Bumomo Bɔka 28:3 - Katɔti Ɔku Kedee

³ “Na akpala amɛni na ɔlɛka biteeti taabla limeyi ndi limeyi akpala teete ami Unwoti. Bɛwia baƒonu bagyani inyɔ bani náakɛ lɛkwa linwi limeyi ndi limeyi na bɔsɔ bɔdi buuubo-ma lɛlɔ.

Bumomo Bɔka 28:3 ပူးပေါင်းရင်းမြစ်များ

Ala Alɛdi 1 16:40

Na bataabla akpala ɔtanta biala ku useyi uwi biala aani kalɛ na ɔkya ɔda bubo bɔni na Unwoti úte Israelƒuɔ kemmo.

Ala Alɛdi 2 8:13

Na ɔ́bla akpala amɛni ɔ́siaku kalɛ na Mose únweni úse ka babla ute akpala bɔkyula na lɛnwunameyi lɛlɔ ku kɔbuli biala limeyi lideedi lɛlɔ ku Bodobodo Ɔni Néteƒu Limeyi ku Edula Bɔƒɛ Limeyi bɔdi lɛlɔ ku Kevo Kemmo Bulie Emeyi bɔdi kemmo.

Esra 3:5

Ɔmmɔ kama ni, bábla bɔkyula akpala ku kɔbuli kɔwɔdi akpala ku akpala ani na ese ete Unwoti emeyi bɔdi. Na básɔ bábla akpala bamba ani ndi kaƒɔ ƒaa etela ani na bekyuli bammɔ béboku.

Daniel 11:31

“Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Daniel 8:11

Úwi kayaa bekpone bammɔ anumi kalɔ, na údie ɔbu ƒui na bana ɔtɔnkune ɔgabi ɔmmɔ lɛlɔ, na úwi-nwu anumi kalɔ na uwi ɔni na útile-nwu kuƒi na nwuna limeyi ndi limeyi akpala bɔbla lɛlɔ. Na geen ni, lɛla lɛmɛni kanukɔ kátadia bɔnu munu munu. Na úbile kakpakɔ kammɔ ekisila ƒui, na kásɔ kátamanku ka bataabla lɛkpa geen lɛmmɔ, na ɔ́kɛ kuƒi na ɔ́bla lɛla biala na ɔɔyɔ́ na mmɔ.

Daniel 8:13

Amu na Katɔti batu kedee bammɔ akɔ unwi úye nwuna ɔkpana ɔnini, “Limeyi lɛmani na kuƒi kɔdubɔsɔ kɔtɛ na bataabla limeyi ndi limeyi akpala ammɔ? Na kalɛ na kebweyi kamɛni káta kénye ayabi amɛni lɛlɔ kpakplaa na ɔɔda liƒu mɛni ni, uwi ɔmani na kadubɔda-ma lɛlɔ bɔkɔ taanya teesusu-ma lɛgba taakya lɛti akɔ bɔya?”

Lewiƒuɔ Ɔda Bubo 3:5

Na Aaron bebi bananabi bammɔ badubuti basia ekyweni ani mɔɔda mmɔ lɛlɔ na ɔkywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 6:9

“Bo Aaron ku nwuna bebi bananabi ɔda anini, ‘Ulu ɔni na ndubo-ma bɔtina mɛni ndi ulu ɔni lɛlɔ na badubo bɔsia butaabla akpala bɔkyula ƒui ɔdi ɔmmɔ. Na muubó-ma ɔda geen na ɔmɛni lɛlɔ, ka akpala ani na baakyula mmɔ ni, ɔlɛka ataasia lɛkpabi lɛmmɔ lɛlɔ usien umodi útálɛ ɔtanta. Na útalɛ ka ogya ɔmmɔ uni.

Amos 4:4

“Na kalɛ na bina kayi kaatina-mii si bɛɛyɔ́ ni, bisie Betel ku Gilgal na bɛbla bina ekpidi bɛsia kama kɔlɛ kɔlɛ na mmɔ. Na kadi biala megye na ɔmmɔ kama na bitábla bina akpala. Na emeyi atɛ biala kama na bitéte bina akɛla lɛkpa leevudi.

Bumomo Bɔka 28:10

Na bɔkyula akpala amɛni na badubo butaabla lɛnwunameyi biala lɛlɔ úti úbunku limeyi ndi limeyi bɔkyula akpala ku ntɛ akpala ani badubo butaabla lɛlɔ.

Bumomo Bɔka 28:15

Uti ubunku limeyi ndi limeyi akpala ku ntɛ bɔni badubo butaawia. Na beti ese babla likpidi lili buvele akpala bete Unwoti.

Bumomo Bɔka 28:23

Na bɛbla ɔmɛni bibunku ɔtanta bɔkyula akpala ani badubo butaabla lɛlɔ.

Bumomo Bɔka 28:24

Na lɛni badubo adila ani bebeti bataabla bɔkyula akpala limeyi biala na emeyi maatɛ ammɔ ƒui kemmo. Na uyɔ ɔmmɔ ɔnyi ƒɛƒɛɛ ɔyɔ Unwoti kaƒɔ. Na ɔlɛka banwa adila ammɔ bebunku bɔkyula akpala ku ntɛ akpala ani baayɔ́ bɔbla lɛlɔ.

Bumomo Bɔka 28:31

Bitaabla ala amɛni ku ana lɛlɔ ntɛ akpala úbunku limeyi ndi limeyi akpala bɔkyula ku edula ebi akpala ammɔ lɛlɔ. Na bɛnu ka bebuo bani biiti teeboku ɔdi útasɔ.’ ”

Bumomo Bɔka 28:4

Na bɛdu unwi ɔtanta na bɛdu unyɔdi useyi uwi.

Bumomo Bɔka 29:11

Na biti ketukpa kenwi bɛbla likpidi lili buvele akpala úte likpidi kɔtu bɔni budie úbunku limeyi ndi limeyi akpala ku ana edula ebi akpala ku ntɛ akpala.

Bumomo Bɔka 29:16

Na biti ketukpa kenwi bɛbla likpidi lili buvele akpala. Na bɛdubo akpala amɛni bɔbla bubunku bɔkyula akpala ku edula ebi akpala ku ntɛ akpala ani bɛɛbla limeyi ndi limeyi.

Bumomo Bɔka 29:6

Na bɛdubo akpala amɛni bɔbla bubunku abuli ku emeyi edula ebi akpala ku ntɛ akpala ani bɛɛbla aani kalɛ libo-mii ɔda ḿbavi. Na uyɔ ɔmmɔ ɔnyi ƒɛƒɛɛ ɔyɔ Unwoti kaƒɔ.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Hebriƒuɔ 9:6

Lɛni na bábla ala amɛni bése mmɔ. Na bakpane béteeduo ɔtɔ udeedi kemmo mɛni buduo buduo taatábla bana bakpane kabla.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.