Bumomo Bɔka 3:46 - Katɔti Ɔku Kedee

⁴⁶ Ka Lewiƒuɔ bamɛni bumomo bútedu Israelƒuɔ bebi bananabi bedeedi eti alɔ ku aavlanyɔ-ɛtɛ (273) bani návia Lewiƒuɔ bammɔ bumomo na bédu na baƒɔ bana ƒui lili ngba ɔsu ni,

Bumomo Bɔka 3:46 ပူးပေါင်းရင်းမြစ်များ

Israelƒuɔ Bɔlɛ 13:13

Na ebuo ala utine ubi udeedi ɔgyani ni, ti koƒonu ubi ɔgyani ɔkɔdi ƒɔ-nwu lili kayu na edie-nwu ngba. Si ɔɔɔdi lɛni ni, ɔdi na aƒɛ-nwu limɔ. Na bebi bananabi bedeedi lɛnɔ ni, ɔlɛka eti koƒonu kɔkɔdi kɔgyani aƒɔ-nwu lili kayu na edie-nwu ngba.

Israelƒuɔ Bɔlɛ 13:15

Na bɛsu-ma bɛnii, ‘Uwi ɔni na Ɔga Ƒarao ɔ́yu kayi ɔkplu na ɔnii ulatuna na Israelƒuɔ batɔlɔ ni, Unwoti ɔ́du ɔnanabi udeedi ku ebuo ubi ɔgyani udeedi biala na báwɔ na Egyipte kalɔ lɛlɔ. Ɔmɛni ɔsu na buuti bula bebuo bebi bagyani bedeedi taakpa teete Unwoti. Na buuti baƒonu bagyani bakɔdi taaƒɔ́ bula bebi bananabi bedeedi lili kayu teedie-ma ngba.’