Bumomo Bɔka 27:18 - Katɔti Ɔku Kedee

¹⁸ Ɔmɛni ɔsu Unwoti ɔ́su Mose ɔnini, “Ti Nun ubidi Yosua, ukyuli ɔni na mina kɔyu kɔ́ƒɔ-nwu lɛlɔ kemmo, na eti ƒula kɔnu asia-nwu lɛlɔ.

Bumomo Bɔka 27:18 ပူးပေါင်းရင်းမြစ်များ

Ala Kalɔ Buse 41:38

Anwuɔsu Ƒarao úye benengu bammɔ ɔnini, “Wɛ na bɔdubɔkɛ ukyuli bamba ɔdi aani Yoseƒ ɔmɛni kalɛ ɔni na Unwoti Katɔti Kɔyu kɔ́ƒɔ-nwu lɛlɔ kemmo lɛni?”

Ala Alɛdi 1 7:27

Nun ɔni náwɔ Yosua.

Israelƒuɔ Bɔlɛ 17:9

Amu na Mose ɔ́su Yosua ɔnini, “Tiku banana badi na bitékpoku Amalekƒuɔ. Ndubɔkɔ lisie nténye kɔbi kɔmmɔ lili kɔnaadi na liti Katɔti ugyii ɔdadi ɔmmɔ lɛda.”

Daniel 5:14

Muunú ka baƒiɔ béte-ɔ ɔyikun sɛsɛɛ ɔdi ɔni náya na áda anu na agyi lɛla geen.

Bumomo Bɔka 11:17

Na si bébenye mmɔ ni, ndubɔyu bubo-mii kudɔ na lɛtɛmiku-mii. Na mmɔ ni, ndubɔya na mina kɔyu kɔni nkya-a kemmo kɔdi kɔlɛ na liti ku lɛkya bana kemmo ɔdi. Na ama ndubo-ɔ kebunku buteete. Na betiku-ɔ bekyuli bammɔ etila. Kalɛ na asɔ eleti etila ammɔ awɔ lɛti.

Bumomo Bɔka 13:16

Banana bamɛni na Mose ɔ́tala ɔnii batánu kalɔ kammɔ. Na Mose násia Nun ubidi Hosea lɛnyi Yosua.

Bumomo Bɔka 13:8

Eƒraim kaba kemmo ukyuli ndi Nun ubidi Hosea.

Bumomo Bɔka 27:23

Na bana anumi mmɔ na úti kɔnu ɔ́sia-nwu lɛlɔ na úse-nwu nwuna kenye unyene aani kalɛ na Unwoti úbo-nwu ɔda.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Batalane Kabla 13:3

Ɔmɛni ɔsu ka benengu bammɔ bélie kɔka na bákpali katɔ na bana lili ni, béti enu básia-ma lɛlɔ na bédie-ma ulu.

Batalane Kabla 19:6

Na uwi ɔni na Paulo úti enu ɔ́sia-ma lɛlɔ ni, Katɔti Kɔyu kɔ́ƒɔ-ma lɛlɔ kemmo ƒui, na bésie kalɔ ku adi lidu lidu butemi na bédie Blɔti ala kenye.

Batalane Kabla 6:3

Na ɔƒaani ni, banwa, bɛnu bɛmana na bidie nkyuli maatɛ bani náda anu na Katɔti Kɔyu kɔ́ƒɔ-ma lɛlɔ kemmo ƒui. Na bɔdubuti-ma buse kabla kamɛni kenye kalɛ na abu bɔkɛ uwi bute Katɔti bɔkpali ku litemi buni bɔsu ku ala bɔtina.”

Batalane Kabla 6:6

Nkyuli maatɛ bamɛni na bédie bátina batalane bamɛni. Na ama lɛnɔ bákpali katɔ na bana lili. Na béti enu básia-ma lɛlɔ bévele keyi buɛɛ béte-ma.

Lɛkpa Ulu 1:37

Na ami Mose lɛnɔ mɔɔsu-mii nnii ɔ́si amii ɔsu na Katɔti úti kɔnyi ɔ́kya-mi na ɔ́su-mi ɔnini, “Ina awɔ Mose muedi ni, ƒula ɔgba ɔɔɔdubo kalɔ kammɔ bɔnya.

Lɛkpa Ulu 3:21

Ɔmmɔ kama líbo Yosua ɔda nnini, “Awɔ ɔlati, ánu ku ƒula anumi lɛla lɛni na Katɔti ɔ́bla Ɔga Sihon ku Ɔga Og. Lɛni kani na Katɔti ɔdubɔbla ɔga biala ɔni na wata wenye-mii lɛlɔ.

