Bumomo Bɔka 29:39 - Katɔti Ɔku Kedee

³⁹ “ ‘Bɛbla akpala bɔkyula amɛni ku edula ebi akpala ku ntɛ akpala ku unwi bɔbla akpala amɛni bite Unwoti na emeyi bɔdi ani na bédie bése lɛlɔ úbunku bina kenye kani bíse ku bina kaƒɔ ƒaa etela.’ ”

Bumomo Bɔka 29:39 ပူးပေါင်းရင်းမြစ်များ

Ala Alɛdi 1 23:31

Na Lɛnwunameyi biala lɛlɔ lɛnɔ si bábla akpala bɔkyula béte Unwoti ni, ɔdi ka bagya Unwoti enu na bedie lɛnu bemwi-nwu. Na lɛni kani ɔdubuse na kɔbuli kɔwɔdi bɔlɛ kemmo ku emeyi buni biala bɔdi kemmo lɛnɔ. Anwuɔsu ɔlɛka Lewiƒuɔ bammɔ bemomo na kakpakɔ mmɔ uwi biala kalɛ na ala ani ƒui na ɔdi ka babla ni, banu ka bábla-nya lɛni kani.

Ala Alɛdi 2 31:14

Na Imna ubidi Kore na báƒuna ka utaanu ɔban kenye kani nkya késie ɔƒɛ katukɔ kakɛ. Na anwu kani mɔɔƒɔ́ kaƒɔ ƒaa etela ani na bekyuli beeboku Katɔti na uule-nya teete bakpane ku Lewiƒuɔ bammɔ.

Ala Alɛdi 2 31:3

Hesekia úte bebuo ɔ́siku nwuna bebuo akɔ bani na badubuti bataabla akpala na ɔtanta ku useyi uwi ku lɛnwunameyi biala ku emeyi buni bɔdi kemmo ku kɔbuli kɔwɔdi bɔlɛ limeyi bɔdi ku emeyi buni bamba ani na Katɔti ɔda bubo bɔmmɔ bɔɔtina kalɛ.

Esra 3:4

Na kalɛ na bénweni bákya ɔda bubo ɔku kemmo ni, bádi Kevo Kemmo Bulie Emeyi, na bábla bɔkyula akpala bumomo bɔni na bénweni bése béte limeyi biala.

Esra 3:5

Ɔmmɔ kama ni, bábla bɔkyula akpala ku kɔbuli kɔwɔdi akpala ku akpala ani na ese ete Unwoti emeyi bɔdi. Na básɔ bábla akpala bamba ani ndi kaƒɔ ƒaa etela ani na bekyuli bammɔ béboku.

Nehemia 10:33

Na bɔdubo buteete ala ani badubuti bakpa, na anya ndi bodobodo kedee ku edula ebi ani badubuti bataakpa limeyi ndi limeyi ku bebuo bani badubuti babla bɔkyula akpala limeyi ndi limeyi ku akpala ani badubutaawia lɛnwuna limeyi biala ku kɔbuli kɔwɔdi limeyi bɔdi ku emeyi adi mene bɔdi lɛnɔ. Na bɔdubuteete ala ani beetí baabla akpala kedee ku akpala ani meedie Israelƒuɔ ekpidi ku lɛla biala na kakpakɔ kammɔ kadubɔwia.

Yesaia 1:14

Muukisi kɔbuli kɔwɔdi bɔlɛ ku bina emeyi buni ani bɛɛdi ku bina akpala ƒui na naaawia-nya naaanu, ɔsika énwini-mi etila na lɛ́ɛnɔ-nya buti.

Lewiƒuɔ Ɔda Bubo 23:2

“Kɔ lɛsa na asu Israelƒuɔ anini, ‘Unwoti emeyi ani na údie úse ka Israelƒuɔ badubo butaasa ndi amɛni.

Lewiƒuɔ Ɔda Bubo 23:28

Na ɔdi biala utabla kabla kadi, ɔsika limeyi lɛmmɔ lɛdi Likpidi Kɔtu Bɔni Budie Limeyi lɛni na báƒɔ bina lili likpidi kayu biala na bina Unwoti Katɔti anumi.

Lewiƒuɔ Ɔda Bubo 23:38

Na emeyi bɔdi bɔmmɔ kemmo biti bina lɛnwuna emeyi bɔdi ku bina etela akpala ku bina kenye kani bise Unwoti ku bina kayi ƒaa etela bɛda bibunku.

Lewiƒuɔ Ɔda Bubo 7:11

“ ‘Ɔƒɛni mɔɔwia ka enu ɔda bubo bɔni lɛlɔ na badubɔsia na babla unwi bɔbla akpala ani na badubuti beboku Unwoti anumi.

Amos 5:22

Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Bumomo Bɔka 28:2

“Bo ɔda te Israelƒuɔ anini, ‘Bitaabla akpala teete-mi na uwi ɔni líse-mii lɛlɔ limeyi ndi limeyi. Na akpala ammɔ uyɔ ɔnyi ƒɛƒɛɛ ɔyɔ-mi kaƒɔ.’

Bumomo Bɔka 29:38

Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

Bumomo Bɔka 29:40

Na Mose ɔ́kɔ lɛsa ɔ́su Israelƒuɔ ala ani ƒui na Unwoti úbo-nwu ɔda.

Bumomo Bɔka 6:21

“ ‘Ɔmmɔ ndi ɔda bubo ute Nasareni ɔni nédie lɛlɔ lɛti na ɔ́bla lɛlɔ sɛsɛɛ kede úte Unwoti na úbo uudie lɛlɔ, nsu ɔkana na ute ala bamba utulo amɛni ƒaa na nwuna ɔyikun kenye.’ ”

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Lɛkpa Ulu 12:6

Na mmɔ na bɛdubuti bina akpala akyuladi ku akpala bamba ku bina etela ku bina akɛla lɛkpa leevudi ku etela ani bíse kenye ka bɛdubute Unwoti ku bina kaƒɔ ƒaa etela ku bina ɔmantɛ bakɔ ku baƒonu ku bese bebi bedeedi biboku na bɛkpa bite-nwu.