Bumomo Bɔka 24:6 - Katɔti Ɔku Kedee

⁶ “Kese aani kalɛ na bégyingya kɔwɛ béwi. Na use aani kemo kani bátuma na ketudɔ. Na use aani Unwoti nálɛ egyii ebendi adi. Na use aani sida egyii nlɛ ketudɔ.

Bumomo Bɔka 24:6 ပူးပေါင်းရင်းမြစ်များ

Ala Kalɔ Buse 13:10

Amu na ka Lot ɔ́kɔliku anumi na ɔ́nu ɔ́mana ni, ɔ́nu ka Yordan kalɔ kani nwi késela ƒui ni, ntu bɔkya-ka kemmo geen. Na kese aani Katɔti kemo kani na ɔ́bla na Eden. Na kese aani Egyipte kalɔ kani nwi késie ɔma ɔni ndi Soar kakɛ. Na uwi ɔni na ɔɔnu ala amɛni ƒui lɛni ni, ɔdi uwi ɔni na Katɔti útakyula tɔ Sodom ku Gomora kalɔ.

Kɔgya 1:3

Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Kɔgya 104:16

Na egyii enengudi kpakplaa ani na Katɔti ɔ́lɛ na Lebanon abi lɛlɔ aakɛ́ ntu uwi ndi uwi.

Kɔgya 45:8

Ƒula awu ɔni na akya ni, ugyulo ƒɛƒɛɛ lidu lidu ɔnyi ɔ́ƒɔ-nwu kemmo. Na ɔtunkpɛ sɔɔn na béti bákya ƒula lɛgbanya lɛmmɔ bɔdia. Na lɛbentaa na baagyá taakya-a lɛga ebiti.

Lɛnu Ƒui Ɔnu 6:11

Líse adingyii kemo kadi na ɔkwalɛ nnii ntánu si egyii ammɔ aata evete iye adi adaku anwula buwi.

Yesaia 41:19

Na ndubɔya na egyii enengudi ani na ebo ɔkplu lidu lidu aƒɔ ketele kalɔ kakwiidi kammɔ kemmo ƒui aani Sida ku akasia ku abambadi udu.

Yesaia 58:11

Unwoti ɔdubɔtɔnku-mii na ute-mii ala ani ƒui námanku-mii na kalɔ kakwiidi kammɔ kemmo na ute-mii ɔlɔkplu. Na bɛdubɔbla aani kevoma kemo kani edula mɔɔkɛ́ ntu uwi biala iye ketu kani ntu naaakwii uwi ɔdi.

Yeremia 17:18

Die-mi na lɛla lɛdi takana bɔbla ku kɔƒa kudɔ. Na aya na mina bekisine mmomu batakana lɛla lɛdi bɔbla na kɔƒa kukpo-ma. Ya na ɔgbankpi ɔlɛku-ma na ala ani na baayia teetulo alɛku-ma.

Yeremia 31:12

Mina bekyuli badubo-mi kudɔ na Sion Kɔbi lɛlɔ na babadi limeyi na bana anumi ekeye, ɔsika ndubute-ma kusɛ kusɛ. Na ndubute-ma antabi ku egyiibi ku nnɔ. Na lite-ma baƒonu ku ɔmantɛ bakɔ. Ala adubo-ma bɔdianku na balɛ lili aani kemo kani edula nákɛ ntu kaduɛ.

Esekiel 47:12

Adingyii pii adubɔkwɛ ketu kamɛni kɔtu na ataanwu ebi kɔbuli biala. Na evete ammɔ aaadubo bɔkwii bɔnu kudii, ɔsika adubo ntu butaakɛ uwi biala taasiku ketu kani mɔɔgbá taasi kakpakɔ kudɔ mmɔ na bekyuli badubuti evete ammɔ babwi bekyuli.”

Yoel 3:18

“Na limeyi lɛmmɔ lɛlɔ ni, adingyii ani nánwu ebi kaduɛ adubɔƒɔ kɔbi kɔmmɔ lɛlɔ ƒui. Na bina bebuo badubɔƒɔ abi ammɔ lɛlɔ na bakɛ badi na bete-mii bebuo anyi ntu pii. Na ntukpa bɔni nkya Yuda kalɔ lɛlɔ mmɔ ƒui bɔdi bɔsɔ bulakwii kudii. Na ketu kadi kadubɔlɛ kasi Unwoti kaduli mmɔ na kagba kavi Sitim Ɔkwalɛ.

Bumomo Bɔka 24:5

“Yakob kadi bekyuli! Bɛnu kalɛ na bina nvo bɔɔdia bɔnu. Na bɛnu kalɛ na amii Israelƒuɔ kakyakɔ lɛnɔ kese.