Na Lɛnwunameyi biala lɛlɔ lɛnɔ si bábla akpala bɔkyula béte Unwoti ni, ɔdi ka bagya Unwoti enu na bedie lɛnu bemwi-nwu. Na lɛni kani ɔdubuse na kɔbuli kɔwɔdi bɔlɛ kemmo ku emeyi buni biala bɔdi kemmo lɛnɔ. Anwuɔsu ɔlɛka Lewiƒuɔ bammɔ bemomo na kakpakɔ mmɔ uwi biala kalɛ na ala ani ƒui na ɔdi ka babla ni, banu ka bábla-nya lɛni kani.
Bumomo Bɔka 28:1
17 ပူးပေါင်းရင်းမြစ်များ
Nnye mɔɔtú kakpakɔ lite Unwoti Katɔti kesii kani na bekyuli bataakpa-nwu. Na badubɔkyula oloƒui ƒɛƒɛɛ na mmɔ na beti bodobodo ɔni nse kedee lɛnɔ bete-nwu na mmɔ. Na bekyuli bani nébo babakpa-nwu badubuti bana akpala beboku-nwu na mmɔ ɔtanta biala ku useyi uwi biala ku Lɛnwunameyi biala ku kɔbuli biala limeyi lideedi lɛlɔ ku Katɔti emeyi buni aƒunadi biala bɔdi lɛlɔ. Na badubo ɔmɛni ƒui butaabla uwi ƒui aani kalɛ na Unwoti ɔda bubo bɔmmɔ bɔ́tina pɛpɛɛpɛ.
Na bɔdubo buteete ala ani badubuti bakpa, na anya ndi bodobodo kedee ku edula ebi ani badubuti bataakpa limeyi ndi limeyi ku bebuo bani badubuti babla bɔkyula akpala limeyi ndi limeyi ku akpala ani badubutaawia lɛnwuna limeyi biala ku kɔbuli kɔwɔdi limeyi bɔdi ku emeyi adi mene bɔdi lɛnɔ. Na bɔdubuteete ala ani beetí baabla akpala kedee ku akpala ani meedie Israelƒuɔ ekpidi ku lɛla biala na kakpakɔ kammɔ kadubɔwia.
Bɛsɔ biteboku-mi akpala ani neeebo kɔsia kɔdi! Bina oloƒui ɔni bɛɛkyula ƒui uusé-mi. Na bina emeyi buni ani bɛɛdi ƒui átamanku-mi. Kɔbuli kɔwɔdi bɔlɛ ku lɛnwunameyi ku emeyi aƒunadi ani na biilie kɔka ku bina emeyi buni ani bɛɛsála lɛlɔ taadi ƒui adi likpidi ku ɔkɔ ala sɔɔn. Nsɔ naaawia-mii naaablaku lɛla lɛdi.
Nsu kɔbuli kɔwɔdi bɔlɛ emeyi bɔdi ku Lɛnwunameyi ku emeyi kedee bamba bɔdi ni, amii batɔnkune bammɔ na ɔlɛka bite bebuo bani na badubuti babla akpala ammɔ. Na amii kani ndubute kamu ku antabi udu biala ku ntɛ bɔni na badubuti babla akpala ammɔ. Na ala amɛni ƒui na badubuti babla adila bɔsia lɛkpabi lɛlɔ teete-mi ku ekpidi lili buvele ku unwi bɔbla akpala ku kalɛ na bevele kusɛ kusɛ basiku-mi kudɔ. Na ɔmɛni ɔdubɔyɔ-mi kaƒɔ na liti mina bekyuli ekpidi lɛkyiɛ-ma.”
“Na emeyi bamba biala bɔdi kemmo ni, ɔdi ka antabi akyami leevu na beti bebunku ɔmantɛ akɔ ɔmmɔ. Na beti akyami leevu ammɔ kani bebunku koƒonu kɔgyani akpala lɛnɔ. Nsu bekyuli bani nébo bababla akpala ammɔ bakana na beti antabi akyami ani na baayɔ́ bebunku baƒonu bakɔdi bammɔ ɔdi biala anwu lɛlɔ. Na beti nnɔ lɛsii ine bebunku antabi akyami leevu biala lɛlɔ.
ကြော်ငြာတွေ