Bumomo Bɔka 24:9 - Katɔti Ɔku Kedee

⁹ Na kadi bekyuli bammɔ bese aani gyata ɔyikune ɔdi. Na si ɔtɛ ɔlɛɛ ni, lɛla biala lɛɛyia-nwu bɔgyila. “Ukyuli biala mete Israel kusɛ kusɛ ni, kusɛ kusɛ ɔdubɔsiaku-nwu. Na ukyuli biala mewida Israel ni, ewida adubɔsiaku-nwu.”

Bumomo Bɔka 24:9 ပူးပေါင်းရင်းမြစ်များ

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Ala Kalɔ Buse 27:29

Na kadi bekyuli ƒui benwini ƒula kabla bablane. Na bekyuli ƒui bakya-a lili kalɔ na adi ƒula banwani ƒui lɛlɔ. Na ƒ'ini bebi bananabi ƒui bakya-a lili kalɔ. Na bekyuli bani mewida-a ƒui ni, ewida asiaku-ma. Na bani mete-ɔ kusɛ kusɛ ni, kusɛ kusɛ ɔsiaku-ma.”

Ala Kalɔ Buse 49:9

Yuda, gyata ubi na adi. Ebuo keƒiekɔ na ási ébo. Aabɛ́bɛ taayu teebi kalɔ aani gyata uwele. Na ɔma ndubuse kayi ɔnii utágya-a?

Baga 1 10:20

Na ubili kakɔkɔ kammɔ lɛnɔ ni, bagyata leevu-inyɔ benye na bebo inyɔ nnye ubili kakɔkɔ biala lɛlɔ ɔvi ɔni ku ɔni. Na bátabla lɛmɛni udu ɔdi bétese lɛga kadikɔ kadi bétete ɔga ɔdi kudii.

Ala Alɛdi 2 9:18

Na libo lɛgba kanyakɔ kani ndanku liboku lɛmmɔ kesii kani na baasia enu na sika ugyiedi na béti bábla-ka. Na bábla gyata kavɔ udu bálɛ lɛgaboku lɛmmɔ ɔƒɛnyi ɔni ku ɔni.

Ester 6:13

Na útásɔku ala ani nálɛ mɛni ƒui ɔ́su ulekudi ku nwuna bakpana. Amu na nwuna bakpana ku ulekudi básu-nwu banini, “Si anii Yudani na Mordekai ɔdi bɔdi ni, na agyi anii adubo bɔnɔ geen! Na si étewi lɛlɔ adubɔyii udu muedi.”

Hiob 41:10

Na si ebuo ɔmɛni lɛlɔ libo liƒu ɔni na ukyuli ɔdi ulakana bɔsu ɔnii utékpoku-nwu ni, ɔma geen ndubɔkana bɔsu ɔnii uunye ɔsiaku ami?

Kɔgya 122:6

Bivele Unwoti bɛnii keyi buɛɛ kebo Yerusalem ɔma kemmo. Na bekyuli bani ƒui mɔɔyɔ́-ɔ ni, enu ku akɔkɔ eyi-ma.

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Israelƒuɔ Bɔlɛ 23:22

Nsu si bínu ɔtu ɔmmɔ litemi na bɛ́di mina ɔda ɔni líbo-mii lɛlɔ ni, ndubo bina bekisine bukpoku bute-mii.

Yesaia 31:4

Lɛni na Unwoti Ɔyikune Ƒui ɔ́su ɔnini, “Ndubo bɔkwanyi na libo lɛdi aani gyata ɔni na ulayia lɛla ndi lɛla, na lɛtu ntébi kebweyi kani na mɔɔwia liƒie lɛlɔ. Na baƒonu badane kɔvanu kɔdi kulakana-mi bɔbɔku bɔtɔlɔku na neeeƒie lɛla lɛni na mɔɔwia. Udu ɔmmɔ ɔnwa na ndubuti libo mbekpo na Sion Kɔbi lɛlɔ.

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Bumomo Bɔka 22:12

Nsu Katɔti ɔ́su Bileam ɔnini, “Awɔ ku bekyuli bammɔ bitesie kesii kadi. Lɛnɔ ni, tewida Israelƒuɔ bammɔ. Ɔsika badi bekyuli bani na béte kusɛ kusɛ.”

Bumomo Bɔka 22:6

Anwuɔsu bo na ebewida bekyuli bamɛni. Ɔsika bekyuli bammɔ bebo ɔyikun geen betulo-mi. Na si ewida-ma ni, ndubɔkana bukpo bɔdi-ma lɛlɔ na lɛbɔku-ma lidie kalɔ kammɔ lɛlɔ. Ɔsika ngyi ka bekyuli bani na ásu ka kusɛ kusɛ ɔsiaku-ma ni, ɔdubɔsiaku-ma lɛni kani. Na bani lɛnɔ na éwida ni, ewida adubɔsiaku-ma lɛni kani.”

Bumomo Bɔka 23:24

Na Israel kaba kese aani gyata ɔni mbo ɔyikun geen, na ulánwuna wetédu ka ɔdu lɛla lɛdi, na ɔduli lɛla biala, utédu ka ɔni bana ubugya.”

Bumomo Bɔka 24:10

Mmɔ na Balak úti kɔnyi kati kati ɔ́kya Bileam. Na ɔ́gya anukpɛ na ɔ́su-nwu ɔnini, “Bɔlɔ na lɛ́lɔ-ɔ ka bo na ebewida mina bekisine. Mmomu kusɛ kusɛ na éte-ma kɔtɛ kɔmɛni sɛɛn.

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 25:45

“Mmɔ na Ɔga ɔmmɔ ɔdubɔsu-ma ɔnini, ‘Mɔɔsu-mii ka ni, uwi ɔni na bítabla lɛbuni bítete ukyuli ɔni na balábu ƒui na mina badi akɔ ni, ami na bítabla bítete!’ ”

Batalane Kabla 9:5

Amu na Saulo úye ɔnini, “Ati, ɔma na adi?” Amu na lɛdi lɛmɛni lídie kenye ɔnini, “Ami ndi Yesu ɔni na eekpóku kpakplaa.

Lɛkpa Ulu 30:7

Na ewida ani na ɔ́su ka adubo-mii lɛlɔ ni, adubunwini busie bina bekisine bani mɔɔwia-mii babla kalala kudɔ.