Bumomo Bɔka 28:2 - Katɔti Ɔku Kedee

² “Bo ɔda te Israelƒuɔ anini, ‘Bitaabla akpala teete-mi na uwi ɔni líse-mii lɛlɔ limeyi ndi limeyi. Na akpala ammɔ uyɔ ɔnyi ƒɛƒɛɛ ɔyɔ-mi kaƒɔ.’

Bumomo Bɔka 28:2 ပူးပေါင်းရင်းမြစ်များ

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Ala Alɛdi 1 23:31

Na Lɛnwunameyi biala lɛlɔ lɛnɔ si bábla akpala bɔkyula béte Unwoti ni, ɔdi ka bagya Unwoti enu na bedie lɛnu bemwi-nwu. Na lɛni kani ɔdubuse na kɔbuli kɔwɔdi bɔlɛ kemmo ku emeyi buni biala bɔdi kemmo lɛnɔ. Anwuɔsu ɔlɛka Lewiƒuɔ bammɔ bemomo na kakpakɔ mmɔ uwi biala kalɛ na ala ani ƒui na ɔdi ka babla ni, banu ka bábla-nya lɛni kani.

Ala Alɛdi 2 23:18

Amu na Yehoiada úle kabla úte bakpane ku Lewiƒuɔ bammɔ na kakpakɔ kemmo mmɔ kalɛ kani na Dawid ɔ́bla. Na mɔɔnu akpala bɔbla teete Unwoti ti kabla lɛlɔ aani kalɛ na Mose ɔda bubo bɔɔtina. Na ama kani na ɔlɛka batɔnku bɔkpa bɔmmɔ ablala ƒui ku lɛnɔ budie.

Ala Alɛdi 2 31:3

Hesekia úte bebuo ɔ́siku nwuna bebuo akɔ bani na badubuti bataabla akpala na ɔtanta ku useyi uwi ku lɛnwunameyi biala ku emeyi buni bɔdi kemmo ku kɔbuli kɔwɔdi bɔlɛ limeyi bɔdi ku emeyi buni bamba ani na Katɔti ɔda bubo bɔmmɔ bɔɔtina kalɛ.

Esra 3:2

Amu na Yosadak ubidi Yesua ku nwuna bakpane ku Sealtiel ku nwuna bekyuli badi bése kalɔ baatú Israelƒuɔ Katɔti lɛkpabi lɛni lɛlɔ badubo akpala butaakyula aani kalɛ na bénweni bákya Mose ɔni ndi Katɔti ukyuli ɔda bubo ɔku kemmo.

Esra 3:3

Ina ka bákya bátaayia bekyuli bani nkya-ma amadɔ mmɔ ni, básɔku lɛkpabi lɛmmɔ bátu na nina ɔka ɔkukudi lɛlɔ, na baabla ɔtanta ku useyi uwi akpala teete Unwoti.

Nehemia 10:34

Na abu ku bakpane ku Lewiƒuɔ bɔdubutaatu egulabi teenwini lɛkwa biala teeti taawia kaba kani ɔlɛka bawia ekyweni ani badubuti bɔbla bɔkyula akpala teeti teete bula Unwoti Katɔti aani kalɛ na ɔda bubo bɔmmɔ bɔɔsu.

Kɔgya 81:3

Bɛvwi lise na bɛdi limeyi ka kɔbuli kɔwɔdi kɔ́lɛ. Na bɛbla lɛni kani si kɔbuli kúdi libi.

Israelƒuɔ Bɔlɛ 23:15

“Bɛdi Bodobodo Ɔni Néteƒu Limeyi emeyi maatɛ. Na bɔnyii butakya bodobodo ɔmmɔ kemmo aani kalɛ na líbo-mii ɔda. Na bɛdi limeyi lɛmmɔ na Abib kɔbuli kɔni kemmo lɛ́lɛ ugyii lite-mi kemmo, ɔsika kuna kemmo na bɛ́tɔlɔ Egyipte kalɔ lɛlɔ. “Ɔdi biala utebenye-mi anumi ku enukplu.

Israelƒuɔ Bɔlɛ 29:18

Na akyula koƒonu kɔmmɔ ƒui na lɛkpabi lɛmmɔ lɛlɔ na ɔdubɔbla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ.

Esekiel 16:19

Líte-ɔ ɔlaaƒɔ ɔbuni ku nnɔ ku uwɔ, nsu ala amɛni ƒui na eeti taakpa teete baƒiɔ bammɔ taakya-ma ebiti. Ami Unwoti Katɔti nnye mɔɔnu uwi ɔni na aabla ala amɛni ƒui.

Esekiel 20:41

Na uwi ɔni na ndubo-mii bɔkpanku bɔsiku kesii kani na bígyingya bɛkya liboku ɔma ni, bina ala adubɔda-mi kubiti na bina ala ani na bɛdubo bɔkyula bute-mi ɔnyi lɛnɔ ɔdubɔbla-mi ƒɛƒɛɛ. Na kadi biala bekyuli badubɔnu ka nsi kedee.

Esekiel 45:17

Nsu kɔbuli kɔwɔdi bɔlɛ emeyi bɔdi ku Lɛnwunameyi ku emeyi kedee bamba bɔdi ni, amii batɔnkune bammɔ na ɔlɛka bite bebuo bani na badubuti babla akpala ammɔ. Na amii kani ndubute kamu ku antabi udu biala ku ntɛ bɔni na badubuti babla akpala ammɔ. Na ala amɛni ƒui na badubuti babla adila bɔsia lɛkpabi lɛlɔ teete-mi ku ekpidi lili buvele ku unwi bɔbla akpala ku kalɛ na bevele kusɛ kusɛ basiku-mi kudɔ. Na ɔmɛni ɔdubɔyɔ-mi kaƒɔ na liti mina bekyuli ekpidi lɛkyiɛ-ma.”

