Bumomo Bɔka 29:7 - Katɔti Ɔku Kedee

⁷ “ ‘Na limeyi leevudi na kɔbuli maatɛdi lɛlɔ ni, bɛsala Israelƒuɔ ƒui na bɛsa bɔsa kedee na mina lɛnyi lɛlɔ. Na bikisi lɛlɔ na bitabla kabla kadi limeyi lɛmmɔ lɛlɔ.

Bumomo Bɔka 29:7 ပူးပေါင်းရင်းမြစ်များ

Esra 8:21

Amu uwi ɔni na búdu Ahawa Ketu kudɔ ni, mmɔ na líbo ɔda na ɔ́ya na búnyimi kenye kalɛ na buboku lɛlɔ kalɔ na Katɔti anumi na buvele-nwu ka ɔgyumana abu ku bula bebi ku bula ala ani ƒui na bɔdanku kalɛ na bula ulu busie bɔbla buɛɛ.

Kɔgya 35:13

Nsu uwi ɔni na ama beeƒi ni, línyimi kenye na líti kɔnyana adala lɛ́da na lɛ́kpali katɔ lívele líte-ma. Nsu mina buvele ƒui bɔ́sɔ búnwini búbo-mi lɛgba akɔ.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Mateo 5:4

Lɛlɔ litaayɔ bekyuli bani muuwulo kɔnyana. Katɔti ɔdubɔsia-ma kɔnu.

Luka 13:3

Oowo, ɔɔɔdi lɛni kudii! Nsu bɔsu nda-mii nnii si bítada bina ala ekpidi bɔbla bítaya ni, lɛni kani na amii lɛnɔ bɛdubo bukpi.

Luka 13:5

Oowo, ɔɔɔdi lɛni kudii! Mɔɔsu-mii ka si bítavumana udu ni, lɛni kani na bina ƒui bɛdubo bukpi aani ama kalɛ.”

Batalane Kabla 27:9

Amu ka bɔ́ɔdi emeyi pii na bula ulu busie bɔmɛni kemmo ɔsu ni, Kɔka Bulie Uwi ɔ́vi. Na ntu lɛlɔ bɔvi na uwi ɔmɛni kemmo ɔdubo ɔkplu bɔyu. Ɔmɛni ɔsu na Paulo ɔ́lɛ-ma ɔnini,

Romaƒuɔ 6:6

Na bɔgyi ka bula udu ɔkukudi ɔmmɔ ku Kristo na bákana bámana ugyii lɛlɔ kalɛ na likyulikpi lɛyii udu na bula lɛlɔ, na bula ɔlɔna ɔsɔ ulenye ulátaabla likpidi kabla.

Korintoƒuɔ 1 9:27

Lɛ́ya na lɛvu lɛma-mi kalɛ na mina ɔlɔna ɔkana na ɔƒɔ lɛbibo biala. Ɔsika si lɛ́kɔ litemi buni lɛmɛni lɛsa líte bekyuli bamba na búbasa bɔnii bɔɔkɔ́ku lɛlɔ ni, naaawia ka bada-mi bedie na lɛyuƒɔla lɛmmɔ kenye!