Na Salum ɔni ɔti ndi Kore ɔni ɔti ndi Ebiasaƒ ɔni ɔti ndi Kora ku nwuna banwani bani na bási Kora ɔtɔ ɔmmɔ kemmo mɔɔnu Katɔti kakpakɔ kammɔ kayakun lɛlɔ aani kalɛ na bana bati bátaagyumana Unwoti Adi Kevo kayakun kammɔ.
Etemila abuni sɔɔn néyi-mi lili kemmo na ndubudie keyi na lɛtu kɔgya lite ɔga ɔmmɔ. Na mina unyemi na ndubuti lɛbla aani unwenigyii ɔni na ɔkutine ɔbuni ɔdi ɔda uunweni ala teese.
Ɔmmɔ ɔsu bákpɛ bálɛ Kora ku Datan ku Abiram nvo kudɔ. Uwi ɔmmɔ ni, Datan ku Abiram ku bana beleku ku bana bebi ku bawɔ bálɛ bénye bana nvo kɔyakun kenye.
Mmɔ na ɔ́su Kora ku nwuna bekyuli bani nsiaku-nwu kama ɔnini, “Kɔnaadi ɔtanta ni, Unwoti ɔdubɔtina ukyuli ɔni ndi nwuna ɔdi na use kedee, na ɔdubɔya na ukyuli ɔmmɔ ɔni ude-nwu. Na ukyuli ɔni na ɔ́ƒuna mmɔ ni, Unwoti ɔlati ɔdubɔya na ɔni ude-nwu.
Binyimo lɛla lɛni na Unwoti ɔ́bla Datan ku Abiram bani ndi Eliab bebi bani nási Ruben kɔdua kemmo. Na bina ƒui anumi ni, Unwoti ɔ́ya na kalɔ kébimi kenye na kébweli-ma ku bana kaduli bekyuli ku bana adi kevo kani bátu ku bana bebuo ƒui.
Kuƒi kuuubo ka badu bawɔne na likpidi lɛni na bana bebi bábla ɔsu, na batadu bebi na likpidi lɛni na bana bawɔne bábla ɔsu. Mmomu ɔdi biala ɔ́manku ka badu-nwu na anwu ɔlati likpidi lɛni na ɔ́bla ɔsu.