Lewiƒuɔ Ɔda Bubo 1:13

Na agyobi ku kaƒɔ ala ammɔ ni, ɔdubuti-nya ɔkya ntu kemmo na ɔƒɔ kaduɛ. Na bakpane bammɔ beti ana ƒui basia ogya na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 1:17

Na ɔda-nwu avwi na ɔni-nwu kemmo ɔbwɛ, nsu utamamiku lɛlɔ, na uti-nwu ɔsia ogya ku ekyweni ammɔ lɛlɔ na ɔkywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.’

Lewiƒuɔ Ɔda Bubo 1:9

Na ukyuli ɔmmɔ ɔdubuti kaƒɔ ala ammɔ ku agyobi ɔkya ntu kemmo na ɔƒɔ kaduɛ na beti basia ogya ɔmmɔ lɛlɔ na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 21:6

Ɔlɛka babla lɛlɔ kedee bete Katɔti na balabla lɛla lɛdi belebile bana Katɔti lɛnyi, ɔsika ama muuti akpala ani na bákyula teete Unwoti ani ndi Katɔti adila. Anwuɔsu ɔlɛka babla kedee.

Lewiƒuɔ Ɔda Bubo 21:8

Ɔlɛka bekyuli banu bakpane ka badi bekyuli kedee, ɔsika ama muuti bina Katɔti adila teete-nwu. Biti-ma ka badi bekyuli kedee, ɔsika ami Unwoti ɔni nédie-mii líse sɛsɛɛ ka bise kedee nse kedee.

Lewiƒuɔ Ɔda Bubo 3:11

Na ɔkpane ɔdubuti ala amɛni kakɛ kadi ɔkyula na lɛkpabi lɛlɔ. Na ɔmmɔ ɔdubɔbla ogya akpala bɔkyula ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ aani kalɛ na lɛdila liimó ukyuli.

Malakai 1:12

“Nsu amii bakpane muedi muudumi-mi taasu bɛnini, ‘Bulánu lɛla lɛni náƒɔ kuye na Unwoti lɛkpabi lɛmmɔ lɛlɔ, na akpala ammɔ lɛnɔ eesé-bu lɛlɔ!’

Malakai 1:7

“Biidumi-mi na ɔni na biiti adila ani nátamanku taabasia mina lɛkpabi lɛlɔ ɔsu. “Nsu biiye bɛnini, ‘Bi na bɔ́bla na útamanku ƒula lɛkpabi?’ “Bɛɛbla ɔmɛni na ɔni na bilanu lɛkpabi lɛmmɔ taakya lɛla lɛdi kemmo.

Bumomo Bɔka 15:24

na kadi kammɔ ƒui bátadi-mu lɛlɔ na tati tati ɔsu ni, ɔlɛka bawia akɔ na beti babla bɔkyula akpala na ɔnyi ƒɛƒɛɛ ɔmmɔ ɔyɔ Unwoti kaƒɔ ku nwuna lɛlɔ edula ebi ku ntɛ akpala, aani kalɛ na bényimi bése, ku ketukpa na beti babla likpidi lili buvele akpala.

Bumomo Bɔka 15:3

na ɔdi ɔɔyɔ́ ka uti ebuo ɔdi ɔsiku nwuna bebuo lidu akɔ ɔbla bɔkyula akpala ƒɛƒɛɛ ani mɔɔyɔ́ ami Unwoti kaƒɔ, iye kenye kadi na úse na ɔnii ɔɔbla akpala iye kayi ƒaa akpala iye akpala ani ndanku emeyi bɔdi ni,

Bumomo Bɔka 15:7

ku ntɛ ɔsii bonwu unwi ku kakɛ aani ntɛ akpala. Na uti-nya ɔbla akpala ɔnyi ƒɛƒɛɛ ɔni mɔɔyɔ́ Unwoti kaƒɔ.

Bumomo Bɔka 28:1

Amu na Unwoti ɔ́su Mose ɔnini,

Bumomo Bɔka 29:39

“ ‘Bɛbla akpala bɔkyula amɛni ku edula ebi akpala ku ntɛ akpala ku unwi bɔbla akpala amɛni bite Unwoti na emeyi bɔdi ani na bédie bése lɛlɔ úbunku bina kenye kani bíse ku bina kaƒɔ ƒaa etela.’ ”

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Bumomo Bɔka 9:7

na básu Mose banini, “Ka bula ukyuli ɔdi úkpi ɔsu ni, bɔ́nu ka buuuse sɛɛn, nsu bi ɔsu na abu bulakana bula akpala buti busienku Unwoti ku bula bakpana na limeyi lɛni na básu bése mmɔ lɛlɔ?”

Korintoƒuɔ 2 2:15

Buse bute Katɔti aani ɔnyi ƒɛƒɛɛ ɔni nási Kristo lɛlɔ. Na ɔkɛ ɔɔví bekyuli bani nkɛ ulu buni lɛlɔ bésela ngba bɔƒɔ ƒui kemmo ku ama bani nkɛ ulu ukpidi lɛlɔ bésela bɔyii ƒui kemmo lɛnɔ.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.