Lɛkpa Ulu 3:28

Mmomu lɔ Yosua na ebo-nwu ɔda na bekyuli bammɔ anumi na akya-nwu ogya, ɔsika kalɔ kani na ánu mmɔ ni, anwu ndubɔkpanku bekyuli bammɔ ɔvia Yordan Ketu na betéti mmɔ babla bana kadikɔ.”

Lɛkpa Ulu 31:14

Amu na Unwoti ɔ́su Mose ɔnini, “Ƒula kukpi uwi úudu. Anwuɔsu lɔ Yosua na bibenye kɔdi ɔtɔ ɔmɛni anumi na lɛtina-nwu lɛla lɛni na ɔlɛka ɔbla.” Anwuɔsu Mose ku Yosua bálɛ bébenye kɔdi ɔtɔ ɔmmɔ anumi.

Lɛkpa Ulu 31:23

Amu na Unwoti ɔ́su Yosua ɔni ndi Nun ubidi ɔnini, “Nye kpakplaa na akya ɔkplu. Ɔsika awɔ ndubo Israelƒuɔ bamɛni bɔkpanku busienku kalɔ kani lɛ́su líse ka meti mete-ma lɛlɔ. Na ndubulieku-ɔ.”

Lɛkpa Ulu 31:3

Na bina Unwoti ɔlati ɔdubɔtɔnku-mii na bɛvia bisie Yordan Ketu ɔvi. Na bina Unwoti Katɔti ɔdubɔgyu bɔtɔ na ɔyila lɛma lɛni nkya-mii anumi udu, na biti bana kɔlɔ kɔmmɔ. Na Yosua ndubɔtɔnku-mii aani kalɛ na Unwoti ɔ́su úse.

Lɛkpa Ulu 34:9

Na asa na Mose wekpi ni, úti nwuna enu ɔ́sia Yosua lili na ɔ́kpali katɔ, na Unwoti úte Yosua lɛnunda kɔyu. Anwuɔsu Israelƒuɔ béti ɔbu béte Yosua na beenú-nwu litemi na baadi ɔda bubo bɔni na Unwoti úti úte-ma lɛlɔ ɔkɛnku Mose lɛlɔ.

Timoteo 1 4:14

Na Katɔti Kɔyu kemmo kabla etela ani na úti ɔ́kya-a lɛlɔ kemmo ɔkɛnku nwuna kenye bediene ku baƒɔtaadine benengu bani néti enu básia-a lɛlɔ ni, tada-nya taya.

Timoteo 1 5:22

Wi lɛlɔ buɛɛ na tababla eti enu asia ɔdi lɛlɔ na ese-nwu likpo ete Katɔti kabla. Na tenye ekpidi bablane kama, mmomu da lɛlɔ sɛɛn.

Hebriƒuɔ 6:2

Na adanku lɛla lɛni ɔsu na beeti ntu taabla ntu bɔkpila ɔdi ku enu lili bɔsia ku kalɛ na bekpine badubɔsɔ bata balɛ bekpine akɔ ku Katɔti litemi lɛni na ɔdubɔtɛku-bu na ɔsɔ ulavumana-ni kudii lɛlɔ.

Yosua 1:17

Na kalɛ kani na búnu Mose litemi ni, lɛni kani na bɔdubunu ƒula litemi lɛnɔ. Na buuvele bɔnii ƒula Unwoti Katɔti ulieku-ɔ aani kalɛ kani na úlieku Mose.

Litemi Batɛne 11:29

Mmɔ na Unwoti Kɔyu kɔ́ƒɔ Yeƒta kemmo na ɔ́ta na úsie Gilead ku Manase, na ɔ́vi úsie Gilead-Mispe. Na ka ɔ́si Gilead-Mispe ni, útáda ɔ́lɛ Amonƒuɔ lɛlɔ.

Litemi Batɛne 3:10

Na Unwoti Kɔyu kɔ́ƒɔ Otniel ɔmɛni lɛlɔ kemmo, anwuɔsu úbenwini Israelƒuɔ litemi ɔtɛne, na ɔ́tɔnku-ma na bétekpoku Kusan-Resataim ɔni ndi Aramƒuɔ ɔga. Na Unwoti ɔ́nyonu ɔga ɔmmɔ ɔ́kya Otniel enu kemmo, na ɔ́ya na bádi-nwu lɛlɔ.

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”