Bumomo Bɔka 25:3 - Katɔti Ɔku Kedee

³ Anwuɔsu Israelƒuɔ béti lɛlɔ bébunku Moabƒuɔ na baakpá baƒiɔ bani baalɔ banii Baal-Peor. Ɔmmɔ ɔ́ya na Unwoti úti kɔnyi kati kati ɔ́kya-ma.

Bumomo Bɔka 25:3 ပူးပေါင်းရင်းမြစ်များ

Kɔgya 90:11

Ɔma ngyi kalɛ udu na awɔ Katɔti áani ukyuli kɔtu teetédu si éti kɔnyi? Lɛni ɔsu na liƒu bonwu lɛɛda-bu si livo liiƒí-ɔ.

Yeremia 17:4

Bina kalɔ kani na líte-mii kadubɔlɛ-mii enu na líti-mii lɛbla bekyuli bamba kabla bablane na kaƒɔ, ɔsika bɛ́ya na mina kɔnyi kɔ́kɔ geen aani kalɛ na ogya ɔɔda na ukyuli ɔdi ulakana bunine.

Hosea 4:14

“Na lɛɛɛdubo-ma kɔtu bɔni na ɔmɛni ɔsu, ɔsika amii alati kakpakɔ bayalɛ bɔmmɔ kama na bɛsia, na amii ku-ma bɛɛsála taabla akpala teete baƒiɔ. Na ɔmmɔ geen na lɛsugba lɛmɛni lɛɛtina lɛnini, ‘Bɔyii na bekyuli bani na beeebo kasusu badubo bɔyii ku udu.’

Hosea 9:10

Unwoti ɔnini, “Bɔnu na lɛ́nu amii Israelƒuɔ lídie aani kɔdingyii ebi na kalɔ kakwiidi kadi kemmo, na lɛ́nu bina bati kuuku aani kɔnwingyie ebi edeedi ani náka bɔnwu. Nsu Baal-Peor baƒiɔ bani muusé lɛlɔ na bísie bɛɛkpá. Anwuɔsu na amii lɛnɔ biisé lɛlɔ aani baƒiɔ bani na bɛɛyɔ́ mmɔ kalɛ.

Bumomo Bɔka 25:5

Anwuɔsu Mose ɔ́su Israelƒuɔ litemi batɛne ɔnini, “Bina akɔ ukyuli biala ɔdu nwuna lɛlɔ bekyuli bani ndi banana bani néti lɛlɔ bákya Baal-Peor lɛƒiɔkpa kemmo.”

Bumomo Bɔka 31:16

Ɔɔɔdi beleku bamɛni násiaku Bileam kasusu kama na Peor? Na ɔmɛni ɔ́ya na Israelƒuɔ báta bénye Unwoti ɔda bubo lɛlɔ na ɔlɛ úbasiaku Unwoti bebi?

Yosua 22:17

Binyimo lɛla lɛni nálɛku-bu na Peor ɔkɛnku likpidi lɛni bɔ́bla ɔsu. Unwoti ɔ́ya na ɔlɛ ukpidi ɔdi úbeduo-bu akɔ. Na úti úbedu ɔmwi kadi bɔɔmu bɔkya buubo abi ɔ́si ɔlɛ ɔmmɔ ɔsu. Na buuye-mii si ukpidi ɔmmɔ útemo-mii tɔ?

Litemi Batɛne 2:11

Uwi ɔmmɔ na Israelƒuɔ bábla likpidi na Unwoti anumi, na bésie bakya baakpá Baal baƒiɔ lidu lidu.

Litemi Batɛne 2:13

ɔsika béni Unwoti na bésie baabla kabla teete Baal ku Astarot baƒiɔ.

Litemi Batɛne 2:14

Na ɔkɛnku kɔnyi kati kati kɔni na Unwoti úti ɔ́kya Israelƒuɔ ɔsu ni, ɔ́nyonu-ma ɔ́kya bana bekisine enu kemmo na bébekpoku-ma na béti bana ala. Na ɔ́ya na bana bekisine bani nkya amadɔ mmɔ ƒui békpo bádi-ma lɛlɔ, na basɔ balakana na babla lɛla lɛdi.

Litemi Batɛne 2:20

Anwuɔsu úti kɔnyi geen ɔ́kya Israelƒuɔ na ɔ́su ɔnini, “Ka kaba kamɛni báta bénye-mi lɛlɔ na baládi mina lɛla lɛni na línyimi líte bana bati kuuku lɛlɔ na belenu-mi litemi ɔsu ni,