Bumomo Bɔka 25:13 - Katɔti Ɔku Kedee

¹³ Na nwuna bekyuli ndubo bakpane kabla bɔbla usela uwi ƒui. Ɔsika úkpo kɔgyulo úte-mi na ɔkɛnku ɔmmɔ ɔsu ɔ́ya na líti likpidi lɛni bekyuli bammɔ babla lɛkyiɛ-ma.”

Bumomo Bɔka 25:13 ပူးပေါင်းရင်းမြစ်များ

Samuel 2 21:3

Amu na Dawid úye Gibeonƒuɔ bamɛni ɔnini, “Bi na bɛɛyɔ́ ka lɛbla lite-mii? Na dɛ na ndubɔyala-mii kaƒɔ na ɔmɛni kemmo kalɛ na Unwoti kusɛ kusɛ ɔsiaku nwuna bekyuli?”

Baga 1 19:10

Amu na Elia údie kenye ɔnini, “Lɛ́sia anu kpakplaa na lɛ́kpa Unwoti Ɔyikune Ƒui uwi biala. Na Israelƒuɔ béni ƒula bunyimi na bábwɛ ƒula akpabi. Na bádu ƒula kenye bediene ƒui ku lɛkɛɛ, na ami lɛti nébu. Na ɔƒaani benye baawia kuƒi ka badu ami lɛnɔ.”

Baga 1 19:14

Amu na Elia údie kenye ɔnini, “Uwi biala ni, mɔɔkpá awɔ Unwoti Ɔyikune Ƒui, na Israelƒuɔ béni ƒula bunyimi na bábwɛ ƒula akpabi na bádu ƒula kenye bediene ƒui ku lɛkɛɛ, na ami kani nébu. Na ɔƒaani benye baawia kuƒi ka badu ami lɛnɔ.”

Baga 1 2:27

Ɔmɛni ɔsu Salomo ɔ́da Abiatar údie ɔkpane kabla kemmo, na kenye kani na Unwoti ɔ́su ɔ́siku Eli ɔtɔ kemmo bekyuli lɛlɔ na Silo úbo úte lɛni.

Nehemia 13:29

O mina Katɔti, nyimi-ma. Ɔsika bébile bana bakpane kabla ku bunyimi bɔni na bakpane ku Lewiƒuɔ bényimiku-ɔ.

Kɔgya 106:31

Na Pinehas kayi buse bɔmɛni bɔdi lɛla lɛni na Israel kadi bekyuli beenyimo uwi biala ka ɔdi lɛbuni geen. Na ɔdi lɛla lɛni naaadubo bɔyii kudii.

Kɔgya 119:139

Anumi eegyie-mi, ɔsika mina bekisine baládi ƒula ɔda bubo lɛlɔ.

Kɔgya 69:9

Ƒula ɔtɔ lɛlɔ bɔnu anumi adubo-mi bugyie aani ogya ɔni mɔɔda na mina lɛlɔ kemmo. Na edumi ani na bekyuli bédumi-ɔ ni, ana ƒui ébo ábasia-mi lɛlɔ.

Israelƒuɔ Bɔlɛ 29:9

Na eti atɛntɛ aduni ammɔ ada-ma eli. Na eti bana aduni ada-ma kavobi. Na ese-ma aani mina bakpane kalɛ. Ɔsika ama ku bana bawɔ ndubo mina bakpane bɔbla úsela uwi ƒui.

Israelƒuɔ Bɔlɛ 32:30

Ka kadi kégye ni, Mose ɔ́su bekyuli bammɔ ɔnini, “Bɛ́bla likpidi bonwu. Nsu nsɔ ndubusie kɔbi kɔmmɔ lili ntévele Unwoti likpidi lɛni bɛ́bla mɛni lili kayu lite-mii. Ɔƒɛni kalɛ ɔdubɔnu-mii kɔnyana na uti likpidi lɛmmɔ ɔkyiɛ-mii.”

Israelƒuɔ Bɔlɛ 40:15

Na awɛɛ-ma nnɔmii ese-ma likpo aani kalɛ kani na áwɛɛ bana ɔti kalɛ ama lɛnɔ babla bakpane bete-mi. Na likpose nnɔmii bɔwɛɛ bɔmɛni bɔdubo bɔbla lɛla lɛni ndubo buse bute bakpane ƒui usela uwi ƒui.”

Yesaia 61:6

Nsu ama alati ama badubunwini bakpane ku kabla bablane bete bula Unwoti. Kadi bamba bekyuli akɛla ƒui adubunwini bana ɔdi na baƒɔ lɛnyi.

