Bumomo Bɔka 26:55 - Katɔti Ɔku Kedee

⁵⁵ Na Unwoti ɔ́su-nwu ka ɔtu egulabi ɔnu uti ule kalɔ kammɔ ute-ma. Na kakɛ biala ndubusie kaba kadi kudɔ ɔdanku kalɛ kaba kammɔ anyi bunweni buse kenye.

Bumomo Bɔka 26:55 ပူးပေါင်းရင်းမြစ်များ

Agba 16:33

Adubɔkana na ebo egulabi akɔliku katɔ, nsu Unwoti mɔɔtina ɔƒɛnyi ɔni lɛlɔ na ɔdubo bɔyu.

Agba 18:18

Baakana na baatu egulabi taanu na bayikune inyɔ bani mɔɔkya unyeƒi ɔdi lɛlɔ na unyeƒi ɔsa.

Esekiel 47:22

Kadubo Israelƒuɔ kadi bunwini ku baƒɔ bani ƒui nkya-ma kudɔ na báwɔ béte Israelƒuɔ. Ɔdi ka banu baƒɔ bamɛni aani Israelƒuɔ bebi na bada-ma lɛni kani na bele kalɔ kammɔ

Bumomo Bɔka 26:56

Kadikɔ biala ndubuse kaba biala kudɔ ɔlɛka ɔbla egulabi bɔtu kenye. Bani mmomo ku bani neeemomo lɛni na ɔlɛka ɔlɛ.

Bumomo Bɔka 33:54

Bɛtu egulabi na bɛnu kalɔ kammɔ bule. Na kaba kani bekyuli mmomo ni, bite-ma kadikɔ na kemomo. Na bani nse blii suɛ ni, bite ama lɛnɔ blii suɛ. Na lɛla lɛni nédu ɔdi biala na kalɛ na bɛ́tu egulabi ammɔ bɛ́nu kenye ni, mmɔ ndubɔbla bana kadikɔ. Na si atu egulabi ammɔ kesii kani nésie kaba biala kakɛ ni, ti-ka ute kaba kammɔ. Na ele-ka na kaba bati bammɔ kenye.

Bumomo Bɔka 34:13

Ɔmmɔ ɔsu Mose úbo Israelƒuɔ ɔda ɔnini, “Bɛtu egulabi bɛnu kalɔ kammɔ bule na bile-ka lɛni kani bite kaba yaalenwi ku kakɛ bekyuli bammɔ,

Bumomo Bɔka 36:2

“Uwi ɔni na Unwoti úbo-mii ɔda ɔnii bɛtu egulabi na bile kalɔ kammɔ bite Israelƒuɔ ni, ɔ́su kpakplaa ka beti bula ɔnwani Seloƒehad kadikɔ bete nwuna bebi belekubi.

Batalane Kabla 1:26

Na ka bátu egulabi bánu na nkyuli inyɔ bamɛni lɛlɔ ni, Matia ɔdi nénwini úwi na béti-nwu bébunku nkyuli leevu-unwi bammɔ.

Yosua 11:23

Ɔmmɔ ɔsu Yosua úkpo ɔ́di kɔlɔ kɔmmɔ ƒui lɛlɔ aani kalɛ kani na Unwoti úbo Mose ɔda. Na Yosua úle kɔlɔ kɔmmɔ úte Israelƒuɔ na bana kaba kenye. Na kɔlɔ kɔmmɔ kúnwini bana kɔdikɔ. Na ɔmmɔ kama ni, Israelƒuɔ bánwuna na básɔ bétekpoku bekyuli badi.

Yosua 14:2

Na bátu egulabi bánu kalɛ na badubuti bele kɔlɔ kɔmmɔ bete-ma aani kalɛ na Unwoti úbo Mose ɔda ɔnii ule kɔlɔ kammɔ ute Israelƒuɔ kaba yaalenwi ku kakɛ kani nébu.

Yosua 17:14

Amu na Yoseƒ kaba bekyuli bébo Yosua kudɔ na béye-nwu banini, “Bi ɔsu na kadikɔ kenwi pɛ kani na éte-bu? Nsu bumomo na Unwoti lɛnɔ úte-bu kusɛ kusɛ.”

Yosua 18:6

Na ɔ́su-ma ɔnini, “Si béle-ka bɛ́wɔlɔ na binweni kalɛ bíle kalɔ kammɔ akpa maatɛ lɛlɔ kɔtɛ bɛsia kakunkɛ lɛlɔ na biti biboku-mi. Na ndubɔtu egulabi na liye bula Unwoti Katɔti kasusu lite-mii.

Yosua 19:1

Ka Yosua ɔ́sɔ ɔ́tu egulabi kunyɔdi ɔ́nu ni, Simeon kaba ɔdi nálɛ. Na bana kalɔ kakya Yuda kaba ɔdi akɔ.

Yosua 19:10

Kalɔ katɛdi ka Yosua ɔtu egulabi ni, kese Sebulon kaba lɛlɔ. Na kalɔ kani béti béte-ma késie kétédu Sarid.

Yosua 19:17

Kalɔ kenedi ka Yosua ɔ́sɔ ɔ́tu egulabi ɔ́nu ni, késie Isakar kaba lɛlɔ.

Yosua 19:24

Kalɔ kalɔndi ni, Yosua ka ɔtu egulabi ni, késie Aser kaba lɛlɔ.

Yosua 19:32

Kalɔ kakundi ni, Yosua ɔ́tu egulabi ɔ́nu na késie Naƒtali kaba lɛlɔ.

Yosua 19:40

Kalɔ maatɛdi ni, ka Yosua ɔtu egulabi ni, késie Dan kaba lɛlɔ.