1 1:23

Amu na Elkana údie kenye ɔnini, “Ɔdia, awɔ ngyi lɛla lɛbuni lɛni na ɔlɛka bɔbla. Anwuɔsu bɛsɔ bɛkya kama na ada-nwu kaduɛ utédu ka úkulo lɛnyi. Mmomu buuvele bɔnii Katɔti ɔdi nwuna litemi lɛlɔ na ɔnamu ɔmmɔ lɛlɔ.” Ɔmmɔ ɔsu Hana ɔ́sɔ ɔ́kya kama na ɔ́nu ɔnamu ɔmmɔ lɛlɔ útédu ka úkulo lɛnyi.