Yeremia 33:18

Na uwi biala kemmo ni, bakpane badubɔsi Lewi kɔdua kemmo na benye bataabla kabla bete-mi na mina lɛkpabi lɛlɔ na bataakyula akpala ani ndubɔyɔ-mi kaƒɔ teete-mi beti bataagya-mi enu.”

Yeremia 33:22

Na Dawid ku bakpane bani nási Lewi kɔdua kemmo badubɔkɛ bawɔ pii betulo kayaa ayabi iye ɛpu kɔnwinimi.”

Lewiƒuɔ Ɔda Bubo 15:15

Na ɔkpane ɔmmɔ ɔdubuti baasɛ bammɔ akɔ unwi ɔbla likpidi bɔkyiɛ akpala na uti ɔkladi ɔbla akpala bɔkyula. Lɛni na ɔdubɔbla na udie Unwoti udie bɔƒiɔ biala na ukyuli ɔmmɔ lɛlɔ.

Malakai 2:8

Nsu bínwini kama bɛ́kya-mi. Na bina ala ani bɛɛtina mmomu mɔɔkpanku bekyuli na beesié taatábla ala ekpidi. Na bíbile bunyimi bɔni na línyimiku bina ati kuuku Lewi.

Bumomo Bɔka 16:46

Mmɔ na Mose ɔ́su Aaron ɔnini, “Babla na eti ƒula oloƒui libui na edie ogya asiku Unwoti lɛkpabi lɛmmɔ lɛlɔ na ewi oloƒui, na ekeli esie Israelƒuɔ bammɔ akɔ na atábla akpala ete Unwoti úte bana likpidi kɔtu bɔni budie. Ɔsika Unwoti úti kɔnyi ɔ́kya bekyuli bammɔ na ɔgbankpi úse kalɔ ɔɔlɛ́ku-ma.”

Bumomo Bɔka 16:47

Anwuɔsu Aaron lɛnɔ ɔ́bla kalɛ na Mose ɔ́su-nwu na úkeli úsie Israelƒuɔ bammɔ kudɔ. Nsu na uwi ɔmmɔ kemmo ni, Unwoti úuse kalɔ ɔɔdú bekyuli bammɔ. Na Aaron ɔ́bla oloƒui bɔkyula akpala úti údie likpidi kɔtu bɔni bana lɛlɔ.

Bumomo Bɔka 17:12

Mmɔ na Israelƒuɔ bammɔ básu Mose banini, “Bɔdubo bukpi! Bɔ́yii ɔƒɛni amu! Bula ƒui bɔyii!

Bumomo Bɔka 25:14

Na Israelni ɔni bádu ku Midiani uleku ɔmmɔ lɛnyi ndi Simri ɔni ndi Salu ubidi na ɔdi Simeon kaba ɔtɔnkune.

Yohane 2:17

Mmɔ ni, nwuna batɛyane bényimo lɛla lɛni nkya Bunweni Kedee Ɔku kemmo ka Ukyuli Ɔƒunadi ɔ́su Katɔti ɔnini, “Ƒula ɔtɔ lɛlɔ bɔnu anumi adubo-mi bugyie aani ogya ɔni mɔɔda na mina lɛlɔ kemmo.”

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 7:11

Katɔti úte kadi ƒui bekyuli ɔda bubo bɔni nkɛnku Lewi ɔkpane bɔdi kabla ulu lɛlɔ. Na si bɔbla na bábla bana kabla na kédu káwɔlɔ ni, bi ɔsu na Katɔti ɔ́sɔ ɔ́ƒuna ɔkpane ɔbambadi ka ubo ɔsiaku Melkisedek ɔkpane bɔdi ulu lɛlɔ na ɔɔɔdi aani kalɛ na ɔ́ƒuna Lewi bebi bani ndi Aaron kaba?

Yosua 7:12

Ɔmɛni ɔsu na Israelƒuɔ bátakana bunye bɔsiaku bana bekisine na bukeli mmomu na bekeli-ma. Ɔsika ala ani udu na ɔlɛka bɛyila ni, bíti-nya bɛkya lɛlɔ. Ɔmɛni ɔsu na ɔ́lɛku-mii lɛni. Na nsɔ lɛɛɛdubo bukpo bute-mii lɛnɔ wetédu uwi ɔni na bɛyila lɛla biala lɛni na lɛ́su-mii.”

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Yohane 1 2:2

Na Kristo ɔmmɔ ɔlati úti nwuna ngba ɔ́kpa na bula lili, kalɛ na ɔklibi abu ku Katɔti ntɛ. Nsu ɔɔɔdi abu lɛti ekpidi lili, mmomu ku bayawine ƒui ekpidi lili.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.